តារាសម្តែង និងពិធីការិនីនាង ប៉ែន ស្រីពេជ្រ បានសម្តែងក្តីរំភើបយ៉ាងខ្លាំង ក្នុងពេលដែលនាងសម្រេចបំណងនៅក្នុងការមានកូនជាលើកដំបូងក្នុងជីវិតអាពាហ៍ពិពាហ៍រវាងនាង និងស្វាមី។ ជាមួយនឹងរំភើបនេះ តារាស្រីរូបនេះក៏បានបញ្ចេញនូវពាក្យពេចន៍មួយចំនួនចាក់ចំបេះដូងស្វាមីរបស់ខ្លួន ដែលបាន
រាជធានីភ្នំពេញ ៖ តារាសម្តែង និងពិធីការិនីនាង ប៉ែន ស្រីពេជ្រ បានសម្តែងក្តីរំភើបយ៉ាងខ្លាំង ក្នុងពេលដែលនាងសម្រេចបំណងនៅក្នុងការមានកូនជាលើកដំបូងក្នុងជីវិតអាពាហ៍ពិពាហ៍រវាងនាង និងស្វាមី។ ជាមួយនឹងរំភើបនេះ តារាស្រីរូបនេះក៏បានបញ្ចេញនូវពាក្យពេចន៍មួយចំនួនចាក់ចំបេះដូងស្វាមីរបស់ខ្លួន ដែលបានចាប់ដៃនាងកសាងសុភមង្គលគ្រួសារ រហូតទទួលបានចំណងដៃកូនស្រីជាលើកដំបូងនាពេលនេះ។
ជាមួយរូបភាពបញ្ជាក់ពីការពិនិត្យផ្ទៃពោះកូននៅក្នុងផ្ទៃ ដែលមានអាយុ៣ខែនោះ ប៉ែន ស្រីពេជ្រ បានភ្ជាប់ជាមួយនឹងសារបង្ហោះតាមគណនេយ្យហ្វេសប៊ុករបស់ខ្លួនថា បំណងប្រាថ្នាពួកយើងទាំង២ បន្ទាប់ពីរៀបការ ពេលនេះបានសម្រេចហើយ។ អរគុណប្តីសម្លាញ់ចាប់តាំងពីដឹងថា អូនទម្ងន់ខែទី១ រហូតដល់ខែទី៣នេះ បងមើលថែទាំអូនរហូត ហើយចាប់ពីដឹងថា ពួកយើងមានកូនស្រី ក៏រឹតតែថែទៀត សូមអោយបងបែបនេះរហូតណាប្តីសម្លាញ់។
នាងបញ្ជាក់ថា ប៉ាម៉ាក់សន្យានឹងថែទាំកូនស្រីអោយបានល្អ រហូតដល់កូនមើលឃើញពិភពលោកថា ស្រស់ស្អាតប៉ុណ្ណា កូនគឺកម្លាំងចិត្ត។ នាងថា គោលដៅឆ្នាំនេះ យើងបានសម្រេចហើយ សង្ឃឹមគោលដៅឆ្នាំក្រោយយើងទាំង២ នឹងជោគជ័យបន្ត ទោះបីលំបាកយ៉ាងណា ក៏យើងខិតខំប្រឹងប្រែងអោយអស់ពីលទ្ធភាព ៧year together love forever P&T។
យ៉ាងណា ក្រោយពេល ប៉ែន ស្រីពេជ្រ បង្ហោះពីដំណឹងពពោះកូនដំបូងនាពេលនេះ មានទស្សនិកជន ជាពិសេសមិត្តភក្តិក្នុងសិល្បៈជាច្រើនបាននាំគ្នាសម្តែងការអបអរសាទរ និងជូនពរអោយនាងកាន់តែមានសុភមង្គលនៅជីវិតគ្រួសារ។
ជាការកត់សម្គាល់ ពិធីការិនីរូបស្រស់ ប៉ែន ស្រីពេជ្រ បានចូលរោងការទៅតាមគម្រោងប្រពៃណីនៅក្នុងថ្ងៃទី៨ ខែមករា ឆ្នាំ២០២១ ជាមួយស្វាមីលោក ឆេង ពន្លកនេត្រា។ ប៉ែន ស្រីពេជ្រ បានសម្រេចចិត្តបញ្ចប់ភាពនៅលីវទាំងមានប្រជាប្រិយភាពនៅក្នុងអាជីពជាពិធីការិនីកំពុងហក់ខ្លាំង តែយ៉ាងណាក្រោយរៀបការនាងនៅតែបន្តការងារនេះដដែល ដោយមិនមានការរាំងពីសំណាក់ស្វាមីឡើយ ហើយមុននឹងសម្រេចចិត្តរៀបការ ពួកគេបានស្វែងយល់ចិត្តថ្លើមគ្នាប្រមាណជាបីឆ្នាំមកហើយ៕
ចែករំលែកព័តមាននេះ