ADផ្ទាំងផ្សព្វផ្សាយពាណិជ្ជកម្ម

Picture

ស៊ន សៀវ​ម៉ី ត្រូវ​បានតែង​តាំង​ជា​ជំនួយ​កា​រ​សម្ដេច​ប្រធាន​ព្រឹទ្ធសភា

8 ខែ មុន
  • ភ្នំពេញ

រាជធានី​ភ្នំពេញ ៖ កាលពី​ថ្ងៃ​ទី​២ ខែកុម្ភៈ ឆ្នាំ​២០២១ កញ្ញា​ស៊ន សៀវ​ម៉ី ដែល​គ្រប់​គ្នា​ស្គាល់​យ៉ាង​ច្បាស់​ថា ជា​កីឡាការិនី​តេ​ក្វា​ន់​ដូ​ដ៏​ល្បីល្បាញ​ប្រចាំ​ប្រទេស​កម្ពុជា ត្រូវបាន​ព្រះមហាក្សត្រ…

រាជធានី​ភ្នំពេញ ៖ កាលពី​ថ្ងៃ​ទី​២ ខែកុម្ភៈ ឆ្នាំ​២០២១ កញ្ញា​ស៊ន សៀវ​ម៉ី ដែល​គ្រប់​គ្នា​ស្គាល់​យ៉ាង​ច្បាស់​ថា ជា​កីឡាការិនី​តេ​ក្វា​ន់​ដូ​ដ៏​ល្បីល្បាញ​ប្រចាំ​ប្រទេស​កម្ពុជា ត្រូវបាន​ព្រះមហាក្សត្រ នៃ​ព្រះ​រាជា​ណាចក្រ​កម្ពុជា ចេញ​ព្រះរាជក្រឹត្យ​មួយ​ត្រាស់​បង្គាប់​តែងតាំង និង​ផ្តល់​ឋានៈ​ជូន​នាង​ជា​ជំទាវ ជំនួយការ​សម្តេច​វិបុល​សេនា​ភក្តី សាយ ឈុំ ប្រធាន​ព្រឹទ្ធសភា នីតិកាល​ទី​៤ មាន​ឋានៈ​ស្មើ​អគ្គ​នាយក បន្ថែម​លើមុខងារ​បច្ចុប្បន្ន ដោយ​ពុំ​ទទួល​ប្រាក់​បំណាច់​មុខងារ​ទេ​។

Picture

សូម​បញ្ជាក់​ថា វីរ​កីឡាការិនី​តេ​ក្វា​ន់​ដូ ស៊ន សៀវ​ម៉ី កើត​នៅ​ថ្ងៃ​ទី​១៤ ខែកញ្ញា ឆ្នាំ​១៩៩៥ ក្នុង​រាជធានី​ភ្នំពេញ ដែល​មាន​ម្តាយ​ឈ្មោះ​សួន ចាន់​ធី អាយុ​៥៩​ឆ្នាំ និង​ឪពុក​ឈ្មោះ​ស៊ន ម៉េ​ហ៊ា​ង
(​បាត់​បង់​ជីវិត​​ដោយ​គ្រោះថ្នាក់​ចរាចរណ៍​) និង​មាន​បងប្អូនបង្កើត​ចំនួន​៦​នាក់ ស្រី​៣​នាក់ ប្រុស​៣​នាក់ ហើយ​នាង​គឺជា​កូនស្រី​ពៅ​ក្នុង​គ្រួសារ​។

ស៊ន សៀវ​ម៉ី បាន​ចូល​ប្រឡូក​ក្នុង​វិស័យ​កីឡា​តាំងពី​ឆ្នាំ​២០១០​មក​ម៉្លេះ ដែល​កាល​ណោះ​នាង​គ្រាន់​តែ​ចូល​ទៅ​លេង​ក្នុង​ក្លិប​ហ្វឹកហាត់​ធម្មតា​ប៉ុណ្ណោះ ដោយ​មាន​បងប្រុស​ឈ្មោះ​ស៊ន អេ​លី​ត និង​បងស្រី​ឈ្មោះ ស៊ន ដា​វី​ន កំពុង​តែ​ជា​កីឡាករ និង​កីឡាការិនី​នៅ​ទីនោះ​ស្រាប់​។

Picture

ក្រោយមក​ទៀត គ្រូបង្វឹក​ជា​ជនជាតិ​កូរ៉េ ដែល​បាន​ជួយ​ជ្រោមជ្រែង​នាង​ឱ្យ​ទទួល​បាន​មេដាយ​មាស​បន្តបន្ទាប់​ក្នុង​បច្ចុប្បន្ន​នេះ បានឃើញ​រូប​នាង​មាន​កាយសម្បទា​(​កម្ពស់​)​សក្ដិ​សម​ទៅ​នឹង​ប្រភេទ​កីឡា​នេះ ជា​ពិសេស​ការ​តស៊ូ​ប្រឹងប្រែង របស់​នាង​ផង​ទើប​ធ្វើ​ឱ្យ​គ្រូបង្វឹក ឆ​យ យ៉ុ​ង​សុក សម្រេចចិត្ត​ជ្រើសរើស​រូប​នាង​ឱ្យ​ចូល​ក្លាយជា​អ្នកកីឡា​អាជីព​តែ​ម្តង​។

ក្រោយមក​ក្នុង​ការ​ប្រកួត​កីឡា​ស៊ី​ហ្គេ​ម​នៅ​ប្រទេស​ឥណ្ឌូ​ណេ​ស៊ី កីឡាការិនី ស៊ន សៀវ​ម៉ី បាន​ប្រកួត​ឈ្នះ​កីឡាការិនី​ម៉ា​ឡេ​ស៊ី ដណ្តើម​បាន​មេដាយមាស និង​ដណ្តើម​បាន​មេដាយ​បន្ត
បន្ទាប់​​ក្នុង​ព្រឹត្តិការណ៍​អន្តរជាតិ​នានា​បន្ថែម​ទៀត​ ទើប​ធ្វើ​ឱ្យ​នាង​ក្លាយជា​កីឡាការិនី​ដ៏​ឆ្នើម​សម្រាប់​ប្រទេស​ជាតិ​តែ​ម្តង ។

Picture

ជា​ពិសេស​មេដាយមាស​ដែល​ស៊ន សៀវ​ម៉ី ដណ្តើម​បាន​ចំនួន​៣​គ្រឿង​ក្នុង​ព្រឹត្តិការណ៍​អន្តរជាតិ​ផ្សេង​ៗ​នោះ គឺ​បាន​ធ្វើ​ឱ្យ​រូប​នាង ក្លាយជា​វីរ​កីឡាការិនី​ដ៏​ឆ្នើម​សម្រាប់​ប្រទេស​កម្ពុជា​ទាំងមូល ដោយ​បាន​លើកមុខ​មាត់​ប្រទេស​ជាតិ​ក្រោយ​ខកខាន​អស់​ជាង​៤០​ឆ្នាំ ក្នុង​ព្រឹត្តិការណ៍​កីឡា​ថ្នាក់​អាស៊ី និង​២​ព្រឹ​ត្ត​ការណ៍​ទៀត​ដែល​រូប​នាង​ធ្លាប់​ដណ្តើម​បាន​បាន​មេដាយមាស​ដូច​ជា​ព្រឹត្តិការណ៍​កីឡា​ស៊ី​ហ្គេ​ម​លើក​ទី​២៧ នៅ​ប្រទេស​មី​យ៉ា​ន់​ម៉ា​និង​ព្រឹត្តិការណ៍ Korean Open នៅ​ប្រទេស​កូរ៉េ​​ខាងត្បូង ៕

Picture
Picture
Picture
Picture
Picture
Picture
Picture
Picture
Picture
Picture
Picture
Picture