ទិញលក់សេរីដូចនៅផ្សារត្រី…
ខេត្តកណ្ដាល ៖ កម្លាំងនគរបាលព្រហ្មទណ្ឌស្រុកអង្គស្នួលសហការណ៏ជាមួយកម្លាំងនរគរបាល
ខេត្តកណ្ដាល ៖ កម្លាំងនគរបាលព្រហ្មទណ្ឌស្រុកអង្គស្នួលសហការណ៏ជាមួយកម្លាំងនរគរបាល
ខេត្តកណ្ដាល ៖ កម្លាំងនគរបាលព្រហ្មទណ្ឌស្រុកអង្គស្នួលសហការណ៏ជាមួយកម្លាំងនរគរបាលប៉ុស្ដិ៍សំរោងលើធ្វើការឃាត់ខ្លួនជនសង្ស័យចំនួន៣នាក់ដែលជាមុខសញ្ញាជួញដូរ និងប្រើប្រាស់គ្រឿងញឿនចំនួន៣នាក់ ព្រមទាំងដកហូតបានគ្រឿងញៀនបានចំនួន៣កញ្ចប់រួមនិងវត្ថុតាងពាក់ព័ន្ធមួយចំនួនទៀតផងដែរ កាលពីវេលាម៉ោង១១និង៣០នាទីព្រឹកថ្ងៃទី១៣ ខែសីហា ឆ្នាំ២០១៧ នៅតាមផ្លូវលំ ស្ថិតនៅក្នុងភូមិព្រៃឈើទាល ឃំុសំរោងលើ ស្រុកអង្គស្នួល ខេត្តកណ្តាល ។
ជនសង្ស័យទាំង៣នាក់នោះទី១-ឈ្មោះ យឿន ផា ភេទប្រុស អាយុ២១ឆ្នាំ មុខរបរកសិករ មានទីលំនៅក្នុងភូមិក្រឡឹងដុំ ឃុំឆក់ឈើនាង ស្រុកអង្គស្នួល ខេត្តកណ្តាល (ជាមុខសញ្ញាជួញដូរ), ទី២-ឈ្មោះ យឿន គឹមឡេង ភេទប្រុស មុខរបរកម្មករក្រុមហ៊ុន មានទីលំនៅ ភូមិក្រឡឹងដុំ ឃុំឆក់ឈើនាង ស្រុកអង្គស្នួល ខេត្តកណ្តាល (ជាអ្នកប្រើប្រាស់) និងទី៣-ឈ្មោះ ឡុង ឆាន ភេទប្រុស អាយុ៣៧ឆ្នាំ មុខរបកម្មកររោងចក្រ មានទីលំនៅភូមិក្រឡឹងដុំ ឃុំឆក់ឈើនាង ស្រុកអង្គស្នួល ខេត្តកណ្តាល (ជាអ្នកប្រើប្រាស់) ។ នគរបាលដកហូតបានវត្ថុតាងមួយចំនួនមានដូចជាម្សៅក្រាមពណ៏សថ្លាចំនួន២កញ្ចប់មធ្យម និង១កញ្ចប់តូច, ទូរសព្ទ័អិនចុចពិល១គ្រឿង, ម៉ូតូម៉ាកស្មាសវីពាក់ផ្លាកលេខ ភ្នំពេញ ១BK-៧៣៥៩ ។
តាមប្រភពព័ត៌មានបានឲ្យដឹងថា នៅវេលាម៉ោងកើតហេតុខាងលើកម្លាំងជំនាញអធិការដ្ឋាននគរបាលស្រុកអង្គស្នួលបានទទួលព័ត៌មានពីប្រជាពលរដ្ឋថា មានមុខសញ្ញាជួញដូរថ្នាំញៀនខាងលើកំពុងធ្វើសកម្មភាពចែកចាយ និងប្រើប្រាស់ ទើបកម្លាំងជំនាញចុះទៅឃាត់ខ្លួនបានភ្លាមៗ និងត្រួតពិនិត្យព្រមទាំងនាំទៅសាកសួរនៅអធិការដ្ឋានស្រុកដើម្បីកសាងសំណុំរឿងចាត់ការតាមច្បាប់ ហើយជនសង្ស័យឈ្មោះ យឿន ផា បានសារភាពថា ខ្លួនបានទិញថ្នាំញៀនពីជនមិនស្គាស់ឈ្មោះនៅម្ដុំភូមិ អូរដឹម សង្កាត់ចោមចៅ ខណ្ឌពោធិ៍សែនជ័យ ដោយទិញម្តងៗចំនួន១០ម៉ឺនរៀលដើម្បីយកទៅលក់បន្ត ៕
ចែករំលែកព័តមាននេះ