អីយ៉ា​ស់​! ដើមឆ្នាំ​ថ្មី តារា​ក្រមិចក្រមើម រ៉ូ​លី​ន បង្ហាញ​ស្ទីល​ប្លែក​ភ្នែក​ទៀត​ហើយ


រាជធានី​ភ្នំពេញ ៖ ចូល​មក​ដល់​ដើមឆ្នាំ​២០២០ នេះ តារាចម្រៀង​ក្រមិចក្រមើម រ៉ូ​លី​ន ស្រាប់តែ​បង្ហាញ​ស្ទីល​សក់​ម៉ូ​ដ​ប្លែក​ខុស​ពី​ពេល​កន្លង​ទៅ​។ ម៉ូ​ដ​សក់​ដែល​កញ្ញា​ទាញ​ទម្លាក់​មក​ក្រោយ​វែង​ដល់​ចង្កេះ បាន​បង្ហាញ​ឃើញ​ថា មានការ​ចាប់អារម្មណ៍ ហើយ​ម្នាក់​ៗ​ថា ប្លែក និង​ពូកែ​រក​នឹក​។

តារាចម្រៀង​និយម​ប្រើ​សំឡេង​ពីរ ប្រុស និង​ស្រី រ៉ូ លី​ន នៅ​តែ​ទទួល​បាន​ប្រជាប្រិយភាព​ក្នុង​នាម​ជាតា​រា​លេចធ្លោ​។ នាង​ក៏​ក្លាយជា​ពិធី​ការិនី​ក្នុង​ស្ថានីយទូរទស្សន៍​មួយ​ជាមួយ​ដៃគូ កា​តុ ។

ក្រៅពី​នេះ ក៏​ធ្វើ​ជា​តារាចម្រៀង​ពេញ​មុខ ក្នុង​ផលិតកម្ម​ធំ​មួយ​ជាមួយ​សមាជិក​តារា​ៗ​ល្បី​ៗ​រួម​ទ្រនំ​។ មួយ​ចំណែក​ទៀត រ៉ូ លី​ន ក៏​មានឱកាស​ជា​តារាចម្រៀង​លំដាប់​ជួរ​មុខ តាម​កម្មវិធី​ជប់​លៀង តាម​មង្គលការ ឬ​ពិធី​ឡើង​គេហដ្ឋាន​ធំ​ៗ របស់​អ្នកជំនួញ​ធំ​ៗ ឬ​ឧកញ៉ា​លោក​ជំទាវ​ផង​ដែរ។

យ៉ាងណា​ក៏​ដោយ បើ​ក្រឡេក​មើល វិធី​តុបតែង​ខ្លួន​បែប​នារី ឃើញ​ថា នាង​ក៏​ពូកែ​ជ្រើសរើស​ម៉ូ​ដ​សម្លៀក​បំពាក់​ប្លែក​ៗ តាម​កម្មវិធី​ពិតជា​មិន​ជាន់​គ្នា ហើយ​ទាក់ទាញ​។ ជា​ពិសេស​ការ​ប្តូរ​ស្ទា​យ​សក់​ពី​ពាក់​សក់​ខ្លី មក​វែង រឹតតែ​ត្រូវចិត្ត​អ្នកគាំទ្រ​។ រប​ថ​ថ្មី​នេះ បាន​ជម្រុញ​ឱ្យ​សម្រស់​របស់ រ៉ូ​លី​ន កាន់តែ​នៅ​វ័យក្មេង ក្រោយ​ពេល​ប្តូរ​ស្ទីល​ថ្មី​មក​។

ជួន ច័ន្ទ​កក្កដា ហៅ​រ៉ូ​លី​ន បានឱ្យ​ដឹង​ថា យើង​ឆ្លងកាត់​វិ​ថី​សិល្ប ច្រើន​ឆ្នាំទៅ​ហើយ បើ​នៅ​តែ​មាន​ភាព​តែងខ្លួន​ដដែល​ៗ​ក៏​មិនសូវ​ល្អ​។ ម្ល៉ោះហើយ​ការ​និយម​ពាក់​សក់​ខ្លី​កន្លង​មក ក៏​នឹក​មក​ប្តូរ​ដាក់​សក់​វែង​ម្តង ក្នុង​ន័យ​ឱ្យ​ប្លែក​ៗ​។ ដូចនេះ​ហើយ ក្រោយ​ពេល​ផ្លាស់​ប្តូរ​មក មាន​មិត្ត​សិល្បករ​មួយ​ចំនួន​ថា ស្អាត​ប្លែក​។ ដូចនេះ អាច​ធ្វើ​ឱ្យ​នាង​ខិតខំ​រិះរក​ចំណុច​ថ្មី​ៗ​បន្ត ដើម្បី​ទាញ​ការ​តាមដាន​ចំពោះ​អ្នកគាំទ្រ​។ (​កែសម្រួល​ដោយ ៖ បុប្ផា​)

សិល្បៈ​និងវប្ប​​​ធម៌

Sponsored News

ការស្ទង់មតិគេហទំព័រថ្មី




សូម​អរគុណ