ឧត្តមសេនីយ៍ត្រីដកកាំភ្លើងវាយអ្នករើសអេតចាយ បានចូលសារភាពហើយ
- ភ្នំពេញ
រាជធានីភ្នំពេញ ៖ សេចក្តីរាយការណ៍បឋមបានឲ្យដឹងថា ករណីថៅកែខុនដូ លោកឧត្តមសេនីយ៍ត្រី ប៉ិច តុងហេង វាយកម្មកររើសអេតចាយ កាលពីវេលាម៉ោង១០ព្រឹក ថ្ងៃទី២៧…
រាជធានីភ្នំពេញ ៖ សេចក្តីរាយការណ៍បឋមបានឲ្យដឹងថា ករណីថៅកែខុនដូ លោកឧត្តមសេនីយ៍ត្រី ប៉ិច តុងហេង វាយកម្មកររើសអេតចាយ កាលពីវេលាម៉ោង១០ព្រឹក ថ្ងៃទី២៧…
រាជធានីភ្នំពេញ ៖ សេចក្តីរាយការណ៍បឋមបានឲ្យដឹងថា ករណីថៅកែខុនដូ លោកឧត្តមសេនីយ៍ត្រី ប៉ិច តុងហេង វាយកម្មកររើសអេតចាយ កាលពីវេលាម៉ោង១០ព្រឹក ថ្ងៃទី២៧ មេសា ២០១៨ បានចូលសារភាពនៅស្នងការដ្ឋាននគរបាលរាជធានីភ្នំពេញ។ ក្រោយពីចូលសារភាព នៅវេលាម៉ោងជាង៥ល្ងាចថ្ងៃដដែលនេះ កម្លាំងសមត្ថកិច្ចនគរបាលព្រហ្មទណ្ឌកម្រិតស្រាល បានបញ្ជូនខ្លួនលោក ប៉ិច តុងហេង ទៅកាន់សាលាដំបូងរាជធានីភ្នំពេញ។
នៅសាលាដំបូងរាជធានីភ្នំពេញ ត្រូវបានគេដឹងថា លោក ប៉ិច តុងហេង គ្រាន់តែត្រូវបានមន្ត្រីរដ្ឋបាលសាលាដំបូងថតរូបទុកជាឯកសារតែប៉ុណ្ណោះទេ។ សំណុំរឿងនេះមិនទាន់បានចាត់ទៅព្រះរាជអាជ្ញារងម្នាក់ណាឡើយ ដោយសារពេលវេលាផុតម៉ោងធ្វើការ។ នគរបាលព្រហ្មទណ្ឌក៏បាននាំខ្លួនលោក ប៉ិច តុងហេង ទៅវិញ និងតម្រូវឲ្យព្រឹកថ្ងៃទី២៨ មេសា ស្អែកនេះមកម្តងទៀត ដើម្បីសាកសួរជាផ្លូវការ។
ទោះជាយ៉ាងណាក្តីនៅដំណាក់កាលនគរបាលព្រហ្មទណ្ឌលោក ប៉ិច តុងហេង បានសងជំងឺចិត្តទៅជនរងគ្រោះ ជាអ្នករើសអេតចាយចំនួន ៤.០០០ដុល្លារអាមេរិករួចទៅហើយ នេះគ្រាន់តែជាសំណងរដ្ឋប្បវេណីទេ លោក ប៉ិច តុងហេង នៅជាប់បណ្តឹងអាជ្ញាមួយទៀត ដូច្នោះហើយបានជានគរបាលនាំខ្លួនលោក ប៉ិច តុងហេង ទៅតុលាការ ដើម្បីបំពេញតាមនីតិវិធី៕
https://youtu.be/SZa-7DPaGF0
ចែករំលែកព័តមាននេះ