រាជធានីភ្នំពេញ ៖ តាមសេចក្តីរាយការណ៍បឋមបានឱ្យដឹងថា សពបុរសជាកម្មករចំនួន២នាក់ ត្រូវបានរកឃើញឆេះស្លា.ប់ទន្ទឹមគ្នាក្នុងបន្ទប់ដេកមួយក្នុងឃ្លាំងស្តុកទំនិញរបស់ក្រុមហ៊ុនដឹកជញ្ជូនមួយកន្លែង ដែលត្រូវអគ្គិភ័យឆាបឆេះយ៉ាងសន្ធោសន្ធៅ នៅចំណុចឃ្លាំងដីឡូតិ៍លេខ៥ ផ្លូវលេខ៣៥៨ ក្នុងសង្កាត់ទួលស្វាយព្រៃទី១ ខណ្ឌបឹងកេងកង…
រាជធានីភ្នំពេញ ៖ តាមសេចក្តីរាយការណ៍បឋមបានឱ្យដឹងថា សពបុរសជាកម្មករចំនួន២នាក់ ត្រូវបានរកឃើញឆេះស្លា.ប់ទន្ទឹមគ្នាក្នុងបន្ទប់ដេកមួយក្នុងឃ្លាំងស្តុកទំនិញរបស់ក្រុមហ៊ុនដឹកជញ្ជូនមួយកន្លែង ដែលត្រូវអគ្គិភ័យឆាបឆេះយ៉ាងសន្ធោសន្ធៅ នៅចំណុចឃ្លាំងដីឡូតិ៍លេខ៥ ផ្លូវលេខ៣៥៨ ក្នុងសង្កាត់ទួលស្វាយព្រៃទី១ ខណ្ឌបឹងកេងកង កាលពីវេលាម៉ោង១និង៥នាទីរំលងអធ្រាត្រឈានចូលថ្ងៃទី២៩ ខែមករា ឆ្នាំ២០២១ បង្កឱ្យមានការភ្ញាក់ផ្អើលយ៉ាងខ្លាំងដល់កម្លាំងសមត្ថកិច្ច និងរថយន្តពន្លត់អគ្គិភ័យមកពីតាមបណ្តាអង្គភាពស្ថាប័នពាក់ព័ន្ធជាច្រើនគ្រឿង និងគ្រឿងចក្រចំនួន២គ្រឿងទៀត ចុះមកជួយអន្តរាគមន៍កាយរុករក និងបាញ់ទឹកពន្លត់អស់ជាច្រើនម៉ោង រហូតដល់វេលាម៉ោងជាង៩ព្រឹកថ្ងៃទី ២៩ ខែ មករា ឆ្នាំ ២០២១ ទើបកាយរកឃើញសពកម្មកររងគ្រោះទាំង២រូបនោះ។ គួររំលឹកថា ត្រឹមព្រឹកនេះ! បន្តរុករកកម្មករ២នាក់ជាប់ក្នុងគំនរឃ្លាំងឆេះ (វីដេអូ)
តាមប្រភពពីបុរសជាកម្មករម្នាក់ដែលធ្វើការនៅឃ្លាំងកើតហេតុខាងលើបានប្រាប់ឱ្យដឹងថា ជនរងគ្រោះទាំង២នាក់ដែលបាត់បង់ជីវិតក្នុងហេតុការណ៍អគ្គិភ័យឆេះឃ្លាំងខាងលើរួមមាន ម្នាក់ឈ្មោះសយ តារា ភេទប្រុស អាយុ២៧ឆ្នាំ មុខរបរជាកម្មករ មានទីលំនៅភូមិតាស្អាង ឃុំកំពង់ចម្លង ស្រុកស្វាយជ្រុំ ខេត្តស្វាយរៀង ត្រូវជាបងថ្លៃរបស់គាត់ និងម្នាក់ទៀតគ្រាន់តែដឹងថាឈ្មោះ វ័ន្ត អាយុ៣២ឆ្នាំ មានស្រុកកំណើតនៅឯខេត្តតាកែវប៉ុណ្ណោះ (មិនដែលបានស្គាល់សាច់ញាតិ ឬក្រុមគ្រួសារបស់ជនរងគ្រោះឈ្មោះវ័ន្ត នេះឡើយ) ។
បច្ចុប្បន្ន សពបុរសជាកម្មកររងគ្រោះទាំង២នាក់ខាងត្រូវបានសមត្ថកិច្ចដឹកយកទៅតម្កល់ទុកនៅវត្តស្ទឹងមានជ័យ ដើម្បីពិនិត្យ និងធ្វើកោសល្យវិច្ច ហើយសមត្ថកិច្ចក៏កំពុងស្រាវជ្រាវរកសាច់ញាតិជនរងគ្រោះ ដើម្បីឱ្យមកទទួលយកសពទៅធ្វើបុណ្យតាមប្រពៃណីផងដែរ ។ ព័ត៌មានលម្អិតនឹងមានផ្សាយជូននៅលើទំព័រកាសែតកោះសន្តិភាព ៕
ចែករំលែកព័តមាននេះ