តាមទំនៀមទម្លាប់ពីបរមបុរាណដូនតាខ្មែរតែងជឿថា តាមថ្ងៃនីមួយៗ មានថ្ងៃល្អ និងថ្ងៃមិនល្អ ថ្ងៃហេង ថ្ងៃស៊យ ដូច្នេះប្រព្រឹត្តធ្វើអ្វីក៏ដោយមិនមែនចេះតែធ្វើផ្ដេសផ្ដាសនោះទេត្រូវគិតពីកម្លាំងថ្ងៃជាធំ ។ ខាងក្រោមនេះ ជាបម្រាមមួយចំនួនរបស់ដូនតាខ្មែរហាមមិនឱ្យកូនចៅធ្វើកិច្ចការមួយចំនួននៅក្នុងថ្ងៃទាំង៥នេះជាដាច់ខាត…
តាមទំនៀមទម្លាប់ពីបរមបុរាណដូនតាខ្មែរតែងជឿថា តាមថ្ងៃនីមួយៗ មានថ្ងៃល្អ និងថ្ងៃមិនល្អ ថ្ងៃហេង ថ្ងៃស៊យ ដូច្នេះប្រព្រឹត្តធ្វើអ្វីក៏ដោយមិនមែនចេះតែធ្វើផ្ដេសផ្ដាសនោះទេត្រូវគិតពីកម្លាំងថ្ងៃជាធំ ។ ខាងក្រោមនេះ ជាបម្រាមមួយចំនួនរបស់ដូនតាខ្មែរហាមមិនឱ្យកូនចៅធ្វើកិច្ចការមួយចំនួននៅក្នុងថ្ងៃទាំង៥នេះជាដាច់ខាត ៖
១-ថ្ងៃចន្ទ មានន័យស្មើនឹងចុះផ្លូវ ។ តាមបម្រាមពីបុរាណ ហាមដាច់ខាតលើកផ្លូវឬធ្វើផ្លូវក្នុងថ្ងៃចន្ទ ព្រោះនាំហេតុមិនល្អដល់អ្នកដំណើរ ។
២-ថ្ងៃពុធ មានន័យស្មើនឹងចុះភូមិ។ តាមជំនឿ ហាមដាច់ខាត លើកភូមិធ្វើលំនៅឋាន គឺធ្វើផ្ទះក្នុងថ្ងៃពុធ ព្រោះភូមិទេវតាមិនស្វាគមន៍ទេ ។
៣-ថ្ងៃព្រហស្បតិ៍ មានន័យស្មើនឹងចុះព្រៃ ។ បម្រាមចាស់បុរាណ ហាមដាច់ខាត កាប់ឈើ ឬទិញឈើព្រៃសង់ផ្ទះ ក្នុងថ្ងៃព្រហស្បតិ៍ នាំឱ្យអាប់សិរី ។
៤-ថ្ងៃសុក្រ មានន័យស្មើនឹងចុះដំណេក។ បម្រាមពីបុរាណ ហាមសេពមេថុន ដាច់ខាតក្នុងថ្ងៃសុក្រ អាចនឹងនាំអពមង្គលដល់គូស្វាមីភរិយា ។
៥-ថ្ងៃសៅរ៍ មានន័យស្មើនឹងចុះទឹក ។ ហាមចុះរកស៊ីតាមផ្លូវទឹកដាច់ខាតក្នុងថ្ងៃសៅរ៍ព្រោះប្រឈមនឹងឧបសគ្គច្រើន ។
បើតាមទស្សនៈរបស់ខ្ញុំយល់ថា នេះគ្រាន់តែជាទំនៀមទម្លាប់ពីបរមបុរាណ ឯរឿងពិតយ៉ាងណានោះស្រេចហើយតែលើសាមីជនសម្រេចចុះ បើគិតថាជាថ្ងៃល្អ ថ្ងៃមង្គល ខណៈល្អ យាមល្អ ជាថ្ងៃនក្ខត្តឫក្សគួរធ្វើគួរប្រព្រឹត្តចុះនឹងប្រពៃហើយ ។ សាន សារិន
ចែករំលែកព័តមាននេះ