បន្ទាយមានជ័យ ៖ ដាក់ប៉ុស្តិ៍ត្រួតពិនិត្យចំនួន២កន្លែង រយៈពេល២ថ្ងៃ ត្រួតពិនិត្យជនជាតិបរទេស ដែលចូលមានចំនួន៣១នាក់ រហូតដល់ល្ងាចថ្ងៃទី១៥ ខែមីនា ឆ្នាំ២០២១ ក្រុងប៉ោយប៉ែត ។
លោក គាត ហ៊ុល អភិបាលក្រុងប៉ោយប៉ែត បានអោយដឹងនៅល្ងាច ថ្ងៃទី១៥ ខែមីនា ឆ្នាំ២០២១ថា ៖ ជាណែនាំពីឯកឧត្តម អ៊ុ រាត្រី អភិបាលខេត្តបន្ទាយមានជ័យ និងដឹកនាំអនុវត្តន៍ផ្ទាល់លោក ង៉ោ ម៉េង ជ្រួន អភិបាលរងខេត្តរួមក្រុមការងារមានកម្លាំងកងរាជអាវុធហត្ថខេត្ត មន្ត្រីនៃស្នងការដ្ឋាននគរបាលខេត្ត មន្ត្រីនគរបាលអន្តោប្រវេសន៍ និងមន្ត្រីរដ្ឋបាលក្រុងប៉ោយប៉ែត បានដាក់ប៉ុស្តិ៍ត្រួតពិនិត្យចំនួន២ចំណុច នៅចំណុចទី១.តាមបណ្តោយផ្លូវជាតិលេខ៥ចំណុចភូមិ.សង្កាត់ផ្សារកណ្តាល ក្រុងប៉ោយប៉ែត ចំណុចទី២.តាមបណ្តោយផ្លូវលេខ៥៨ស្ថិតភូមិព្រៃគប់ឈមភូមិអូរនាង សង្កាត់ផ្សារកណ្តាល ក្រុងប៉ោយប៉ែត ។
លោកបានបញ្ជាក់ថា ការអនុវត្តន៍តាមការណែនាំ និងវិធានការត្រួតពិនិត្យទៅលើជនបរទេសដែលចូលមកក្រុងប៉ោយប៉ែត រយៈពេល២ថ្ងៃ ចាប់ថ្ងៃទី១៤ ដល់១៥ ខែមីនា ឆ្នាំ២០២១នេះ បានត្រួតពិនិត្យចំនួន២ ចំណុចទៅលើជនបរទេសចូលមកក្រុងប៉ោយប៉ែតបានចំនួន៣១នាក់ ក្នុងនោះមានជនជាតិចិន ឥណ្ឌូនេស៊ី និងជនជាតិថៃ ។
លោក គាត ហ៊ុល បានបញ្ជាក់ថា ការត្រួតពិនិត្យលើជនបរទេសដែលចូលមកក្រុងប៉ោយប៉ែត ចំណុចទី១.មន្ត្រីនគរបាលអន្តោប្រវេសន៍ត្រួតពិនិត្យទៅលើឯកសារលិខិតឆ្លងដែនបើរកឃើញគ្មានលិខិតឆ្លងដែនទេអន្តោប្រវេសន៍ខុសច្បាប់ចាប់ប្រគល់ជនស្ថានទូតដើម្បីមានវិធានការតាមច្បាប់ ។ ចំណុចទី២.មន្ត្រីសុខាភិបាលត្រូវត្រួតពិនិត្យសុខភាពវាស់កំដៅ និងសាកសួររកឯកសារធ្វើចត្តាឡីស័ក បើគ្មានរោងសញ្ញាណាមួយអនុញ្ញាតិអោយចូលទៅបាន ។
ចំណុចទី៣.ជនជាតបរទេសដែលអនុញ្ញាតអោយចូលហើយត្រូវកម្លាំងកងរាជអាវុធហត្ថ និងមន្ត្រីនគរបាលក្នុងមូលដ្ឋានត្រូវដឹងស្នាក់នៅ និងកន្លែងធ្វើការងាយស្រួលក្នុងការគ្រប់គ្រោងដើម្បីអនុវត្តតាមគោលការរបស់ក្រសួងសុខាភិបាលបង្ការទប់ស្កាត់កូវីដ១៩មិនអោយរាតត្បាតក្នុងសហគមន៍ ៕
ចែករំលែកព័តមាននេះ