តារា​ថៃ​ច្រើន​ដួង​​ផ្អើល​​ទៅ​ធ្វើតេស្ត ក្រោយ​ពិធី​ករ​​​ល្បី​ប្រកាស​ឆ្លង​កូ​វី​ដ – Koh Santepheap Daily

ADផ្ទាំងផ្សព្វផ្សាយពាណិជ្ជកម្ម

តារា​ថៃ​ច្រើន​ដួង​​ផ្អើល​​ទៅ​ធ្វើតេស្ត ក្រោយ​ពិធី​ករ​​​ល្បី​ប្រកាស​ឆ្លង​កូ​វី​ដ

1 ខែ មុន

ថៃ ៖ កូ​វី​ដ​១៩​បាន​ក្លាយជា​ប្រធានបទ​ដ៏​ក្តៅ​គគុក​មួយ​ក្នុង​ឧស្សាហកម្ម​កម្សាន្ត​របស់​ថៃ ហើយ​បច្ចុប្បន្ន​តារា​ជា​ច្រើន​ក្នុង​ប្រទេស​នេះ បាន​ប្រញាប់ប្រញាល់​នាំ​គ្នា​ទៅ​ធ្វើតេស្ត បន្ទាប់​ពី​ពិធីករ​ល្បីឈ្មោះ​គឺ​លោក Techin Ploypetch ដែល​គេ​ស្គាល់​ច្បាស់​ថា DJ…

ថៃ ៖ កូ​វី​ដ​១៩​បាន​ក្លាយជា​ប្រធានបទ​ដ៏​ក្តៅ​គគុក​មួយ​ក្នុង​ឧស្សាហកម្ម​កម្សាន្ត​របស់​ថៃ ហើយ​បច្ចុប្បន្ន​តារា​ជា​ច្រើន​ក្នុង​ប្រទេស​នេះ បាន​ប្រញាប់ប្រញាល់​នាំ​គ្នា​ទៅ​ធ្វើតេស្ត បន្ទាប់​ពី​ពិធីករ​ល្បីឈ្មោះ​គឺ​លោក Techin Ploypetch ដែល​គេ​ស្គាល់​ច្បាស់​ថា DJ Matoom បាន​បង្ហោះ​វី​ដេ​អូ​ឃ្លី​ប និង​រូបភាព​ក្នុង​មន្ទីរពេទ្យ​នៅ​លើ​បណ្តាញ​សង្គម Instagram កាលពី​ថ្មី​ៗ​នេះ ដោយ​បញ្ជាក់​ថា​រូបគេ​បាន​ឆ្លង​វីរុស​នេះ ព្រមទាំង​បាន​សុំ​ទោស​អ្នក​រាល់គ្នា​ដែល​អាច​ប្រឈម​ជា​ជន​រង​គ្រោះ​។

Matoom អះអាង​ថា​ រូប​​គាត់​បាន​ជួប​មិត្តភក្តិ​ម្នាក់​កាលពី​ថ្ងៃ​ទី ៩ មក​រា កន្លង​ទៅ ស្រាប់តែ​​មក​ដល់​ថ្ងៃ​ទី​១៩ មក​រា មិត្តភក្តិ​ម្នាក់​នោះ​បាន​ទូរស័ព្ទ​ប្រាប់​គាត់​ថា​ រូប​គេ​បាន​ឆ្លង​វីរុស​កូ​វី​ដ​១៩​។

ក្រោយពេល​​ទទួល​ដំ​ណឺង​ខាងលើ​នេះ Matoom បាន​ទៅ​មន្ទីរពេទ្យ​ភ្លាម​ៗ​ដើម្បី​ធ្វើតេស្ត​។ ជា​លទ្ធផល​គេ​ពិតជា​បាន​ឆ្លង​វីរុស​ប្រាកដ​មែន ហើយ​ភ្លាម​ៗ​គេ​ក៏​បាន​បញ្ជាក់​ពី​លទ្ធផល​តេស្ត​ឱ្យ​គ្រប់​គ្នា​បានដឹង​ផង​ដែរ​។

យោង​តាម​សារព័ត៌មាន​ថៃ​បាន​ចេញផ្សាយ​ថា អាជីវកម្ម​នៅ​ទីប្រជុំជន​ជា​ច្រើន ដែល​តារា​ប្រុស​រូប​នេះ​ធ្លាប់​ទៅ​ត្រូវ​បាន​បិទទ្វារ​ជា​បណ្តោះអាសន្ន ខណៈ​ដែល​ឥស្សរជន​សាធារណៈ​ជា​ច្រើន ដែល​បាន​ទាក់ទង​ជាមួយ​ពិធីករ​វិទ្យុ​និង​ទូរទស្សន៍​ដ៏​ល្បី​រូប​នេះ ក៏​បាន​នាំ​គ្នា​ទៅ​ធ្វើតេស្ត​ផង​ដែរ​។

យ៉ាងណាមិញ មិត្ត​រួម​អាជីព​សិ​ល្បៈ ជា​ពិសេស​អ្នកគាំទ្រ​របស់ Matoom បាន​នាំ​គ្នា​បង្ហោះ​សារ​លើកទឹកចិត្ត ក៏​ដូច​ជា​ជូនពរ​ឱ្យ​រូបគេ​ឆាប់​ជា​សះស្បើយ​ពី​វីរុស​ដ៏​កាច​សាហាវ​នេះ​៕ (​ដកស្រង់​ចេញពី Asiaone)