តើ ​គូ​ម៉ា អាច​ធ្វើ​តាម​រៀមច្បង​ដែរ​ឬទេ? ក្រោយ​ពី​ប្រកាស​ថា​ ឈប់​ច្រៀង


រាជធានី​ភ្នំពេញ​ ៖​ តារាចម្រៀង ដែល​មាន​ទឹកដម​ស​ម្លែ​ង​ស្រទន់ ស្ថិត​​នៅ​ក្នុង​ស្រទាប់​យុវវ័យ លោក គូ​ម៉ា បាន​ធ្វើ​អោយ​មហាជន​ភ្ញាក់ផ្អើល​យ៉ាង​ខ្លាំង ​បន្ទាប់​ពី​លោក​បាន​បង្ហោះ​សារ​មួយ​យ៉ាង​ខ្លី និង​អាច​ជា​តម្រុយ​ដែល​លោក​អាច​នឹង​ចាក​ចេញពី​ផលិតកម្ម​ថោ​ន​ដូច​ជា​រៀមច្បង​ទាំង​២ កញ្ញា មាស សុខ​សោភា និង​លោក ខេ​ម ។

កាលពី​ពេល​ថ្មី​នេះ លោក​គូ​ម៉ា​ បាន​បង្ហោះ​សារ​មួយ​តាម​រយៈ​បណ្តាញ​សង្គម​ហ្វេ​ស​ប៊ុ​កថា​ « តិច​ទៀត ​ខ្ញុំ​ឈប់​ច្រៀង​ហើយ លក់ Speaker ច្រៀង​វិញ ទិញ​អត់?​» ក្រោយ​ពី​បង្ហោះ​សារ​មិន​ទាន់​បាន​ប៉ុន្មាន​ផង ​បាន​ធ្វើ​អោយ​មហាជន​សង្ស័យ​ថា ​តារាចម្រៀង​ទឹកដម​សម្លេង​ផ្អែម​រូប​នេះ​អាច​នឹង​ចេញ​ពី​ទ្រនំ​មួយ​នេះ​ដែរ ពីព្រោះ​តែ​មួយ​រយៈ​នេះ​មិន​សូវ​​ឃើញ​លោក​គូ​ម៉ា​ ចេញ​បទ​ចម្រៀង​ថ្មី​ជូន​ទៅ​ដល់​អ្នកគាំទ្រ​នោះ​ទេ​។

យ៉ាងណាមិញ បន្ទាប់​ពី​បង្ហោះ​សារ​ងឿង​​ឆ្ងល់​ទៅ​ដល់​មហាជន​រួច​មក​ហើយ​នោះ តារាចម្រៀង​ប្រុស​​រូប​នេះ​ក៏​បាន​ចេញ​មក​បកស្រាយ​ថា រូប​លោក​មិន​បាន​ចេញ​ទៅ​ទេ ប៉ុន្តែ​នឹង​មាន​បទ​ចម្រៀង​ថ្មី​ចេញ​ជា​បន្តបន្ទាប់​ទៀត​ទៅ​ដល់​មហាជន​។

គួរ​បញ្ចា​ក់​ផង​ដែរ​ថា តារាចម្រៀង​រូប​នេះ ​មាន​ប្រជាប្រិយភាព ដែល​ស្ថិត​នៅ​ក្នុង​បេះដូង​របស់​​យុវ​វ័យ​ទៅ​លើ​បទ​ចម្រៀង​ពី​រោះ​ៗ ដោយ​សុទ្ធ​សឹង​ជា​ការ​និពន្ធ​ទំនុក​ចម្រៀង​ដោយ​គូស្នេហ៍​របស់​លោក​​កន្លង​មកនេះ​។ (​កែសម្រួល​ដោយ ៖ បុប្ផា​)

Facebook Google Twitter Email

Live

Sponsored News

ការស្ទង់មតិគេហទំព័រថ្មី




សូម​អរគុណ