បទចម្រៀង «រាត្រីសេកុង» គឺជាបទ ដែលលោកស៊ីន ស៊ីសាមុត សរសេរពីខេត្តស្ទឹងត្រែង ហើយក៏ជាបទដំបូងគេរបស់អ្នកស្រីហួយ មាស ដែលល្បីបំផុតនាឆ្នាំ១៩៦៨ ។
បទចម្រៀង «រាត្រីសេកុង» គឺជាបទ ដែលលោកស៊ីន ស៊ីសាមុត សរសេរពីខេត្តស្ទឹងត្រែង ហើយក៏ជាបទដំបូងគេរបស់អ្នកស្រីហួយ មាស ដែលល្បីបំផុតនាឆ្នាំ១៩៦៨ ។
ប្រិយមិត្តអ្នកស្តាប់ភាគច្រើន តែងតែឆ្ងល់ថា លោកស៊ីន ស៊ីសាមុត មានស្រុកកំណើតនៅខេត្តស្ទឹងត្រែង តែហេតុអ្វីបានជាឮលោកច្រៀងតែពីបទនៅបាត់ដំបង ច្រើនម្ល៉េះ ? ពិតជាគួរឱ្យឆ្ងល់មែន…ប៉ុន្តែតាមរយៈអ្នកស្រាវជ្រាវរបស់សមាគមស៊ីន ស៊ីសាមុត គួបផ្សំនឹងការពណ៌នាពីបណ្តារៀមច្បង ជាពិសេសអស់លោកដែលដឹងរឿងនៅខេត្តស្ទឹងត្រែងមួយចំនួនឱ្យដឹងថា គួរឱ្យលោកស៊ីន ស៊ីសាមុត មិនចង់រំលឹក ឬភ្លេចរៀបរាប់ពីស្រុកកំណើតមែន ព្រោះម្យា៉ងលោកឈឺចាប់នឹងពាក្យគេនិន្ទាថា អ្នកស្ទឹងត្រែង ជាពួកដែលលក់ដីឱ្យគេ (ឡាវ)? ម្យា៉ងកាលពីអាយុប្រាំឆ្នាំ លោកស៊ីន ស៊ីសាមុត បានទៅរស់នៅជាមួយឪពុកម្តាយឯខេត្តបាត់ដំបង ។ ជាងនេះទៅទៀត កាលពីសម័យនោះ បាត់ដំបងគឺជាទឹកដីមួយដែលស៊ីវិល័យ ទាន់សម័យជាងគេបំផុត ហើយសម្បូរអ្នកចម្រៀង អ្នកនិពន្ធ អ្នកភ្លេង តារាភាពយន្ត និងអ្នកប្រដាល់ ល្បីៗ ។
ជាក់ស្តែងដូចជា ស្ពានអូរតាគីសម័យនេះសម្រាប់អ្នកដែលចង់ឃើញ ដោយសារឮតាមបទចម្រៀងពិតជាគ្រវីក្បាល ហើយលាន់មាត់ថា ចាញ់បោកចម្រៀងលោកស៊ីន ស៊ីសាមុត មិនខាន ។ តែបើធ្មេញភ្នែកគិតទៅរកជំនាន់បារាំងវិញនោះ ស្ពានអូរតាគី គឺជាស្ពានថ្ម ដែលមាននៅក្នុងប្រទេសកម្ពុជាដំបូងគេ ហើយបទចម្រៀងបាត់ដំបងភាគច្រើនគឺជាទំនុកបទរបស់កវីនិពន្ធ គង្គ ប៊ុនឈឿន , វ៉ោយហូ និងមា៉ ឡៅពី ជាដើម។ ដូច្នេះវិភាគតាមដំណើររឿងទាំងនោះពិតជាអាចជ្រាបបានខ្លះថាតើពីព្រោះហេតុអ្វី ? អ្នកស្រាវជ្រាវមិនហា៊នសន្និដ្ឋានថា ជាយ៉ាងណាពិតប្រាកដមួយរយភាគរយទេ ពីព្រោះតាមប្រសាសន៍របស់រៀមច្បងភាគច្រើនសុទ្ធតែអះអាងថា ជីវិតលោកស៊ីន ស៊ីសាមុត ជាជីវិតដែលពោរពេញទៅដោយអាថ៌កំបាំងណាស់ អ្នក ល្មមៗមិនងាយគាត់ឱ្យដឹងឡើយ ។
មានប្រភពព័ត៌មានខ្លះបានប្រាប់អ្នករៀបរៀងសៀវភៅ «ចម្រៀងចងក្រងឡើងវិញ» នៃសមាគមស៊ីន ស៊ីសាមុត ថា បទនេះមិនមែនលោកស៊ីន ស៊ីសាមុត តែងទេ ប៉ុន្តែដោយពុំបានផ្តល់ឯកសារអ្វីជាក់ច្បាស់ ហើយអ្នករៀបរៀងបានសម្ភាសន៍ពីអ្នកជំនិតលោកស៊ីន ស៊ីសាមុត ទើបពុំទាន់ហ៊ានកែសម្រួល ។
បទ «រាត្រីសេកុង» រាយទំនុកថា ៖
១-រាត្រីសេកុងបានប្រុងប្រៀបប្រាណ ចាំប្រុសកល្យាណជាគូវាសនា នៅក្រោមរស្មីចន្ទរះភ្លឺថ្លា ប្របឆ្នេរជលសាដែលហូររហែង ។
២-រាត្រីសេកុងត្រួយអានង្គចិត្ត អ្នកហាក់នឹងស្និទ្ធស្នេហ៍សែនចំបែង ខ្ញុំនៅរង់ ចាំៗតែម្នាក់ឯង ឱរា៉ចំបែងអូនរែងទន្ទឹង ។
៣-(បន្ទ) ជំនោរត្រជាក់ធ្លាក់មកដល់ហើយ ផ្កាយអើយយាងទៅណាបាត់ដំណឹង ព្រះចន្ទក៏យាងស្ងាត់បាត់សូន្យឈឹង ឱ្យខ្ញុំរំពឹងៗម្តេចបាន ។
៤-រាត្រីសេកុងហូរឆ្ងាយម្ល៉េះណ៎ា ជលនេត្រសោកាខ្លោចផ្សាក្នុងប្រាណ ជាតិនេះប្រហែលជាខ្ញុំមិនបាន រូបប្រុសកល្យាណជាគូគាប់ឡើយ រូបប្រុស…កល្យាណជាគូគាប់ឡើយ ៕
ចែករំលែកព័តមាននេះ