ស្ថានភាពបវរកញ្ញាមីយ៉ាន់ម៉ា ហាក់ផុយស្រួយ ខណៈនាងសល់ត្រឹម២០០ដុល្លារជាប់ខ្លួន
ថៃ ៖ រឿងរ៉ាវរបស់បវរកញ្ញាមីយ៉ាន់ម៉ាឆ្នាំ២០២០ គឺកញ្ញា Thaw Nandar Aung ដែលគ្រប់គ្នាស្គាល់ថា Han Lay…
ថៃ ៖ រឿងរ៉ាវរបស់បវរកញ្ញាមីយ៉ាន់ម៉ាឆ្នាំ២០២០ គឺកញ្ញា Thaw Nandar Aung ដែលគ្រប់គ្នាស្គាល់ថា Han Lay…
ថៃ ៖ រឿងរ៉ាវរបស់បវរកញ្ញាមីយ៉ាន់ម៉ាឆ្នាំ២០២០ គឺកញ្ញា Thaw Nandar Aung ដែលគ្រប់គ្នាស្គាល់ថា Han Lay កំពុងក្លាយជាប្រធានបទក្តៅគគុកមួយលើបណ្តាញសារព័ត៌មានអន្តរជាតិ ជាពិសេសនៅក្នុងប្រទេសថៃ ដោយគ្រប់គ្នាកំពុងតែចង់ដឹងអំពីសុខទុក្ខរបស់នាង។
ដោយឡែកថ្មីៗនេះ បើយោងតាមផេកហ្វេសប៊ុក ASEAN Beauty Pageant បានបង្ហោះដំណឹងចុងក្រោយមួយថា បវរកញ្ញាមីយ៉ាន់ម៉ាឆ្នាំ ២០២០ នឹងបន្តស្នាក់នៅក្នុងប្រទេសថៃរយៈពេល២ខែបន្ថែមទៀត ដើម្បីប្រាកដថាអ្វីៗទាំងអស់មានសុវត្ថិភាពសម្រាប់នាង មុនត្រឡប់មកទៅកាន់ប្រទេសកំណើតវិញ។ ហើយក្នុងនោះលោក Nawat Itsaragrisil ដែលជាពិធីករទូរទស្សន៍ និងជាអ្នកផលិតកម្មវិធីប្រលងសម្រស់ នឹងរ៉ាប់រងទាំងអស់សម្រាប់ការចំណាយ។
ប្រភពដដែលបានបន្តទៀតថា ប្រជាជនថៃជាច្រើនចង់ជួយនាងតាមរយៈការបរិច្ចាគប្រាក់ ព្រោះបច្ចុប្បន្ននាងនៅសល់តែ២០០ដុល្លារក្នុងខ្លួនប៉ុណ្ណោះ សម្រាប់ការបន្តរយៈពេល២ខែ។ ប៉ុន្តែនាងបានបដិសេធមិនទទួលយកវាទេ។ ដោយនាងនិយាយថា នាងចង់ធ្វើការងារដើម្បីទទួលបានប្រាក់ខ្លះអំឡុងពេលនេះ។
ទោះបីជាយ៉ាងណា បើតាមការបញ្ជាក់ពីប្រភពខាងលើបានឱ្យដឹង បវរកញ្ញាមីយ៉ាន់ម៉ារូបនេះនឹងក្លាយជាអ្នកតំណាងម៉ាកផលិតគ្រឿងសំអាងផ្ទាល់របស់លោក Nawat តែម្តង។ ដូច្នេះនាងនឹងទទួលបានប្រាក់ចំណេញមួយចំនួនដែលកាត់ចេញពីថ្លៃដើម។
សូមរំលឹកជូនថា បវរកញ្ញាមីយ៉ាន់ម៉ា Han Lay បានធ្វើឱ្យពិភពលោកភ្ញាក់ផ្អើល បន្ទាប់ពីបានយកវេទិកាប្រកួត Miss Grand International ឆ្នាំ ២០២០ ដែលធ្វើឡើងកាលពីថ្ងៃទី ២៧ ខែ មីនាកន្លងទៅ នៅទីក្រុងបាងកក ដើម្បីនិយាយអំពីស្ថានភាពបច្ចុប្បន្ន ពីការសម្លា.ប់ប្រជាជនដោយមិនញញើតដៃពីសំណាក់របបសឹកយោធា នៅក្នុងប្រទេសកំណើតរបស់នាង៕
ចែករំលែកព័តមាននេះ