យន្តហោះ​ដឹក​អ្នកដំណើរ​​​១គ្រឿ​ង​ផ្ទុះ​ឆេះ​​ម៉ា​សី​ុ​ន​​លើ​មេឃ​ធា្ល​​ក់​បំណែក​មក​ដី​​(វីដេអូ) – Koh Santepheap Daily

ADផ្ទាំងផ្សព្វផ្សាយពាណិជ្ជកម្ម

យន្តហោះ​ដឹក​អ្នកដំណើរ​​​១គ្រឿ​ង​ផ្ទុះ​ឆេះ​​ម៉ា​សី​ុ​ន​​លើ​មេឃ​ធា្ល​​ក់​បំណែក​មក​ដី​​(វីដេអូ)

4 ថ្ងៃ មុន

សហរដ្ឋអាមេរិក ៖ បណ្ដា​រូបភាព​ពិតជា​ជា​គួរ​ឲ្យ​ព្រឹ​ព្រួច ដោយ​កាលពី​ថ្ងៃ​ទី​២០ ខែ​​កុម្ភៈ ឆ្នាំ​២០២១ មាន​បំណែក​ធ្លាក់​រោយ​ដូច​ភ្លៀង​មក​លើ​ដី ក្រោយ​ពី​ដាច់​ចេញពី​យន្តហោះ​ដឹក​អ្នក​ដំណើរ​១​គ្រឿង របស់​ក្រុមហ៊ុន​អាកាសចរណ៍​អា​មេ​រិ​ក ​UNITED…

សហរដ្ឋអាមេរិក ៖ បណ្ដា​រូបភាព​ពិតជា​ជា​គួរ​ឲ្យ​ព្រឹ​ព្រួច ដោយ​កាលពី​ថ្ងៃ​ទី​២០ ខែ​​កុម្ភៈ ឆ្នាំ​២០២១ មាន​បំណែក​ធ្លាក់​រោយ​ដូច​ភ្លៀង​មក​លើ​ដី ក្រោយ​ពី​ដាច់​ចេញពី​យន្តហោះ​ដឹក​អ្នក​ដំណើរ​១​គ្រឿង របស់​ក្រុមហ៊ុន​អាកាសចរណ៍​អា​មេ​រិ​ក ​UNITED AIRLINES ដែល​បង្ខំ​ឲ្យ​យន្ត​ហោះ​នោះ​ហោះ​បក​ក្រោយ បន្ទាប់​ពី​មាន​ភ្លើង​ឆេះ​ម៉ា​ស៊ីន​រេ​អាក់​ទ័​រ​ខាងស្ដាំ​មួយ​។

បំណែក​ទាំងនេះ​ បាន​ធ្លាក់​រោយ​លើ​តំបន់​មាន​មនុស្ស​រស់នៅ នៃ​ទីក្រុង ​DENVER សហ​រដ្ឋ​អាមេរិក​។ ពិតជា​មហា​សំណាង​ដោយ​គ្រោះថ្នាក់​នោះ មិន​បណ្ដាល​ឲ្យ​មនុស្ស​ណា​ម្នាក់​រង​របួស​ឡើយ ទាំង​នៅ​លើ​ដី ​ទាំង​នៅ​ក្នុង​យន្តហោះ​។

បណ្ដា​អ្នកដំណើរ​ជិះ​យន្តហោះ​ជើងហោះហើរ UA 328​ របស់​ក្រុមហ៊ុន​អាកាសចរណ៍​អា​មេ​រិ​ក​UNITED AIRLINES ត្រូវ​ទៅ​កាន់​ទីក្រុង​ហូ​ណូ​លូ​លូ លើ​កោះ​ហា​វ៉ៃ​ ពេល​ជួប​ប្រទះ​ឧប្បត្តិហេតុ​នោះ​។ ពួក​គេ​ពិតជា​មានការ​ភ័យ​ខ្លាច​ដល់​អាយុជីវិត​ ក្រោយ​​ពេល​​យន្តហោះ ហោះ​ចេញ​​បាន​បន្តិច​​ពី​ព្រ​លាន​យន្តហោះ​ក្រុង ​DENVER រដ្ឋ​កូ​ឡូ​រ៉ា​ដូ ពេល​ម៉ា​ស៊ី​ន​រេ​អាក់​ទ័​រ​មួយ​ខាងស្ដាំ​មាន​ភ្លើង​​ឆាបឆេះ​។

យន្តហោះ​អាច​ហោះ​បក​ក្រោយ ​និង​ចុះ​ចត​បន្ទាន់ ដោយ​គ្មាន​បញ្ហា​នៅ ​DENVER​។ ក្រុមហ៊ុន​អាកាសចរណ៍​នោះ​អះអាង​ថា ឧប្បត្តិហេតុ​នោះ​ពុំ​បណ្ដាល​ឲ្យ​មាន​អ្នក​របួស​ណា​ម្នាក់ ដោយ​បណ្ដា​​អ្នកដំណើរ​ត្រូវ​បាន​ជួយ​ពី​សំណាក់​ពួក​អ្នក​ជួយ​សង្គ្រោះ​។ យន្តហោះ​នោះ​ជា​យន្តហោះ​ធុន​ប៊ូ​អ៊ី​ង ​777-220 ដឹក​អ្នកដំណើរ​២៣១​នាក់​ និង​សមាជិក​ក្រុម​យានិក​១០​នាក់​។ បណ្ដា​រូបភាព​ផ្សាយ​តាម​បណ្ដាញ​សង្គម​បង្ហាញ​ម៉ា​ស៊ី​ន​រេ​អាក់​ទ័​រ​ខាងស្ដាំ​កំពុង​ត្រូវ​ភ្លើង​ឆេះ​។

ក្រោយ​ចេញពី​យន្តហោះ​នោះ បណ្ដា​អ្នកដំណើរ​បាន​ទៅ​កាន់​ទីក្រុង​ហូ​ណូ​លូ​លូ​តាម​យន្តហោះ​១​គ្រឿង​​ទៀត​។ ឧប្បត្តិហេតុ​នោះ​បណ្ដាល​ឲ្យ​មានការ​ធ្លាក់​បំណែក​នានា មក​លើ​ដី​តាម​ផ្លូវ​យន្ត​ហោះ​​ហោះ​បក​ក្រោយ ដែល​ទិដ្ឋភាព​បែប​នោះ​នាំ​ឲ្យ​មានការ​ភ្ញាក់ផ្អើល​៕ ដកស្រង់​ចេញពី​វេ​ប​សាយ ៖ yahoo