បង្ក្រាបក្រុមក្មេងសេពគ្រឿងញៀ.នបាន២៤នាក់បញ្ជូនទៅតុលាការ
ខេត្តបន្ទាយមានជ័យ ៖ កម្លាំងនគរបាលការិយាល័យប្រឆាំងគ្រឿងញៀ.ន សហការជាមួយកម្លាំងនគរបាលការិយាល័យព្រហ្មទណ្ឌកម្រិតស្រាល កម្លាំងនគរបាលការពារ …
ខេត្តបន្ទាយមានជ័យ ៖ កម្លាំងនគរបាលការិយាល័យប្រឆាំងគ្រឿងញៀ.ន សហការជាមួយកម្លាំងនគរបាលការិយាល័យព្រហ្មទណ្ឌកម្រិតស្រាល កម្លាំងនគរបាលការពារ …
ខេត្តបន្ទាយមានជ័យ ៖ កម្លាំងនគរបាលការិយាល័យប្រឆាំងគ្រឿងញៀន សហការជាមួយកម្លាំងនគរបាលការិយាល័យព្រហ្មទណ្ឌកម្រិតស្រាល កម្លាំងនគរបាលការពារ និងអន្តរាគមន៍ និងកម្លាំងនគរបាលការិយាល័យសន្តិសុខ បានចុះបង្ក្រាបករណីក្រុមក្មេងប្រើប្រាស់គ្រឿងញៀនក្នុងរយៈពេល៣ថ្ងៃ ចាប់ឃាត់ខ្លួនបានជាបន្តបន្ទាប់ និងរៀបចំសំណុំរឿងបញ្ជូនទៅសាលាដំបូងខេត្តបន្ទាយមានជ័យ ។
លោកវរសេនីយ៍ត្រី ង៉េង សុជា នាយការិយាល័យនគរបាលប្រឆាំងគ្រឿងញៀន បានឲ្យដឹងថា ដោយអនុវត្តតាមបទបញ្ជារបស់លោកឧត្តមសេនីយ៍ទោ អាត់ ខែម ស្នងការនគរបាលខេត្ត និងដោយមានការសម្របសម្រួលពីលោក មាស ច័ន្ទពិសិដ្ឋ ព្រះរាជអាជ្ញាអមសាលាដំបូងខេត្តបន្ទាយមានជ័យ កម្លាំងសមត្ថកិច្ចចម្រុះបានចុះបង្ក្រាបករណីក្រុមក្មេងប្រើប្រាស់នូវសារធាតុញៀនខុសច្បាប់ និងចាប់ឃាត់ខ្លួនជាបន្តបន្ទាប់សរុបចំនួន២៤នាក់ រួមទាំងដកហូតសម្ភារៈវត្ថុតាងមួយចំនួន នៅចំណុចក្បែរស្ថានីយរថយន្តភ្លើង ស្ថិតក្នុងភូមិសែសិន សង្កាត់អូរអំបិល ក្រុងសិរីសោភ័ណ ខេត្តបន្ទាយមានជ័យ ។
លោកវរសេនីយ៍ឯក ចាប សុផារិទ្ធ ស្នងការរង ទទួលផែនការិយាល័យកណ្តាលប្រឆាំងបទល្មើស បានឲ្យដឹងថា ឆ្លងតាមការត្រួតពិនិត្យ និងធ្វើតេស្តស្វែងរកនូវសារធាតុញៀន ជាលទ្ធផលឃើញមានសារធាតុញៀនប្រភេទមេតំហ្វេតាមីនក្នុងទឹកនោមទាំង២៤នាក់ ។ ចំពោះក្រុមក្មេងទាំង២៤នាក់នេះ រួមទាំងសម្ភារៈវត្ថុតាង កម្លាំងនគរបាលការិយាល័យជំនាញប្រឆាំងគ្រឿងញៀន បានរៀបចំសំណុំរឿងបញ្ជូនទៅសាលាដំបូងខេត្តបន្ទាយមានជ័យហើយ ដើម្បីមានវិធានការតាមនិតិវិធីច្បាប់ ។
លោកស្នងការរងបានបញ្ជាក់ថា នេះគឺជាករណីបើកយុទ្ធនាការប្រតិបតិ្តការបង្ក្រាបបទល្មើសគ្រឿងញៀននៅក្នុងខេត្តបន្ទាយមានជ័យ សកម្មភាពនេះកម្លាំងនគរបាលជំនាញ ក៏ដូចជានៅតាមបណ្តាស្រុក-ក្រុង និងវរសេនាតូចនគរបាលការពារព្រំដែនគោក បានអនុវត្តតាមបទបញ្ជារបស់លោកឧត្តមសេនីយ៍ទោ អាត់ ខែម ស្នងការនគរបាលខេត្តបន្តាយមានជ័យ គឺយើងធ្វើឲ្យដូចជាភ្លៀងរលឹម ៕
ចែករំលែកព័តមាននេះ