ការប្រកួតជ្រើសរើសបវរកញ្ញាប្រចាំឆ្នាំ២០១០ របស់សហរដ្ឋអាមេរិក ត្រូវបានរៀបចំធ្វើឡើងនៅរមណីយដ្ឋាននិងកាស៊ីណូ Planet Hollywood ក្នុងទីក្រុងឡាសវ៉េហ្គាស រដ្ឋណេវ៉ាដា កាលពីថ្ងៃទី១៦ ឧសភា កន្លងមក ។ នៅឆ្នាំនេះជ័យលាភីចំណាត់ថ្នាក់លេខ១ ជាបវរកញ្ញាអាមេរិកប្រចាំឆ្នាំ ២០១០ គឺបានទៅលើស្រីស្អាតមកពីរដ្ឋមីស៊ីហ្គែននាង Rima Fackin ។
ការប្រកួតជ្រើសរើសបវរកញ្ញាប្រចាំឆ្នាំ២០១០ របស់សហរដ្ឋអាមេរិក ត្រូវបានរៀបចំធ្វើឡើងនៅរមណីយដ្ឋាននិងកាស៊ីណូ Planet Hollywood ក្នុងទីក្រុងឡាសវ៉េហ្គាស រដ្ឋណេវ៉ាដា កាលពីថ្ងៃទី១៦ ឧសភា កន្លងមក ។ នៅឆ្នាំនេះជ័យលាភីចំណាត់ថ្នាក់លេខ១ ជាបវរកញ្ញាអាមេរិកប្រចាំឆ្នាំ ២០១០ គឺបានទៅលើស្រីស្អាតមកពីរដ្ឋមីស៊ីហ្គែននាង Rima Fackin ។
នាង Rima Fackin អាយុ២៤ឆ្នាំ កំពស់ ១,៧៥ម៉ែត្រ ជាជនជាតិអាមេរិកដើមកំណើតលីបង់ បានយកឈ្នះលើស្រីស្អាតចំនួន៥១នាក់ ដែលមកពីរដ្ឋទាំងអស់នៅសហរដ្ឋអាមេរិក ។ នាង Rima Fackin ដែលជាជនអន្ដោប្រវេសន៍ទៅរស់នៅសហរដ្ឋអាមេរិកតាំងពីនៅតូចនិយាយថា នាងមានភាពរីក រាយណាស់ដែលពេលនេះបានទទួលជ័យ ជំនះជាបវរកញាប្រចាំឆ្នាំ២០១០របស់សហរដ្ឋអាមេរិក ។
ក្នុងការប្រកួតជ្រើសរើសបវរកញ្ញាអាមេរិកប្រចាំឆ្នាំ២០១០នេះដែរ ជ័យលាភីចំណាត់ថ្នាក់លេខ២ បានទៅលើស្រីស្អាតមកពីរដ្ឋវៀរហ្ស៊ីនីញ៉ា នាង Samantha Evelyn Casey ចំណាត់ថ្នាក់លេខ៣ បានទៅលើស្រីស្អាត មកពីរដ្ឋកូឡូរ៉ាដូ នាង Jessica Hartman និងចំណាត់ថ្នាក់លេខ៤ បានទៅលើស្រីស្អាតមកពីរដ្ឋ Maine នាង Katherine Ashley Whittier។
ក្នុងការទទួលបានជ័យជំនះជាបវរកញ្ញាអាមេរិកប្រចាំឆ្នាំ២០១០នេះ នាង Rima Fackin ទទួលបានប្រាក់យ៉ាងច្រើន និងមានឱកាសធ្វើជាបេក្ខនារីតំណាងឱ្យសហរដ្ឋអាមេរិកសំរាប់ចូលរួមក្នុងការប្រកួតជ្រើសរើសបវរកញ្ញាជាលក្ខណៈអន្ដរជាតិផ្សេងៗដែលនឹងរៀបចំឡើងនាពេលខាងមុខ ៕
ចែករំលែកព័តមាននេះ