រ៉េត ស៊ូហ្សាណា ឪពុកម្តាយឲ្យចាកចេញពីសិល្បៈភ្លាម ប្រសិនបើជំពប់រឿងស្នេហា?
- ភ្នំពេញ
រាជធានីភ្នំពេញ ៖ កញ្ញា រ៉េត ស៊ូហ្សាណា ជាកូនអ្នកធូរធារ គួរសម ដែលមានកម្រិតជីវភាពក្នុងការរស់នៅសមរម្យ មិនពឹងអាស្រ័យលើសិល្បៈក៏បាន ។…
រាជធានីភ្នំពេញ ៖ កញ្ញា រ៉េត ស៊ូហ្សាណា ជាកូនអ្នកធូរធារ គួរសម ដែលមានកម្រិតជីវភាពក្នុងការរស់នៅសមរម្យ មិនពឹងអាស្រ័យលើសិល្បៈក៏បាន ។
នាងត្រូវបានអ្នកមានគុណអោយចូលសិល្បៈ ក៏ព្រោះតែតាមចិត្តកូនហើយ ចង់បំពេញបំណង ដែលកូនស្រឡាញ់ ។ ប៉ុន្តែបើសិនជាយូរទៅកាន់តែមានព្យុះបក់បោកដោយជំពប់រឿងស្នេហា គឺអាចនឹងពិចារណាលាឈប់ព្រោះការងារសំខាន់ផ្តោតតែរឿងសិក្សា និងសិល្បៈ ។ នាងបានឈរជើងនៅហង្សមាសជាង៣ឆ្នាំមកហើយដែលនាងជាតារាស្រីតែម្នាក់គត់លេចធ្លោនៅទ្រនុំធំនៅរដូវកូវីដ តាមរយៈសកម្មភាពច្រៀងសម្ដែងរបស់នាង នាពេលកន្លងមកមានភាពរស់រវើក ពិសេស គឺច្រៀងបទជាភាសអង់គ្លេស ។
ក្រៅពីអាជីពចម្រៀងនាងហ្សាណា ក៏ក្ដោបបានទីផ្សារពាណិជ្ជកម្មធំៗជាបន្ដបន្ទាប់ផងដែរ ទើបធ្វើឲ្យនាងកាន់តែត្រូវបានគេចាប់អារម្មណ៍ ហើយកាលពីដើមខែមករា ឆ្នាំ២០២១នេះ ស្រីស្អាតហ្សាណាថែមទាំងបានទិញផ្ទះ២ល្វែងជាប់គ្នា តម្លៃខ្ទង់សែនដុល្លារទៀតផង នាំឲ្យអ្នកខ្លះសង្ស័យថា នាងមានគូស្នេហ៍ឧបត្ថម្ភ ។
តែយ៉ាងណានាងហ្សាណា ដែលមានឪពុកម្ដាយតាមការពារគ្រប់វិនាទីនោះមិនធ្លាប់ប៉ះរឿងអាស្រូវស្នេហានោះទេ ព្រោះសូម្បីតែទូរស័ព្ទក៏ស្រីស្រស់រូបនេះ មានម្ដាយរបស់នាងជាអ្នកលើកជំនួសដែរ ។ អ្នកដែលតាមនាងទាំងឡាយដែលចង់ឆក់ស្នេហ៍នាងនោះបានត្រឹមខកចិត្ត ដោយសារតែមិនអាចចូលជិតកាយយ៉ាតារាសាច់ខ្ចីនេះបានឡើយ ។
តាមព័តមានបានឲ្យដឹងថា នាងហ្សាណា នឹងត្រូវបានឪពុកម្ដាយនាងឲ្យចាកចេញពីអាជីពសិល្បៈភ្លាមៗ ប្រសិនបើនាងជំពប់រឿងអាស្រូវកេរ្ដិ៍ណាមួយផ្ទុះឡើងនោះ ព្រោះក្រុមគ្រួសារនាងផ្ដោតឲ្យនាងជ្រើសការសិក្សារជាជម្រើសទី១ ខណៈការងារសិល្បៈជាជម្រើសទី២៕
ចែករំលែកព័តមាននេះ