រាជធានីភ្នំពេញ ៖ ស្ត្រីម្នាក់កំពុងតែជិះម៉ូតូឌុបត្រូវជនសង្ស័យ៤នាក់ជិះម៉ូតូ២គ្រឿងធ្វើសកម្មភាពឆក់កាបូបបានសម្រេចហើយត្រូវសមត្ថកិច្ចឃាត់ខ្លួនបានម្នាក់និ ងរត់គេចខ្លួន៣នាក់ ហេតុការណ៍នេះបានកើតឡើងកាលពីវេលាម៉ោង៦និង១៥នាទីយប់ ថ្ងៃទី១៦ ខែកក្កដា ឆ្នាំ២០១៨ តាមបណ្តោយផ្លូវជាតិលេខ៥ នៅចំណុចមុខបារចតុមុខ…
រាជធានីភ្នំពេញ ៖ ស្ត្រីម្នាក់កំពុងតែជិះម៉ូតូឌុបត្រូវជនសង្ស័យ៤នាក់ជិះម៉ូតូ២គ្រឿងធ្វើសកម្មភាពឆក់កាបូបបានសម្រេចហើយត្រូវសមត្ថកិច្ចឃាត់ខ្លួនបានម្នាក់និ ងរត់គេចខ្លួន៣នាក់ ហេតុការណ៍នេះបានកើតឡើងកាលពីវេលាម៉ោង៦និង១៥នាទីយប់ ថ្ងៃទី១៦ ខែកក្កដា ឆ្នាំ២០១៨ តាមបណ្តោយផ្លូវជាតិលេខ៥ នៅចំណុចមុខបារចតុមុខ ស្ថិតនៅក្នុងសង្កាត់ស្រះចក ខណ្ឌដូនពេញ ។
សាក្សីដែលឃើញហេតុការណ៍បានអោយដឹងថា មុនពេលកើតហេតុគេបានឃើញជនរងគ្រោះម្នាក់កំពុងតែជិះម៉ូតូឌុបតាមបណ្តោយផ្លូវជាតិលេខ៥ក្នុងទិសដៅពីត្បូងទៅជើង ខណៈពេលបើកមកដល់ចំណុចកើតហេតុខាងលើនេះក៏ស្រាបតែលេចមុខជនសង្ស័យ៤នាក់ជិះម៉ូត២គ្រឿងគឺម៉ូតូហុងដាBig ២គ្រឿងបានធ្វើសកម្មភាពឆក់កាបូបក្រវ៉ាត់ចង្កេះបានសម្រេច ហើយបម្រុងនឹងរួចរត់គេចខ្លួនត្រូវបានសមត្ថកិច្ចដេញតាមក្រោយទៅដល់ផ្លូវ៦៨កែងផ្លូវជាតិលេខ៥ សង្កាត់ចតុមុខ ខណ្ឌស្រះចក ក៏ត្រូវសមត្ថកិច្ចឃាត់ខ្លួនបានម្នាក់ ចំណែកឯបក្សពួក៣នាក់ទៀតរត់គេចខ្លួនបាត់ស្រមោល ។
ជនរងគ្រោះមិនបានប្រាប់ឈ្មោះ និងដំណើររឿងទេ ក្រោយពីជនសង្ស័យឆក់កាបូបបានសម្រេចហើយសមត្ថកិច្ចឃាត់បានជនសង្ស័យដកហូតបានកាបូបឲ្យជនរងគ្រោះវិញ ។ ក្រោយពេលកើតហេតុជនរងគ្រោះបានទៅដាក់ពាក្យបណ្តឹងនៅប៉ុស្តិ៍រដ្ឋបាលនគរបាលខណ្ឌដូនពេញដើម្បីអោយសមត្ថកិច្ចកសាងសំណុំរឿងបញ្ចូនទៅកាន់តុលាការដើម្បីចាត់ការទៅតាមនីតិវិធី ៕
ចែករំលែកព័តមាននេះ