អតីតបវរកញ្ញាពិភពលោកនិងគ្រួសារ ត្រូវចូលមន្ទីរពេទ្យ ព្រោះតែកូវីដ១៩
ឥណ្ឌា ៖ តាមប្រភពព័ត៌មាន CNN បានឱ្យដឹងថា យោងតាមអាជ្ញាធរទីក្រុងរបស់ឥណ្ឌា បានឱ្យដឹងថា តារាសម្តែងបូលីវូដ និងជាអតីតបវរកញ្ញាពិភពលោក លោកស្រី…
ឥណ្ឌា ៖ តាមប្រភពព័ត៌មាន CNN បានឱ្យដឹងថា យោងតាមអាជ្ញាធរទីក្រុងរបស់ឥណ្ឌា បានឱ្យដឹងថា តារាសម្តែងបូលីវូដ និងជាអតីតបវរកញ្ញាពិភពលោក លោកស្រី Aishwarya Rai Bachchan និងកូនស្រីរបស់នាង Aradhya ត្រូវបានគេបញ្ជូនទៅកាន់មន្ទីរពេទ្យ ណានណាវ៉ាធី (Nanavati) នៃទីក្រុងបុមបៃ កាលពីយប់ថ្ងៃសុក្រ។
លោកស្រី Bachchan ជាតារាសម្តែងស្រីម្នាក់ដែលមានកេរ្តិ៍ឈ្មោះល្បីល្បាញបំផុតនៅក្នុងប្រទេសឥណ្ឌា ហើយកូនស្រីរបស់នាង បានធ្វើតេស្តវិជ្ជមានជំងឺកូវីដ១៩ កាលពីសប្តាហ៍មុន រួមជាមួយសមាជិកគ្រួសារពីរនាក់ផ្សេងទៀត។
ប្តីរបស់នាង គឺលោក Abhishek Bachchan និងឪពុកក្មេក Amitabh Bachchan ត្រូវបានបញ្ជូនទៅមន្ទីរពេទ្យដូចគ្នានៅទីក្រុងបុមបៃ កាលពីសប្តាហ៍មុន បន្ទាប់ពីលទ្ធផលនៃការធ្វើតេស្តកូវីដ១៩ ចេញមកវិជ្ជមាន។ អ្នកទាំងពីរ ក៏ជាតារាសម្តែងល្បីឈ្មោះនៅក្នុងប្រទេសឥណ្ឌាផងដែរ។
គួរបញ្ជាក់ផងដែរថា មកដល់ពេលនេះ ប្រទេសឥណ្ឌា មានករណីឆ្លងកូវីដ១៩ សរុប ១,០៥៤,២៤៧ករណី ករណីបាត់បង់ជីវិតសរុប ២៦,៤៧៦ករណី និងករណីជាសះស្បើយសរុប ៦៦២,៦៥២ករណី៕ ដកស្រង់ចេញពីវេបសាយ ៖ cnn (កែសម្រួលដោយ ៖ បុប្ផា)
ចែករំលែកព័តមាននេះ