នៅទីបំផុតតារាចម្រៀងដែលឈោងចាប់ភាពល្បីល្បាញក្នុងវិស័យចម្រៀងនៅក្នុងអំឡុងឆ្នាំ១៩៩៧ នាង ឆោម និមល បានទទួលសញ្ជាតិអាមេរិកជាផ្លូវការហើយ កាលពីថ្ងៃទី២២ តុលា ២០១៤ បន្ទាប់ពីរូបនាងបានចាកចេញទៅរស់នៅលើទឹកដីមហាអំណាចមួយនេះអស់រយៈពេល១៤ឆ្នាំ។
នៅទីបំផុតតារាចម្រៀងដែលឈោងចាប់ភាពល្បីល្បាញក្នុងវិស័យចម្រៀងនៅក្នុងអំឡុងឆ្នាំ១៩៩៧ នាង ឆោម និមល បានទទួលសញ្ជាតិអាមេរិកជាផ្លូវការហើយ កាលពីថ្ងៃទី២២ តុលា ២០១៤ បន្ទាប់ពីរូបនាងបានចាកចេញទៅរស់នៅលើទឹកដីមហាអំណាចមួយនេះអស់រយៈពេល១៤ឆ្នាំ។
រូបភាពនៃការត្រេកអរបន្ទាប់ពីទទួលបានសញ្ជាតិអាមេរិកនេះ ត្រូវបាន ឆោម និមល បង្ហោះនៅតាមបណ្តាញសង្គមហ្វេសប៊ុកជាមួយនឹងក្តីរំភើប និងការចូលរួមអបអរសាទរពីមិត្តភក្តិរបស់នាងជាច្រើនផងដែរ។
ឆោម និមល បានសរសេរសារខ្លីមួយជាភាសារអង់គ្លេសដែលមានន័យជាភាសារខ្មែរថា «ខ្ញុំបានរង់ចាំថ្ងៃនេះអស់រយៈពេល១៤ឆ្នាំហើយ។ ថ្ងៃនេះខ្ញុំជាប្រជាជនអាមេរិក វាជាផ្នែកមួយនៃថ្ងៃដែលខ្ញុំសប្បាយរីករាយបំផុតនៅក្នុងជីវិតរបស់ខ្ញុំ។ អរគុណអ្នកទាំងអស់គ្នាដែលបានចំណាយពេលដ៏មានតម្លៃចូលរួមអបអបជាមួយខ្ញុំ»។
ដោយឡែកសមាជិកនៅក្នុងក្រុម Dengue Fever របស់នាងក៏បានសម្តែងការអបអរផងដែរ ក្នុងនោះពួកគេបានសរសេរសារបង្ហោះតាមហ្វេសប៊ុកថា ថ្ងៃទី២២ ខែតុលា ឆោម និមល ជាទីស្រឡាញ់របស់យើងបានបញ្ចប់ការធ្វើដំណើររបស់នាង១៤ឆ្នាំ ដើម្បីក្លាយប្រជាពលរដ្ឋអាមេរិក។ នាងនឹងរក្សាសញ្ជាតិពីរ ដោយមានផ្ទះនៅប្រទេសកម្ពុជារបស់នាង។ ទោះជាយ៉ាងណា នេះគឺជាពេលវេលាផ្ទាល់ខ្លួនដ៏សំខាន់សម្រាប់នាង ខណៈដែលនាងបានរីកធំធាត់ពីកុមារតូចមួយដែលរស់នៅក្នុងជំរំភៀសខ្លួនទៅជាខ្លាំងដែលមានទេពកោសល្យស្ត្រីគួរឱ្យស្រឡាញ់ដែលបានធ្វើការយ៉ាងលំបាក ដើម្បីសម្រេចបាននូវក្តីសុបិន្តរបស់នាង។
ឆោម និមល បានកសាងជីវិតរបស់ខ្លួននៅលើវិថីសិល្បៈចម្រៀងចាប់តាំងពីឆ្នាំ១៩៩៧ បន្ទាប់ពីរូបនាងបានប្រឡងជាប់ចំណាត់លេខ១ ក្នុងកម្មវិធីប្រឡងចម្រៀងមួយដែលរៀបចំដោយស្ថានីយទូរទស្សន៍អប្សារា ជាមួយនឹងបងប្រុសរបស់នាង គឺលោក ឆោម ប៊ុនឆុង។ បទចម្រៀងដែលរឹតធ្វើឲ្យនាង និងបងប្រុសកាន់តែត្រដែតក្នុងវិថីសិល្បៈកាន់តែខ្លាំង គឺបទ «ថ្ងៃមង្គលយើង» ហើយចាប់តាំងពីពេលនោះមកនាងក៏មានឱកាសចេញច្រៀងតាមឆាកតន្ត្រីនានា និងតែងតែមានវត្តមានញឹកញាប់ក្នុងការច្រៀងឲ្យផលិតកម្មក្រៅស្រុក។
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ