ឃាត់ខ្លួនជនសង្ស័យ៤នាក់ ពាក់ព័ន្ធការជួញដូរគ្រឿងញៀ.ន
ខេត្តមណ្ឌលគិរី ៖ ជនសង្ស័យ៤នាក់ជាប់ពាក់ព័ន្ធជាមួយការជួញដូរគ្រឿងញៀ.ន ត្រូវបាននគរបាលឃាត់ខ្លួន ក្រោយធ្វើសកម្មភាពចែកចាយនៅចំណុចភូមិដេអេ
ខេត្តមណ្ឌលគិរី ៖ ជនសង្ស័យ៤នាក់ជាប់ពាក់ព័ន្ធជាមួយការជួញដូរគ្រឿងញៀន ត្រូវបាននគរបាលឃាត់ខ្លួន ក្រោយធ្វើសកម្មភាពចែកចាយនៅចំណុចភូមិដេអេ ឃុំពូជ្រៃ ស្រុកពេជ្រាដា ខេត្តមណ្ឌលគិរី នៅថ្ងៃទី២៦ ខែតុលា ឆ្នាំ២០១៦ វេលាម៉ោង០៩និង៤៨នាទីយប់។ សមត្ថកិច្ចស្រុកពេជ្រាដាបានឲ្យដឹងថា ដោយពីមានការសហការណ៍យ៉ាងល្អរវាងកម្លាំងការិយាល័យប្រឆាំងគ្រឿងញៀនជាមួយកម្លាំងនគរបាលប៉ុស្តិ៍រដ្ឋបាលឃុំពូជ្រៃ ក៏បានធ្វើការបង្ក្រាបលើករណីជួញដូរគ្រឿងញៀនខុសច្បាប់បានមួយករណី។
នគរបាលប្រាប់ថា ជនសង្ស័យដែលត្រូវឃាត់ខ្លួនចំនួន៣នាក់នោះរួមមានទី១-ស្រ៊ាង គឹមស្រ៊ុយ ភេទប្រុស អាយុ២៤ឆ្នាំ មុខរបរកសិករ ទី២-ធឿន ចាន់ម៉ាក ភេទប្រុស អាយុ៣១ឆ្នាំ មុខរបរកសិករ ទី៣-ធឿន ចាន់មាឃ ភេទប្រុស អាយុ២០ឆ្នាំ មុខរបរកសិករ ទាំង៣នាក់មានទីលំនៅភូមិចុងផាង ឃុំពូជ្រៃ ស្រុកពេជ្រាដា ខេត្តមណ្ឌលគិរី។
គួរបញ្ជាក់ថាក្រោយចម្លើយសារភាពរបស់ឈ្មោះ ស្រ៊ាង គឹមស្រ៊ុយ នោះ នៅថ្ងៃទី២៧ ខែតុលា ឆ្នាំ២០១៦ ដែលបានការអនុញ្ញាតពីលោកព្រះរាជអាជ្ញា ក៏បានបន្តឆែកឆេរ នៅផ្ទះឈ្មោះ ខៀវ សុជាតិ ភេទប្រុស អាយុ៤៤ឆ្នាំ មុខរបរយោធា ហើយបានរក ឃើញសារធាតុសង្ស័យថាជាសារធាតុញៀនចំនួន៧កញ្ចប់ និងជញ្ជីងសម្រាប់ថ្លឹងចំនួន១ បន្ទាប់មកបានធ្វើការឃាត់ខ្លួនឈ្មោះ ខៀវ សុជាតិ ម្នាក់ថែមទៀត។ សមត្ថកិច្ចបញ្ជាក់ថា ជនសង្ស័យរួមនឹងវត្ថុតាងត្រូវបានគេបញ្ជួនទៅស្នងការនគរបាលខេត្តមណ្ឌលគិរី ដើម្បីបន្តនីតិវិធីងដែរ៕
ចែករំលែកព័តមាននេះ