២០១៦ គឺជាឆ្នាំរបស់សត្វស្វាត្រូវមកគ្រប់គ្រងរយៈពេល១ឆ្នាំពេញ នេះបើយោងតាមក្បួនតម្រារបស់ចិន ។ ឆ្នាំស្វានេះនឹងចាប់ផ្តើមពីថ្ងៃទី៨ កុម្ភៈ ២០១៦ រហូតដល់ថ្ងៃទី ២៧ មករា ២០១៧ ។ ស្វាគឺជាសត្វទី ៩ ក្នុងចក្កវាឡសត្វទាំង ១២ ចំណែកអ្នកដែលកើតចំតួអង្គសត្វស្វានេះរួមមានអ្នកកើតក្នុងឆ្នាំ ១៩២០, ១៩៣២, ១៩៤៤, ១៩៥៦, ១៩៨០, ១៩៩២, ២០១៦ និងឆ្នាំ ២០២៨ ។
ស្វាគឺជាសត្វឆ្លាត ហើយវាតែងតែត្រូវបានគេប្រៀបធៀបទៅនឹងមនុស្សឆ្លាត ។ ក្នុងអំឡុងនិទាឃរដូវ និងរដូវស្លឹកឈើជ្រុះប្រមាណជា ៧៧០-៤៧៦ មុនគ្រឹស្តសករាជមន្ត្រីថ្នាក់កំពូលរបស់ចិនបានប្រកាសថា Hou ដូចគ្នាទៅនឹងការបញ្ចេញសំឡេងនៃ «សត្វស្វា» ជាភាសាចិន ។ ចាប់តាំងពីពេលនោះមកសត្វស្វាមានអត្ថន័យដ៏វិសេសវិសាលចំពោះអ្នកកើតចំសត្វនេះ ។
ឆ្នាំស្វា
-កុម្ភៈ ២០-១៩២០-កុម្ភៈ ៧-១៩២១
-កុម្ភៈ ៦-១៩៣២-មករា ២៥-១៩៣៣
-មករា ២៥-១៩៤៤-កុម្ភៈ ១២-១៩៤៥
-កុម្ភៈ ១២-១៩៥៦-មករា ៣០-១៩៥៧
-មករា ៣០-១៩៦៨-កុម្ភៈ ១៦-១៩៦៩
-កុម្ភៈ ១៦-១៩៨០-កុម្ភៈ ៤-១៩៨១
-កុម្ភៈ ៤-១៩៩២-មករា ២២-១៩៩៣
-មករា ២២-២០០៤-កុម្ភៈ ៨-២០០៥
-កុម្ភៈ ៨-២០១៦-មករា ២៧-២០១៧
-មករា ២៦-២០២៨-កុម្ភៈ ១២-២០២៩
-កុម្ភៈ ១២-២០៤០-កុម្ភៈ ២៨-២០៤១
-កុម្ភៈ ១-២០៥២-កុម្ភៈ ១៨-២០៥៣
សំណាងសម្រាប់អ្នកកើតឆ្នាំស្វា
-លេខ៖ ១,៧ និងលេខ ៨ ។
-ពណ៌៖ ស មាស និងពណ៌ខៀវ ។
-ផ្កា៖ Chrysanthemum និងផ្កា Alliums។
-ទិស៖ លិច ជើង និងទិសពាយ័ព្យ ។
គួរចៀសវាង
លេខ៖ ២, ៥ និងលេខ ៩ ។
ពណ៌៖ ក្រហម ខ្មៅ ប្រផេះ និងពណ៌កាហ្វេចាស់ ។
ទិស៖ កើត ។
បុគ្គលិកលក្ខណៈរបស់អ្នកកើតឆ្នាំស្វា
ជាទូទៅមនុស្សប្រុស-ស្រីដែលកើតឆ្នាំសត្វស្វាឆ្លាតរវាសរវៃ ជាពិសេសក្នុងការប្រកបរបរការងារ និងទ្រព្យសម្បត្តិ ។ ពួកគេតែងតែរស់រវើក បត់បែន ឆ្លើយតបដោយវិធីឆ្លាតវៃដោយមិនចាំបាច់គិតគូរវែងឆ្ងាយ និងហុចលទ្ធផលល្អទៀតផង ។ លើសពីនេះទៅទៀតភាពស្លូតបូតរបស់ពួកគេ និងសេចក្តីទៀងត្រង់នឹងនាំឱ្យពួកគេនូវជីវិតស្នេហាគ្មានទីបញ្ចប់ទេ ។ ថ្វីបើពួកគេកើតមកមានជំនាញប៉ិនប្រសប់ទៅនឹងការស៊ាំជាមួយបរិស្ថានជុំវិញខ្លួន តែពួកគេមានកំហុសមួយចំនួនផងដែរដូចជាខឹង និងងាយមើលស្រាលគេ ។
ចំណុចខ្លាំង
មានចំណង់ខ្លាំង ជឿជាក់លើខ្លួនឯង ចូលចិត្តរាប់អានមនុស្ស និងមានគំនិតច្នៃប្រឌិតខ្ពស់ ។
ចំណុចខ្សោយ
ច្រណែន សង្ស័យច្រើន សម្បូរល្បិច អាត្មានិយម និងវាយឫក ។
ឆ្នាំត្រូវគ្នាខ្លាំង
គឺឆ្នាំគោ និងឆ្នាំទន្សាយ ។ ពួកគេបង្កើត អ្វីៗឱ្យគ្នាទៅវិញទៅមក ពោលគឺមានបុគ្គលិកលក្ខណៈស្រដៀងគ្នាមួយចំនួនទាំងក្នុងជីវិតរស់នៅ និងអត្តចរិត ។ ពួកគេតែងតែអត់ឱនឱ្យគ្នា ខណៈពេលពួកគេមានពេលវេលា និងសេរីភាពគ្រប់គ្រាន់ឱ្យគ្នាទៅវិញទៅមក ។ ចំណែកជីវិតស្នេហារបស់ពួកគេវិញពោរពេញទៅដោយក្តីសប្បាយរីករាយព្រោះតែពួកគេមានអារម្មណ៍នៃការយោគយល់គ្នាយ៉ាងស៊ីជម្រៅ ។
ឆ្នាំឆុងគ្នាខ្លាំង
ឆ្នាំខ្លា និងឆ្នាំជ្រូក ។ ដោយសារតែពួកគេមានទិន្នាការខុសគ្នាស្រឡះ ។ ពួកគេគ្មានប្រធានបទប្រចាំថ្ងៃ និងមានផលវិបាកសម្រាប់ពួកគេក្នុងការរាប់អានមនុស្សដោយទឹកចិត្តអត់ធ្មត់ និងគោរពនោះទេ ។ ការឈ្លោះប្រកែកគ្នា និងជម្លោះនឹងផ្តល់ឱ្យពួកគេនូវឥទ្ធិពលអវិជ្ជមាន ។
សំណាងក្នុងឆ្នាំ២០១៦
២០១៦ គឺជាឆ្នាំកំណើតសម្រាប់ពួកគេ ។ រីឯសំណាងនឹងមិនរលូនទាំងអស់នោះទេពេញ១ឆ្នាំ ។ ចំពោះការងារវិញនឹងមានបញ្ហាប្រឈមច្រើន ។ ថ្វីបើពួកគេមានបំណងសម្រាប់ជីវិត តែពួកគេអាចនឹងមិនទទួលបានអ្វីទាល់តែសោះក៏ថាបាន ។ ពួកគេត្រូវតែប្រុងប្រយ័ត្នពីកិច្ចសហប្រតិបត្តិការ និងការវិនិយោគ ។ ដោយកុំជឿជាក់លើមនុស្សងាយពេក ក្រៅពីនេះពួកគេត្រូវតាំងចិត្តឱ្យធ្ងន់ និងធ្វើឱ្យជីវិតប្រកបដោយតុល្យភាព និងធ្វើឱ្យពួកគេមានសុខភាពល្អប្រសើរ ។ ជាមួយគ្នានេះដែរ ពួកគេត្រូវរកពេលវេលាសមស្របដើម្បីបញ្ចេញភាពតានតឹង ។
បុគ្គល ល្បីៗកើតឆ្នាំស្វា
អធិរាជចូវ ហ្ស៊េទៀត ក្នុងរាជវង្សថាង, វិចិត្រករឯកលោកលីអូណាដូ ដា វីនស៊ី ដែលគូរគំនូរនាងម៉ូណា លីហ្សា, ជេម ស្បន, នាងសេឡេណា ហ្គោម៉េស, នាងមីលី ស៊ីរ៉ូស, នាង ឌេមី ឡូវ៉ាតូ, និងបុគ្គល ល្បីៗក្នុងលោកច្រើននាក់ទៀត ៕
ចែករំលែកព័តមាននេះ