អ្នកនាង យុគ ចិន្តា បានរងនូវវិបត្តិក្នុងចិត្ត ព្រោះស្ទើរតែគាំងស្មារតី ពេលបាត់មុខអ្នកម្តាយយ៉ាងលឿនទាំងដែលសុខភាពរឹងប៉ឹង។ អ្នកនាងខូចចិត្តមិនស្ទើរនោះទេ ទំរាំតែធ្វើចិត្តបាន និង ទទួលស្គាល់ការណ៍ពិតនេះ។ យ៉ាងណាមិញ អ្នកនាង យុគ ចិន្តា
រាជធានីភ្នំពេញ ៖ អ្នកនាង យុគ ចិន្តា បានរងនូវវិបត្តិក្នុងចិត្ត ព្រោះស្ទើរតែគាំងស្មារតី ពេលបាត់មុខអ្នកម្តាយយ៉ាងលឿនទាំងដែលសុខភាពរឹងប៉ឹង។ អ្នកនាងខូចចិត្តមិនស្ទើរនោះទេ ទំរាំតែធ្វើចិត្តបាន និង ទទួលស្គាល់ការណ៍ពិតនេះ។ យ៉ាងណាមិញ អ្នកនាង យុគ ចិន្តា បានសម្រេចចិត្តវិលមកកាន់ការងារជាពិធីការិនីឡើងវិញ ហើយបំពេញការងារបានប៉ុន្មានថ្ងៃ អ្នកនាងក៏បានបោះពាក្យសំដីម៉្យាងបង្កប់ន័យយ៉ាងជ្រៅ ។
អ្នកនាង យុគ ចិន្តា បានប្រើនូវអារម្មណ៍ស្ងប់ស្ងាត់ចាប់តាំងពីចូលដល់វ័យរាងជ្រេ និងកាន់តែមិនចង់ដឹងឮរឿងតប់ប្រមល់ច្រើននៅពេលបាត់បង់មនុស្សជាទីស្រឡាញ់ ជាទីគោរព ត្រូវចាកចេញឆ្ងាយមិនអាចបកក្រោយវិញបាន។
បើក្រឡេកទៅមើលនូវបណ្តាញសង្គមរបស់អ្នកនាង ក៏បានផុសសរសេរថា «អារម្មណ៍នៅពេលដែលកាន់តែចាស់ កាន់តែចង់ស្ងប់ស្ងាត់ ពេលខ្លះក៏តែងតែចូលចិត្តទេសភាពស្អាតៗនៅក្បែជើងភ្នំ ហើយសាកល្បងប្រើប្រាស់ជីវិតដោយផ្សាភ្ជាប់ជាមួយនឹងធម្មជាតិ។ ព្រៃព្រឹក្សា ព្រៃភ្នំ ជើងភ្នំ បឹងបួរ ដងព្រែក សម្រស់ធម្មជាតិមាននៅទីនេះ ។ អ្នកណាខ្លះមានអារម្មណ៍ និងមាននិស្ស័យស្រលាញ់ធម្មជាតិ ខ្លះ សាកសួរព័ត៌មាន ឬក៏ផ្ញើសារមកសាកសួរនាងខ្ញុំបានណា»។
ម្យ៉ាងទៀត អ្នកនាងទើបតែមកកាន់តួនាទីការងារនៅកន្លែងវិញ ដោយបានបង្ហាញការនឹករលឹកជាមួយសិល្បករ ក្រុមការងារនៅពេលខកខានមួយរយៈកន្លងទៅ។
ហើយក្នុងពេលចេញទៅកម្សាន្តនៅតំបន់ស្ងប់ស្ងាត់ អ្នកនាង យុគ ចិន្តា បានបង្ហោះអារម្មណ៍ក្នុងចិត្តហាក់សំដៅលើអ្នកណាមួយថា « ពេលវេលាបានបង្រៀនយើងអោយដើរលើផ្លូវ ដែលយើងកំណត់គោលដៅច្បាស់លាស់ ។ ផ្លូវមួយនេះ ខ្ញុំធ្លាប់ដើរ១០ឆ្នាំមុនដោយគ្មានគូប្រជែង តែមកដល់ពេលបច្ចុប្បន្ននេះ នៅជុំវិញខ្លួនខ្ញុំសំបូរទៅដោយគូប្រជែង… ហ៊ឺហ៊ឹ បាត់អស់មិត្តភក្តិ… ព្រោះតែលុយ… ព្រោះតែចង់មាន»។
គួរបញ្ជាក់ថា មកទល់ពេលនេះ យុគ ចិន្តា នៅតែមិនទាន់រៀបការបង្ហាញមុខបុរសថ្មីក្នុងចិត្តឡើយ។ អ្នកនាងបានចំណាយពេលវេលាសាងសុភមង្គលមើលថែទាំកូនស្រីបណ្តូលចិត្តអោយបានល្អប្រសើរចិញ្ចឹមផ្គត់ផ្គង់រៀនសូត្រដើម្បីអនាគត។ ចំណែកឯកូនស្រីអ្នកនាងវិញ ក៏មិនបានធ្វើអោយម្តាយខកចិត្ត ខិតខំរៀនសូត្រ ស្តាប់ដំបូន្មានម្តាយដោយកម្រធ្វើអោ អ្នកនាងចិន្តាស្មុគស្មាញចិត្តណាស់។
ចែករំលែកព័តមាននេះ