រាជធានីភ្នំពេញ ៖ សិល្បៈការិនីដែលមានទេពកោសល្យខ្ពស់ក្នុងការលេងឧបករណ៍ដន្ត្រីបុរាណនិងច្រៀងបានគ្រប់ទម្រង់សិល្បៈទាំងអស់មិនថាបុរាណ និងសម័យ អ្នកនាង ខាត់ សុឃឹម កំពុងតែក្តៅក្រហាយចិត្តទៅលើមនុស្សមួយក្រុម ដែលបានចោទចំពោះរូបនាងទៅលើរឿងរ៉ាវមួយចំនួន។ កាលពីថ្ងៃទី…
រាជធានីភ្នំពេញ ៖ សិល្បៈការិនីដែលមានទេពកោសល្យខ្ពស់ក្នុងការលេងឧបករណ៍ដន្ត្រីបុរាណនិងច្រៀងបានគ្រប់ទម្រង់សិល្បៈទាំងអស់មិនថាបុរាណ និងសម័យ អ្នកនាង ខាត់ សុឃឹម កំពុងតែក្តៅក្រហាយចិត្តទៅលើមនុស្សមួយក្រុម ដែលបានចោទចំពោះរូបនាងទៅលើរឿងរ៉ាវមួយចំនួន។
កាលពីថ្ងៃទី ១០ ខែកក្កដា ឆ្នាំ ២០២០ កន្លងទៅនេះ អ្នកសិល្បការិនីពហុជំនាញរូបនេះ បានបង្ហោះសារខឹងសម្បារ ដែលបង្ករអោយមានការភ្ញាក់ផ្អើលពីសំណាក់មហាជនអោយកាន់តែចង់ដឹង ដោយនៅក្នុងនោះ អ្នកនាង ខាត់ សុឃឹមបាន សរសេរសាររយ៉ាងវែងនិងមានខ្លឹមសារថា « សូមផ្តាំទៅពួកនរកស៊ីក្បាលខ្លះដែលគិតរឿងអាក្រក់មកលើខ្ញុំ សឹងតែ១ឆ្នាំពេញខ្ញុំបានចំណាយពេលវេលាជាមួយរឿងដែលអាក្រក់អត់ប្រយោជ៍បំផុត ដែលខ្លួនឯងសឹងតែយោងខ្លួនមិនកើតផង តាមជួយគេជាង២ពាន់គ្រួសារ ហើយប្រឹងប្រែងជួយគេអស់ទាំងកិត្តិយស ខាតទាំងទ្រព្យធនយ៉ាងច្រើន ចុងក្រោយបានត្រឹមពាក្យក្បត់ នឹងសងមកវិញនូវភាពឈឺចាប់បំផុតក្នុងជីវិត»។
ជាការពិតណាស់ នៅក្នុងអត្ថន័យចាក់ដោតទាំងនោះ អ្នកនាង ខាត់ សុឃឹមបានរំលឹកអំពីការចូលរួមនៅក្នុងសង្គមមួយចំនួនដែលខ្លួនធ្លាប់ធ្វើកន្លងមក ប៉ុន្តែបែរជាមានមនុស្សមួយក្រុមបានចោទប្រកាន់ទៅលើរូបនាងទៅវិញ ថែមទាំងរូបនាងទទួលបានការខាតបង់ មនុស្សជាទីស្រលាញ់ រួមទាំងទ្រព្យសម្បត្តិមួយចំនួនផងដែរ។
យ៉ាងណាមិញ បន្ទាប់ពីបង្ហោះសារទាំងនោះហើយ នៅមិនទាន់បានដឹងនៅឡើយទេថា អ្នកនាង ខាត់ សុឃឹម ចង់សំដៅទៅលើអ្នកណាអោយប្រាកដ និងបានន័យយ៉ាងណាអោយកាន់តែច្បាស់លាស់នោះទេ។
គួរបញ្ជាក់ផងដែរថា អ្នកនាង ខាត់ សុឃឹម ពេលនេះ កំពុងតែក្លាយជាចំណាប់អារម្មណ៍របស់មហាជនទៅលើរឿងរ៉ាវ ដែលបានកើតឡើងនៅពេលនេះ ជាពិសេស រឿងរ៉ាវ ដែលកើតមានឡើងនៅក្នុងក្រុមគ្រួសាររបស់អ្នកចំរៀងអាយ៉ៃរូបនេះ៕
ចែករំលែកព័តមាននេះ