ADផ្ទាំងផ្សព្វផ្សាយពាណិជ្ជកម្ម

Picture

វ័យ​កាន់តែ​ជ្រេ ពេជ្រ សោភា កាន់តែ​សិច​​​ស៊ី ​និង​កាក់កប​នឹង​មុខ​ជំនួញ

3 ឆ្នាំ មុន
  • ភ្នំពេញ

រាជធានី​ភ្នំពេញ ៖ ទោះបីជា​កូ​វី​ដ​១៩ នៅ​បន្ត​កូរ​ពិភពលោក​ឡើង​វ៉​ល់ បណ្តាល​មនុស្ស​ជា​ច្រើន​បាត់បង់​ជីវិត និង​មាន​អ្នក​អត់​មានការ​ងារ​ធ្វើ​កាន់តែ​ច្រើន​ៗ​ឡើង ស្រាប់តែ​ស្រី​ស្អាត ពេជ្រ សោភា តារាចម្រៀង​ជួរ​មុខ​មួយ​ដួង​នៅ​កម្ពុជា…

រាជធានី​ភ្នំពេញ ៖ ទោះបីជា​កូ​វី​ដ​១៩ នៅ​បន្ត​កូរ​ពិភពលោក​ឡើង​វ៉​ល់ បណ្តាល​មនុស្ស​ជា​ច្រើន​បាត់បង់​ជីវិត និង​មាន​អ្នក​អត់​មានការ​ងារ​ធ្វើ​កាន់តែ​ច្រើន​ៗ​ឡើង ស្រាប់តែ​ស្រី​ស្អាត ពេជ្រ សោភា តារាចម្រៀង​ជួរ​មុខ​មួយ​ដួង​នៅ​កម្ពុជា ​បែរជា​កាក់កប​ទៅ​វិញ ហើយ​និយាយ​ពី​រូប​សម្រស់​ទៀត​សោត វ័យ​កាន់តែ​ជ្រេ នាង​កាន់តែ​សិច​ស៊ី និង​គួរ​ឲ្យ​ទាក់ទាញ​ខ្លាំង​ឡើង​ៗ ។

ទើបតែ​ធ្វើ​ពិធី​ខួបកំណើត នៅ​ក្នុង​អាយុ​៣៧​ឆ្នាំ​ក៏​ពិតមែន ប៉ុន្តែ​តារាចម្រៀង​ស្រី​នៅ​ក្នុង​ផលិតកម្ម រស្មី​ហង្ស​មាស​រូប​នេះ នៅ​តែ​ជាតា​រា​ស្រី​ស្ថិត​នៅ​ក្នុង​បេះដូង​របស់​មហាជន​ជា​និច្ច ជា​ពិសេស​ក្នុង​ចំណោម​ស្រទាប់​យុវជន ពីព្រោះ​ស្រី​ស្អាត​ដែល​មាន​ដងខ្លួន​ខ្ពស់​ស្រឡះ និង​ពូកែ​កំប្លុកកំប្លែង​ជា​មួយ​មិត្ត​រួម​អាជីព​តែងតែមាន​អ្វី​ដែល​ប្លែក​ៗ និង​បទ​ចម្រៀង​ពី​រោះ​ៗ​ទៅ​ដល់​អ្នកគាំទ្រ​ជា​និច្ច​។

មិន​ត្រឹមតែ​មាន​ទីផ្សារ​នៅ​ក្នុង​សិល្បៈ​កាន់តែ​រីក​ចម្រើន​នោះ​ទេ ប៉ុន្តែ​ពេជ្រ សោភា កំពុង​តែ​មាន​មុខ​​ជំនួញ​ដ៏​ធំ​មួយ​កំពុង​តែ​កាន់កាប់ ទោះបីជា​មាន​បញ្ហា​កូ​វី​ដ​១៩ ក៏​ដោយ ក៏​ស្រី​ស្អាត​រួប​នេះ​បាន​បណ្តាក់ទុន​នាំ​ចូល​ផលិតផល​ចែកចាយ​ផ្ដាច់​ធំ​មួយ​មក​ពី​ប្រទេស​កូរ៉េ ដែល​ទើបតែ​ទទួល​បានការ​បញ្ជាក់​ពី​ក្រសួង​ពាក់ព័ន្ធ​តាម​ក្រិត​ក្រម​ច្បាប់​។

ពេជ្រ សោភា បាន​លើក​ឡើង​ថា «ខ្ញុំ​នឹង​យក​គ្រប់យ៉ាង​ចូល​ស្រុក​ខ្មែរ​ដោយ​ស្របច្បាប់ គុណភាព ទំនុកចិត្ត និង​ភាព​ជឿជាក់​» ដែល​ធ្វើ​អោយ​មហាជន​គិត​ថា ការ​រ​ស៊ី​របស់​តារាចម្រៀង​ស្រី​រូប​នេះ​ចំណាយ​លុយ​ធំ​ខ្លាំង ។

គួរ​បញ្ជាក់​ផង​ដែរ​ថា ​ពេជ្រ សោភា ​នៅ​តែ​មាន​ប្រជាប្រិយភាព​ខ្លាំង​នា​ពេល​បច្ចុប្បន្ន​នេះ ពីព្រោះ​តែ​តារាចម្រៀង​ស្រី​រូប​នេះ​នៅ​តែ​ទទួល​បានការ​ផ្សព្វផ្សាយ​ពី​ផលិតផល​នានា​នៅ​ក្នុងស្រុក ក៏​ដូច​ជា​ធ្វើ​ជា​អគ្គរាជទូត​របស់​ក្រុមហ៊ុន​ធំ​ៗ​ផង​ដែរ ។

តែ​មហាជន​ក៏​កំពុង​តែ​ឆ្ងល់​ផង​ដែរ​ថា តើ​ស្នេហា​នាង​ជាមួយ​តារា​សម្តែង​ប្រុស​សង្ហារ​​ជា​ស្នេហា​ពិត ឬ​គ្រាន់តែ​ជា​ឆាក​សម្តែង​បង្កើន​ចំណាប់អារម្មណ៍​ពី​មហាជន​ឬ​យ៉ាងណា? ព្រោះ​មិនឃើញ​អ្នក​ទាំង​ពីរ​ដឹក​ដៃ​គ្នា​ចូល​រោងការ ឬ​ក៏​បង្ហើប​ពេលវេលា​រៀប​ការ​ឲ្យ​បាន​ជាក់លាក់​នោះ​ទេ ៕ (កែ​សម្រួលដោយ ៖ បុប្ផា)

កែសម្រួលដោយ