ព្រៃឡង់និងព្រៃសហគមន៍នៅតែរងការកា.ប់បំផ្លាញ រឹបអូសបានឈើរាប់រយកំណាត់តែរកម្ចាស់មិនឃើញ
ខេត្ដក្រចេះ ៖ បទល្មើសព្រៃឈើត្រូវបានគេរាយការណ៍ថា កំពុងកើតឡើងយ៉ាងពេញ បន្ទុកនៅស្រុកព្រែកប្រសព្វ ។ ឈើទាំងនោះក៏ត្រូវបានគេដឹងថា
ខេត្ដក្រចេះ ៖ បទល្មើសព្រៃឈើត្រូវបានគេរាយការណ៍ថា កំពុងកើតឡើងយ៉ាងពេញ បន្ទុកនៅស្រុកព្រែកប្រសព្វ ។ ឈើទាំងនោះក៏ត្រូវបានគេដឹងថា
ខេត្ដក្រចេះ ៖ បទល្មើសព្រៃឈើត្រូវបានគេរាយការណ៍ថា កំពុងកើតឡើងយ៉ាងពេញ បន្ទុកនៅស្រុកព្រែកប្រសព្វ ។ ឈើទាំងនោះក៏ត្រូវបានគេដឹងថា គឺឈ្មួញបានកាប់អារច្រៀកនាំចេញពីតំបន់ព្រៃឡង់ និងព្រៃសហគមន៍នៅក្នុងតំបន់នោះ ។ ការកាប់បំផ្លាញព្រៃឈើជាទ្រង់ទ្រាយធំសម្រាប់ខេត្តក្រចេះនេះ កំពុងកើតមានធ្ងន់ធ្ងរនៅតំបន់អភិរក្សព្រៃឡង់ និងព្រៃសហគមន៍នានា ព្រោះតែព្រៃនៅតំបន់នោះសម្បូរទៅដោយដើមឈើធំៗ ហើយក៏រងការកាប់បំផ្លាញឥតឈប់ឈរដែរ ។ សកម្មភាពការកាប់បំផ្លាញព្រៃឈើនេះ ធ្វើឲ្យប្រជាសហគមន៍ការពារព្រៃឈើនៅតំបន់នោះ សម្តែងការព្រួយបារម្ភពីការវិនាសហិនហោចដោយសារការកាប់បំផ្លាញធ្វើអាជីវកម្មខុសច្បាប់របស់ក្រុមឈ្មួញ ហើយការទប់ស្កាត់គ្មានប្រសិទ្ធភាព ។
ប្រជាសហគមន៍មួយរូបដែលសុំមិនបញ្ចេញឈ្មោះ បានអំពាវនាវឲ្យអាជ្ញាធរនិងមន្ដ្រីជំនាញចាត់វិធានការទប់ស្កាត់ឲ្យទាន់ពេលវេលាផង ដើម្បីការពារឈើក្នុងតំបន់នោះដែលកំពុងរងការកាប់បំផ្លាញរីករាលដាលកាន់តែខ្លាំងឡើង ។
ការលើកឡើងដោយសម្តែងនូវក្តីព្រួយបារម្ភរបស់ប្រជាសហគមន៍ការពារព្រៃឈើ បានធ្វើឡើងបន្ទាប់គេរកឃើញឈើអាររាប់សិបម៉ែត្រគូប សុទ្ធសឹងជាប្រភេទសុក្រមានមុខកាត់ធំៗ ត្រូវគេកាប់និងអារច្រៀកចេញពីក្នុងព្រៃ ដូចជាព្រៃឡង់និងព្រៃសហគមន៍ និងបានយកមកស្តុកទុកជាគំនរនៅចំណុចព្រៃសហគមន៍ប្រាសាទព្រៃទឹកខ្មៅ ចំណុចត្រពាំងថ្វាង ភូមិទន្សោងធ្លាក់ ឃុំកំពង់ចាម ស្រុកសំបូរ កាលពីថ្ងៃទី១២ ខែមីនាកន្លងមក ។
សេចក្តីរាយការណ៍ដដែលបានឲ្យដឹងទៀតថា ជាមួយនឹងវិនាសកម្មព្រៃឈើក្នុងដែនគម្របព្រៃអភិរក្សដែលកំពុងកើតមាននេះ ក៏នៅមិនទាន់មានអាជ្ញាធរឬស្ថាប័នជំនាញណាមួយ ទទួលខុសត្រូវទៅលើបទល្មើសមួយនេះទេ គឺបានត្រឹមតែចូលទៅយកលុយ ហើយរុញការទទួលខុសត្រូវដាក់គ្នាទៅវិញទៅមក ។
ប្រភពព័ត៌មានបានរាយការណ៍មកថា ការកាប់បំផ្លាញព្រៃឈើនៅតំបន់អភិរក្ស ដោយសហគមន៍គ្រប់គ្រងដោយរដ្ឋបាលព្រៃឈើ ក៏ដូចជានៅព្រៃឡង់ ដែលគ្រប់គ្រងដោយមន្ត្រីបរិស្ថាន គឺនៅតែកើតមាន ហើយមន្ត្រីជំនាញទាំង២ស្ថាប័នមិនដែលមានការបង្ក្រាបម្តងណាទេ ។ ការកាប់បំផ្លាញព្រៃឈើទាំងនោះក៏ត្រូវគេដឹងថាបានកើតមានឡើងដោយសារការបើកដៃពីអាជ្ញាធរ ពិសេសប្រធានសហគមន៍ និងអតីតប្រធានសហគមន៍ ជាមួយនឹងក្រុមឈ្មួញ ។
តបទៅនឹងការលើកឡើងពីបទល្មើសព្រៃឈើ ដែលកំពុងកើតមាននៅតាមព្រៃសហគមន៍ និងព្រៃឡង់នេះ លោក អោក ដារុន អនុប្រធានមន្ទីរកសិកម្ម រុក្ខាប្រមាញ់និងនេសាទខេត្ត ទទួលបន្ទុកបង្ក្រាបបទល្មើសព្រៃឈើ បានប្រាប់អ្នកកាសែតដោយបញ្ជាក់យ៉ាងខ្លីថា ការងារនេះរង់ចាំមន្ត្រីជំនាញធ្វើការសិន និងកំពុងតែស្ថិតក្នុងការស្រាវជ្រាវនៅឡើយ ។ លោកមិនបានធ្វើអត្ថាធិប្បាយអ្វីច្រើននោះទេ ។
ដោយឡែក ប្រធានមន្ទីរបរិស្ថានខេត្ត លោក ឆាយ ដួងសាវុធ បានឲ្យដឹងថា ព័ត៌មាននៃការស្តុកឈើខុសច្បាប់ខាងលើ លោកបានដឹងយូរដែរហើយ ដោយក្រុមសហគមន៍រាយការណ៍ហើយឥឡូវលោកបានចាត់កម្លាំងត្រៀមចាំស្ទាក់ចាប់រួចហើយ ។
បើតាមសេចក្តីរាយការណ៍ចុងក្រោយបានឲ្យដឹងនៅថ្ងៃទី១៤ ខែមីនា ថា ឈើសុក្រំដែលឈ្មួញកាប់និងអារច្រៀកខុសច្បាប់ ហើយស្តុកជាគំនរនៅតំបន់ព្រៃសហគមន៍ខាងលើ គឺត្រូវបានដឹកចេញពីតំបន់នោះអស់មួយចំនួនហើយកាលពីយប់ថ្ងៃទី១៣ ខែមីនា ។ ទោះជាយ៉ាងណា ឈ្មួញឈើជានរណានោះ មិនត្រូវបានក្រុមមន្ដ្រីប្រាប់ឱ្យដឹងទេ ៕
ចែករំលែកព័តមាននេះ