រាជធានីភ្នំពេញ ៖ លោក ករុណា ពេជ្រ បានលើកឡើងថា បើទោះបីជាលោកធ្លាប់រងការរិះគន់ពីមហាជនមួយចំនួនទៅលើសំឡេងរបស់លោក ប៉ុន្តែលោកក៏មិនដែលធ្វើអោយតារាស្រីរូបណាធ្លាក់ទឹកពេលចាប់ដៃគូច្រៀងជាមួយរូបលោកនោះឡើយ ។ ការលើកឡើងរបស់តារាចម្រៀងរូបនេះធ្វើឡើង…
រាជធានីភ្នំពេញ ៖ លោក ករុណា ពេជ្រ បានលើកឡើងថា បើទោះបីជាលោកធ្លាប់រងការរិះគន់ពីមហាជនមួយចំនួនទៅលើសំឡេ
ងរបស់លោក ប៉ុន្តែលោកក៏មិនដែលធ្វើអោយតារាស្រីរូបណាធ្លាក់ទឹកពេលចាប់ដៃគូច្រៀងជាមួយរូបលោកនោះឡើយ ។
ការលើកឡើងរបស់តារាចម្រៀងរូបនេះធ្វើឡើង បន្ទាប់ពីលោកបានត្រៀមចាប់ដៃគូច្រៀងជាមួយ តារាចម្រៀងអ្នកនាង ម៉េង កែវពេជ្ជតា តាមរយៈបទអ្នកកំដរ ក្នុង Version ថ្មីឆ្លើយឆ្លង ។
ករុណា ពេជ្រ បានលើកឡើងថា បងប្អូន ចង់ស្តាប់បទអ្នកកំដរ Version ថ្មីពីរនាក់ឆ្លងឆ្លើយ fit ពីរនាក់ បងស្រីកំពូលតារាចម្រៀងលំដាប់ជាតិ ម៉េង កែវពេជ្ជតា អត់បាទ..?
លោកបន្តថា ទោះបីកំពុងរៀបចំបទ អ្នកកំដរ ឆ្លងឆ្លើយជាមួយបងស្រី ក៏ពិតមែន មិនទាន់បានបញ្ចូលសំឡេងរួចរាល់ក៏ពិតមែន… ប៉ុន្តែប្អូនពិតជារំភើបណាស់ បើបទអ្នកកំដរឆ្លងឆ្លើយជាមួយបងស្រី បានសម្រេចជាស្ថាបពរ នាពេលខាងមុខនេះ…. ។ អរគុណបងស្រី ដែលមិនមើលរំលងប្អូនប្រុសម្នាក់នេះ ជាពិសេសនៅតែព្យាយាម និងផ្តល់មហាឱកាសបញ្ចូលបទមួយនេះជាមួយប្អូន ដោយមិនខ្លាចរអារ មិនមើលងាយសំឡេងរបស់ប្អូន ដូចដែលតារាចម្រៀងមួយចំនួនខ្លះ បង្កើតជាក្រុម ស៊ីត្រាវ សើចពេបជ្រាយ ឬវា.យប្រហារថា សំឡេងខ្ញុំ មិនកើត មិនល្អ មិនរណ្តំដូចគេ កាលពីជាង ១០ឆ្នាំមុនម្ល៉េះ… ប៉ុន្តែរហូតមកដល់ពេលដូចបាត់ស្រមោលអស់ឈឹង សង្ស័យពួកមាត់ដាចអស់នោះ រត់ឆ្លងភពទៅល្បីតាមភពដទៃតាមកម្មផលអស់ហើយដឹង…។
លោកបញ្ជាក់ថា ប្អូនប្រុសម្នាក់នេះទទួលស្គាល់ថា សំឡេងរបស់ប្អូន នៅមានកម្រិតមិនរណ្តំ មិនអស្ចារ្យ មិនឆ្ងាញ់ដូចពួកគេក៏ពិតមែន ប៉ុន្តែខ្ញុំអាចព្យាយាមតស៊ូយកទឹកដមសំឡេងមិនឡូយដូចអ្នក មិនអស្ចារ្យដូចអ្នកមួយនេះយកមក ដើម្បីប្រឹងប្រែងតស៊ូកែប្រែដឹកនាំខ្លួនឯង ក្រុមគ្រួសារខ្លួនឯង រហូតបានមកដល់ចំណុចនេះហើយក៏ចង់ប្រាប់ទៅ តារាចម្រៀងជាហ្វូងក្នុងក្រុមមនុស្សច្រណែនអសិរពិសមួយចំនួនតូចនោះអោយបានច្បាស់ថា សំឡេងមិនល្អ មិនសមចិត្តអ្នកមួយនេះបានឆ្លងកាត់ការសម្តែង MV និងច្រៀង ចេញជាអាល់ប៊ុមជាមួយតារាចម្រៀងផ្នែកនារី ល្បីៗប្រចាំប្រទេសកម្ពុជា ដូចជា អ្នកនាង មាស សុខសោភា និងអ្នកនាង សុគន្ធនិសា ប្អូនស្រី និរន្ត៍ គឺថា មិនដែលសំឡេងមិនល្អ និងការសម្តែង MV ជាច្រើនកន្លងមកបានផ្ទុះល្បី កក្រើកគួរជាទីមោនៈ ជាពិសេសដោយមិនដែលបានទាញតារាចម្រៀងនារីល្បីរូបណា អោយទម្លាក់ធ្លាក់ទឹកដែលធ្លាប់ចាប់ដៃគូរជាមួយ ករុណា ពេជ្រ អោយធ្លាក់ប្រជាប្រីយភាព និងធ្លាក់ការគាំទ្រ ដោយសារតែទឹកដមសំឡេងរបស់រូបខ្ញុំនោះទេ ។
ចុងក្រោយ ករុណា ពេជ្រ ចង់ជម្រាបថា ខ្ញុំមិនល្អដូចគេ សំឡេងខ្ញុំមិនដល់បងៗអ្នករិះគន់ទេ វិថីសិល្បៈរបស់ខ្ញុំក៏ក្រោយបងៗអ្នកនិយាយដែរ… ប៉ុន្តែទីបំផុត ខ្ញុំនៅតែមានអ្វីដែលជារបស់ខ្ញុំ ទោះបីមិនល្អសម្រាប់គេ តែវាពិតជាមានន័យសម្រាប់ខ្ញុំខ្លាំងណាស់ ដែលខ្ញុំចេះយកអ្វីដែលខ្ញុំមាន ហើយអ្នកគិតថា វាមិនល្អនោះយកមកកែប្រែជីវិតខ្ញុំរហូតមកដល់មានថ្ងៃនេះ… ៕
ចែករំលែកព័តមាននេះ