រាជធានីភ្នំពេញ ៖ លោកឆាយ វីរៈយុទ្ធ ជាតារាចម្រៀងម្នាក់ដែលមានកេរ្តិ៍ឈ្មោះបោះសំឡេងជាខ្លាំងទៅលើសំឡេងផ្អែម និងពូកែខាងស្រែកនោះបានធ្វើអោយមហាជនភ្ញាក់ផ្អើលយ៉ាងខ្លាំង ក្រោយពីលោកបានបង្ហោះបទចម្រៀងមួយបទ ដែលជាការបកស្រាយដោយប្រពន្ធរបស់លោក ។
បទចម្រៀងដែលបកស្រាយដោយប្រពន្ធរបស់លោកឆាយ វីរៈយុទ្ធ មានចំណងជើងថា« គេជាប្រពន្ធ អូនធ្លាប់ជាសង្សារ» មួយនេះចេញមិនទាន់បានប៉ុន្មានផងក៏មានអ្នកចូលស្តាប់ជាច្រើន ពីសំណាក់អ្នកគាំទ្ររបស់តារាចម្រៀងប្រុសរូបនេះ ។
ដោយនៅក្នុងនោះបទចម្រៀងមួយដែលជាស្នាដៃដំបូងរបស់ប្រពន្ធលោកឆាយ វីរៈយុទ្ធ ទទួលបានការកោតសរសើរយ៉ាងខ្លាំង ពីសំណាក់មហាជនជាច្រើនទៅលើទឹកដមសំឡេង ពីព្រោះតែទឹកដមមិនចាញ់អ្នកចម្រៀងអាជីពប៉ុន្មាននោះទេ ជាពិសេស គឺស្វាមីផ្ទាល់តែម្តង ។
យ៉ាងណាមិញ មហាជននៅមិនទាន់ដឹងនៅឡើយនោះទេថា លោកឆាយ វីរៈយុទ្ធ អាចយកភរិយារបស់ខ្លួនចូលនៅក្នុងវិស័យសិល្បៈដូចរូបខ្លួនដែរ ពីព្រោះតែកាលពីពេលថ្មីនេះ មហាជនសង្កេតឃើញថា លោកក៏បានបង្កើតជាស្ទូឌីយោផ្ទាល់សម្រាប់ការហាត់ច្រៀង ។
គួរបញ្ជាក់ផងដែរថា លោក ឆាយ វីរៈយុទ្ធ បានសម្រេចចិត្តរៀបការជាមួយនឹងភរិយារបស់លោកអស់រយៈពេល3ឆ្នាំជាងមកហើយ ដោយបច្ចុប្បន្ននេះបានបន្សល់នូវកូនស្រីដ៏គួរអោយស្រលាញ់មួយរូបជាចំណងដៃផងដែរ៕
ចែករំលែកព័តមាននេះ