PMស្រុកម៉ាឡៃបង្ក្រាបថ្នាំញៀនបាន109គ្រាប់
ខេត្តបន្ទាយមានជ័យ ៖ អំពើលួច ឆក់ប្លន់ និងអំពើហិ.ង្សាផ្សេងៗគឺផ្តើមចេញពីគ្រឿងញៀ.នដើម្បីអនុវត្តនូវគោលនយោបាយភូមិ-ឃុំមានសុវត្ថិភាព
ខេត្តបន្ទាយមានជ័យ ៖ អំពើលួច ឆក់ប្លន់ និងអំពើហិង្សាផ្សេងៗគឺផ្តើមចេញពីគ្រឿងញៀនដើម្បីអនុវត្តនូវគោលនយោបាយភូមិ-ឃុំមានសុវត្ថិភាព កម្លាំងកងរាជអាវុធហត្ថស្រុកម៉ាឡៃបានធ្វើការចុះស្រាវជ្រាវតាមវិធានការជំនាញ និងឈានដល់ការបង្ក្រាបចាប់ឃាត់ខ្លួនជនសង្ស័យម្នាក់បញ្ជូនទៅសាលាដំបូងខេត្តបន្ទាយមានហើយផងដែរ ។
លោកវរសេនីយ៍ត្រី តាំង សុខហេង មេបញ្ជាការមូលដ្ឋានកងរាជអាវុធហត្ថស្រុកម៉ាឡៃបានឲ្យដឹងថាដោយអនុវត្តតាមបទបញ្ជារបស់លោកឧត្តមសេនីយ៍ត្រី ឱ បូរិន្ទ មេបញ្ជាការកងរាជអាវុធហត្ថខេត្ត និងមានការសម្របសម្រួលពីលោក មាស ចាន់ពិសិដ្ឋ ព្រះរាជអាជ្ញាអមសាលាដំបូងខេត្តបន្ទាយមានជ័យ បន្ទាប់ពីកម្លាំងមូលដ្ឋានកងរាជអាវុធហត្ថស្រុកម៉ាឡៃបានធ្វើការស៊ើបអង្កេតតាមដានស្រាវជ្រាវមុខសញ្ញាជួញដូរគ្រឿងញៀន នៅវេលាម៉ោង2និង11នាទី ថ្ងៃទី23 ខែមីនា ឆ្នាំ2017 កម្លាំងសមត្ថកិច្ចកងរាជអាវុធស្រុកម៉ាឡៃបានធ្វើការចាប់ឃាត់ខ្លួនឈ្មោះ នុត យិន ភេទប្រុស អាយុ54ឆ្នាំ នៅចំណុចភូមិអូរកាច់ ឃុំបឹងបេង ស្រុកម៉ាឡៃ ខេត្តបន្ទាយមានជ័យ ឆែកឆេររកឃើញថ្នាំញៀនប្រភេទមេតំហ្វេតាមីនគ្រាប់ពណ៌ក្រហមចំនួន32គ្រាប់ ។ បន្ទាប់មកសមត្ថកិច្ចក៏បានធ្វើការឆែកឆេរនៅលើផ្ទះរបស់ជនសង្ស័យបានរកឃើញថ្នាំញៀនប្រភេទមេតំហ្វេតាមីនគ្រាប់ពណ៌ក្រហមចំនួន77គ្រាប់បន្ថែមទៀតសរុបចំនួន109គ្រាប់រួមទាំងឧបករណ៍សេពគ្រឿងញៀនមួយចំនួន ។
លោកវរសេនីយ៍ឯក ស ប៊ុនសឿង មេបញ្ជាការរងកងរាជអាវុធហត្ថខេត្តបានបញ្ជាក់ថា ក្រោយពីចាប់ឃាត់ខ្លួនជនសង្ស័យបានសារភាពថា គេពិតជាជួញដូរគ្រឿងញៀនពិតប្រាកដមែនដោយទិញថ្នាំញៀនប្រភេទមេតំហ្វេតាមីននេះចំនួន5លើកមកហើយ ទិញម្តង30គ្រាប់ទៅ100គ្រាប់ពីមនុស្សម្នាក់មិនស្គាល់ឈ្មោះ ។ ដោយផ្អែកទៅលើចម្លើយសារភាពរបស់ជនសង្ស័យរួមទាំងដកហូតវត្ថុតាងជាក់ស្តែងកម្លាំងកងរាជអាវុធហត្ថខេត្តបានរៀបចំសំណុំរឿងបញ្ជូនទៅសាលាដំបូងខេត្តបន្ទាយមានជ័យចាត់ការតាមនីតិវិធី ៕
ចែករំលែកព័តមាននេះ