ខេត្តសៀមរាប៖ ព្រឹត្តិការណ៍រត់ចម្ងាយឆ្ងាយ Ultra-Trail Angkor លើកទី៨ ឆ្នាំ២០២៥ បានបញ្ចប់ដោយរលូន និងជោគជ័យ ក្រោយដំណើរការប្រកួតរយៈពេលពេញមួយថ្ងៃនៅថ្ងៃទី១៨ ខែមករានេះ…
ខេត្តសៀមរាប៖ ព្រឹត្តិការណ៍រត់ចម្ងាយឆ្ងាយ Ultra-Trail Angkor លើកទី៨ ឆ្នាំ២០២៥ បានបញ្ចប់ដោយរលូន និងជោគជ័យ ក្រោយដំណើរការប្រកួតរយៈពេលពេញមួយថ្ងៃនៅថ្ងៃទី១៨ ខែមករានេះ ដោយមានអត្ដពលិកជាតិ និងអន្ដរជាតិជាង ១៨០០នាក់ មកពី ៥០ប្រទេសផ្សេងគ្នា បានចូលរួមរត់ក្នុងព្រឹត្តិការណ៍ដែលធ្វើនៅទឹកដីអង្គរ ខេត្តសៀមរាប ។ ព្រឹត្តិការណ៍រត់ប្រណាំងចម្ងាយឆ្ងាយ លើកទី៨ នេះមាន ៦វិញ្ញាសាគឺ វិញ្ញាសាចម្ងាយ១០០គីឡូម៉ែត្រ, វិញ្ញាសាចម្ងាយ៦៤គីឡូម៉ែត្រ, វិញ្ញាសាចម្ងាយ៤២គីឡូម៉ែត្រ, វិញ្ញាសាចម្ងាយ៣២គីឡូម៉ែត្រ, វិញ្ញាសាចម្ងាយ ១៨គីឡូម៉ែត្រ និងវិញ្ញាសាចម្ងាយ៨គីឡូម៉ែត្រ ចេញដំណើរនៅទីតាំងផ្សេងៗ ជាបន្ដបន្ទាប់ ។
យោងតាមគណៈកម្មការរៀបចំការប្រកួត ព្រឹត្តិការណ៍រត់ចម្ងាយឆ្ងាយ បានឱ្យដឹងថា Ultra-Trail Angkor ឆ្នាំ២០២៥ រៀបចំឡើងគឺ មានគោលបំណងជំរុញការផ្សព្វផ្សាយ និងអភិវឌ្ឍចលនាកីឡា និងលើកកម្ពស់បរិស្ថានតំបន់បេតិកភណ្ឌ ព្រមទាំងបង្កើននូវចំនួនភ្ញៀវទេសចរជាតិ និងអន្តរជាតិ តាមរយៈព្រឹត្តិការណ៍កីឡាទេសចរណ៍បែបផ្សងព្រេងដ៏កម្រ និងអស្ចារ្យបំផុតនេះ ព្រោះកីឡាករ-កីឡាការិនីម្នាក់ៗ ត្រូវរត់កាត់ធម្មជាតិ វាលស្រែ ព្រៃព្រឹក្សាលតាវល្លិ៍ តំបន់ជនបទ ភូមិឋានប្រជាពលរដ្ឋ និងរត់កាត់តាមប្រាសាទបុរាណជាច្រើននៅតំបន់ឧទ្យានអង្គរ រួមជាមួយទស្សនីយភាពដ៏ស្រស់ត្រកាលជាច្រើន ដែលជាសម្បត្តិបេតិកភណ្ឌវប្បធម៌រូបីដ៏អស្ចារ្យ និងល្បីល្បាញបំផុតលើពិភពលោកផងដែរ ។
ឆ្លៀតក្នុងឱកាសនេះ លោក ជុនហៀង ថាវសិទ្ធិ អនុប្រធានធុរកិច្ច ក្រុមហ៊ុន វ័ន ហ្វ្រេតធើនីធី (មីជាតិ) បានឱ្យដឹងថា៖ «មីជាតិពិតជាមានកិត្តិយសដែលបានចូលរួមជាមួយកម្មវិធី Ultra-Trail Angkor លើកទី៨ ឆ្នាំ២០២៥ដែលនេះជាឆ្នាំទី៣ ហើយដែល មីជាតិ បន្តចូលរួមជាដៃគូសហការឧបត្ថម្ភធំ ក្នុងព្រឹត្តិការណ៍រត់ចម្ងាយឆ្ងាយ Ultra-Trail Angkor។ ក្នុងឆ្នាំនេះរឹតតែពិសេស យើងសង្កេតឃើញថាមានការចូលរួមយ៉ាងផុសផុលពីសំណាក់កីឡាករ-កីឡាការិនីខ្មែរយើងជាច្រើនបន្ថែម ដែលជាលើកដំបូងក្នុងប្រវត្តិសាស្ត្រផងដែរ មានកីឡាការិនីជាស្ត្រីកម្ពុជាចំនួន ៧រូបចូលរួមរត់ចម្ងាយឆ្ងាយជាងគេបង្អស់ ១០០គីឡូម៉ែត្រ» ។
គួរបញ្ជាក់ផងដែរថា ការចូលរួមឧបត្ថម្ភរបស់ មីជាតិ ដល់កម្មវិធីនេះ អាចកើតឡើងបានក៏ដោយសារការគាំទ្រពីសំណាក់អតិថិជន និងអ្នកប្រើប្រាស់ផលិតផលមីជាតិ ដែលជាមីឆ្អិនស្រាប់មុនដំបូងគេនៅកម្ពុជា និងមានរសជាតិឆ្ងាញ់ពិសា រសជាតិបែបខ្មែរ បង្កើតឡើងដោយជនជាតិខ្មែរ សម្រាប់ប្រជាជនកម្ពុជា ។ មីជាតិ ប្តេជ្ញាបន្តចូលរួមគាំទ្រ និងឧបត្ថម្ភយ៉ាងពេញទំហឹងនូវសកម្មភាពនានា ក្នុងបុព្វហេតុជួយដល់វិស័យកីឡា និងទេសចរណ៍នៅកម្ពុជា។ មីជាតិ ស្នាដៃខ្មែរ រសជាតិខ្មែរ ៕ អត្ថបទសហការ
ចែករំលែកព័តមាននេះ