រាជធានីភ្នំពេញ ៖ តារាសម្តែងនាង ខ្លឹម ស្រីគា បានចេញមុខបដិសេធចោលទាំងស្រុង ពាក់ព័ន្ធព័ត៌មានដែលបានលេចឮថា មានគេចង់ទិញសិទ្ធិរៀបចំ Miss Grand…
រាជធានីភ្នំពេញ ៖ តារាសម្តែងនាង ខ្លឹម ស្រីគា បានចេញមុខបដិសេធចោលទាំងស្រុង ពាក់ព័ន្ធព័ត៌មានដែលបានលេចឮថា មានគេចង់ទិញសិទ្ធិរៀបចំ Miss Grand សម្រាប់ឆ្នាំ២០២៥ នៅស្រុកខ្មែរដោយឲ្យរូបនាងជាអ្នកឈរឈ្មោះ ខណៈពេលដែលព័ត៌មាននេះកំពុងតែឡើងកម្តៅជាថ្មីម្តងទៀត ក្រោយស្ងប់ស្ងាត់មួយរយៈខ្លី ។
អតីត Miss Grand Cambodia 2017 បានចាត់ទុកព័ត៌មានខាងលើនេះ គឺជាការភាន់ច្រឡំ និងមិនមានមូលដ្ឋានច្បាស់លាស់ ដ្បិតមិនបានដឹងរឿងអ្វីទាំងអស់ ក្នុងពេលដែលនាងសុំមិនពាក់ព័ន្ធរឿងកម្មវិធី MGC នេះទេ ។
ការចេញមុខបដិសេធនូវព័ត៌មានខាងលើពី ខ្លឹម ស្រីគា នាពេលនេះ បានធ្វើឡើងបន្ទាប់ពីនៅប៉ុន្មានថ្ងៃចុងក្រោយនេះ គេបានដាក់ការសង្ស័យថា កម្មវិធី Miss Grand អាចនឹងមានក្រុមហ៊ុនខ្មែរមួយផ្សេងទៀតនឹងទិញសិទ្ធិមករៀបចំសម្រាប់ឆ្នាំ២០២៥នេះ ។ រឿងនេះបានកើតឡើង បន្ទាប់ពីគេបានឃើញការខមមិនតាមបណ្តាញសង្គម រវាងម្ចាស់ផលិតកម្មមហាហង្សលោក អ៊ិន សុភិន និងខ្លឹម ស្រីគា ដែលតាមរយៈសារឆ្លងឆ្លើយគ្នានោះ គេឃើញលោក អ៊ិន សុភិន បង្ហាញបំណងចង់ទិញកម្មវិធីមួយនេះ ដោយអោយ ខ្លឹម ស្រីគា ជាគ្រប់គ្រងធ្វើ ។
យ៉ាងណា តាមរយៈសារឆ្លើយឆ្លងនេះ ខ្លឹម ស្រីគា បានធ្វើការបដិសេធ ដោយនាងមិនអាចទទួលយកការងារមួយនេះឡើយ ក្រោមហេតុផលមិនចង់ឲ្យគេជេរនាងមួយប្រទេសនោះឡើយ ដ្បិតកម្មវិធីមួយនេះបានធ្វើឲ្យប្រជាជនខ្មែរផ្ទុះកំហឹងយ៉ាងខ្លាំង ក្រោយពីមានការប្រមាថមើលងាយពីអ្នកដឹកនាំកម្មវិធីថៃមកលើប្រទេសកម្ពុជា ។
ជាមួយការបង្ហាញសារឆ្លើយឆ្លងបង្ហោះលើបណ្តាញសង្គម ខ្លឹម ស្រីគា ក៏បានភ្ជាប់ជាមួយនឹងសំណេរថា ខ្ញុំសុំមិនពាក់ព័ន្ធរឿងពូ និយាយរឿងMGC ខ្ញុំឮហើយហួសចិត្ត ពូយកឈ្មោះខ្ញុំទៅចូលពាក់ព័ន្ធអោយគេជេរខ្ញុំ ទាំងខ្ញុំមិនបានដឹងឮអ្វីសូម្បីបន្តិច។
នាងបន្តថា 😡 ពូលេង តែខ្ញុំមិនបានលេងជាមួយ 😏 ខ្ញុំមានឈាមជ័រខ្មែរ មិនថោកទាបអោយគេដៀលម្តងហើយ មិនចេះចាំ🧠 សូម្បីតែឈ្មោះ MGC ក៏ខ្ញុំឈប់ប្រើតាំងពីពេលមានរឿង បើខ្ញុំនៅគាំទ្រឆ្កែសុទ្ធ ។
ដោយឡែក ពាក់ព័ន្ធរឿងរ៉ាវខាងលើនេះដែរ ខ្លឹម ស្រីគា ក៏បានអះអាងប្រាប់កោះសន្តិភាពតាមសារអេឡិចត្រូនិចថា សម្រាប់ព័ត៌មានខាងលើនេះវាមិនមែនជាការពិតនោះឡើយ ដែលថា គាត់
(លោក អ៊ិន សុភិន) ទិញសិទ្ធិកម្មវិធីមួយនេះមកធ្វើដោយអោយនាងឈរឈ្មោះ ។
នាងថា ការខមមិននេះ គឺគាត់ខំមិនលេងជាមួយខ្ញុំ តែខ្ញុំមិនបានលេងជាមួយគាត់ទេ ប៉ុន្តែការលេងរបស់គាត់នេះ គឺលេងបែបឌឺដង និងផ្លែផ្កាមកលើរូបខ្ញុំថា ចង់ទិញសិទ្ធិអោយFree ហើយសួរធ្វើអត់ តែខ្ញុំនៅតែបដិសេធ និងមិនបានដឹងនូវព័ត៌មានថា គាត់ចង់ធ្វើបែបនឹងក្នុងពេលដែលខ្ញុំសុំពាក់ព័ន្ធនឹងដឹងឮនូវរឿងមួយនេះឡើយ ។
នាងបញ្ជាក់ថា សម្រាប់រឿងខាងលើនេះ នាងមានការតាំងចិត្ត ប្រសិនបើមានកម្មវិធីនេះមានការរៀបចំ នៅក្នុងស្រុកខ្មែរម្តងទៀត ក្នុងនាមនាងជាប្រជាជនខ្មែរម្នាក់សុំប្រកាសមិនគាំទ្រជាដាច់ខាត ព្រោះម្ចាស់កម្មវិធីនេះបានមើលងាយ និងជាន់ឈ្លីទៅដល់មុខមាត់ប្រទេសរបស់យើង ដើម្បីយកភាពត្រឹមត្រូវតែខ្លួនឯង ។
នាងបញ្ជាក់ថា នាងសុំមិនគាំទ្រកម្មវិធី Miss Grand នេះ នៅក្នុងស្រុកយើងឡើង ដោយយើងអាចងាកមកគាំទ្រជាមួយកម្មវិធីនានាដែលមាននៅក្នុងស្រុកខ្មែរយើង ជាពិសេសកម្មវិធីបវរកញ្ញាដែលបង្កើតឡើងដោយស្នាដៃកូនខ្មែរ ។
យ៉ាងណា បើតាម ខ្លឹម ស្រីគា នាងសុំសំណូមពរដល់មហាជន ជាពិសេស បណ្តាអ្នគគាំទ្ររូបនាងទាំងអស់ សុំកុំមានការយល់ច្រឡំចំពោះព័ត៌មានខាងលើនេះ និងកុំគិតថា នាងឈរឈ្មោះឲ្យលោក អ៊ិន សុភិន ហើយទទួលយកការងារមួយនេះ គឺដាច់ខាតនាងមិនទទួលយករឿងនេះឡើយ ហើយបងប្អូនអាចជឿជាក់លើនាងបាន ។
ដោយឡែក ពាក់ព័ន្ធបញ្ហាខាងលើនេះ លោក អ៊ិន សុភិន បានបញ្ជាក់តាមរយៈវីដេអូlive តាម
បណ្តាញសង្គម ដោយលោកក៏បានសម្តែងការហួសចិត្តផងដែរ ចំពោះការលេចឮនូវព័ត៌មាននេះឡើង ទាំងដែលលោកមិនបានដឹងរឿងសោះ ។
ថា វាជារៀងអស់សំណើចដែលមានគេថា ខ្ញុំជាអ្នកទិញកម្មវិធី ហើយឲ្យ ខ្លឹម ស្រីគា ជាអ្នកឈរឈ្មោះ អត់ដឹងរឿងអ្វីបន្តិច ហើយប្រយោជន៍ និងបានចំណេញអ្វីឬនៅ ធ្វើកម្មវិធីបវរកញ្ញានេះឡើង ដើម្បីជួយខ្មែរ ចុះឥឡូវឃើញវិស័យបវរកញ្ញានេះវាយ៉ាងមេចវិញ ៕
ចែករំលែកព័តមាននេះ