រាជធានីភ្នំពេញ ៖ ក្រោយពេលរៀបការ អ្នកនាងម៉ូលីកា ក៏បានប៉ះរឿងរ៉ាវជាមួយប្តីខ្លះ ប៉ុន្តែមិនរំខានឡើយ ដោយសារអ្នកទាំងពីរបានសាងស្នាមស្នេហ៍ទ្វេរឡើងរហូតក្លាយជាឪពុកម្តាយគេ។ យ៉ាងណាពួកគេបានសម្រួលចិត្ត និងដឹកដៃគ្នា សាងគូជីវិតអោយរឹងមាំក្រោយបានកូនរួមគ្នា។
អតីតតារាចម្រៀង ម៉ូលីកា និងស្វាមីនាងតារាសម្ដែងលោក ហុង មានុន ហៅឆានុន បានបង្ហាញទឹកមុខរីករាយខ្លាំងណាស់នៅថ្ងៃចេញខែកូនស្រីរបស់ពួកគេដែលមានឈ្មោះ «នុន ច័ន្ទម៉ូលីតា» គម្រប់១ខែ នៅថ្ងៃទី៥ ខែសីហា ឆ្នាំ២០២០នេះ។ ម៉ូលីកា និងស្វាមី បានរៀបចំពិធីចេញខែជូនកូនស្រីសំណព្វចិត្តរបស់ពួកគេ ដោយមានតាំងប៉េងប៉ោង និងភ្ជាប់រូបភាពថ្ងៃសម្រាលទៀតផង។
ម៉ូលីកា បានចាត់ទុកកូនស្រីរបស់នាងថា ជា «កូនមាស កូនពេជ្រ » ខណៈដែល Fan ជាច្រើនបានចូលរួមអបអរសាទរ ម៉ូលីកា ដែលពេលនេះនាងមានសុភមង្គលក្នុងគ្រួសារខ្លាំងណាស់ ក្រោយទទួលបានចំណងដៃកូនស្រីដ៏ Cute Cute នេះ។
ម៉ូលីកា បានចំណាយលុយជាង១០ម៉ឺនដុល្លាររៀបការផ្អើលពេញផ្ទៃប្រទេស ជាមួយលោក ហុង មានុន កាលពីថ្ងៃទី១៨ ខែមករា ឆ្នាំ២០២០ ហើយនាងបានសម្រាលកូនស្រីកាលពីថ្ងៃទី៥ ខែកក្កដា ឆ្នាំ២០២០។ គូស្នេហ៍តារា១គូនេះ មានប្រវត្តិតស៊ូកម្សត់កម្ររជាមួយគ្នាជាង៣ឆ្នាំ ទើបរៀបការ ហើយពេលនេះពួកគេមានជីវភាពធូរធាបើកហាងអស់ទឹកប្រាក់ជាង១០ម៉ឺនដុល្លារ ទិញបានផ្ទះធំ រួមទាំងទិញរថយន្ដទំនើបៗជិះទៀតផង។
យ៉ាងណា កាដូដែលរឹតតែមិនអាចកាត់ថ្លៃបាន ហើយធ្វើឲ្យចំណងស្នេហាម៉ូលីកា និងស្វាមីរឹងមាំថែមទៀតនោះ គឺការមានកូនស្រីដ៏គួរឲ្យស្រលាញ់នៅពេលនេះតាមបំណងរបស់ពួកគេ ហើយតាមគម្រោងត្រឹមមានកូន១នេះ មិនទាន់គ្រប់គ្រាន់ឡើយ សម្រាប់គូស្នេហ៍តារាវ័យក្មេង១គូនេះ ព្រោះថា នៅថ្ងៃរៀបអាពាហ៍ពិពាហ៍អ្នកទាំង២ប្រកាសថា ចង់បានកូន៣នាក់ ហេតុនេះហើយត្រូវតែតាមយកឲ្យបាន២នាក់ថែមទៀត។
ចែករំលែកព័តមាននេះ