ស្រីស្អាត ភឹម ស្រីណូ មកឆ្នាំនេះខុសពីឆ្នាំរាល់ដង ដែលនាងចូលប្រកួតមកឆ្នាំនេះ នាងមានទំនុកចិត្តខ្ពស់ជាងឆ្នាំមុន ហើយអ្នកទាំងអស់គ្នាក៏ដឹងថា ឆ្នាំនេះ ស្រីស្អាត ស្រីណូ នឹងបន្តការអភិវឌ្ឍន៍សមត្ថភាពគួរអោយកត់សម្គាល់ផងដែរ។ នាងនឹង
រាជធានីភ្នំពេញ ៖ ស្រីស្អាត ភឹម ស្រីណូ មកឆ្នាំនេះខុសពីឆ្នាំរាល់ដង ដែលនាងចូលប្រកួតមកឆ្នាំនេះ នាងមានទំនុកចិត្តខ្ពស់ជាងឆ្នាំមុន ហើយអ្នកទាំងអស់គ្នាក៏ដឹងថា ឆ្នាំនេះ ស្រីស្អាត ស្រីណូ នឹងបន្តការអភិវឌ្ឍន៍សមត្ថភាពគួរអោយកត់សម្គាល់ផងដែរ។ នាងនឹងប្រយុទ្ធរហូតដល់ដំណាក់កាលចុងក្រោយ មិនអាចនិយាយបានទេថា «កុំប្រហែសប្រយ័ត្ន ស្រីនោ ឆក់មកុដបាត់» គួរតែនិយាយថា «តើអ្នកមានសមត្ថភាពគ្រប់គ្រាន់នឹងដណ្ដើមមកុដពីស្រីនោ បានដែរឬទេ?»។
ព្រោះតែមានដានធ្លាប់ប្រកួតលើឆាកមិនមែនម្តង ហើយមិនធ្លាប់ទទួលមកុដនោះ បានដៅចិត្តអោយកញ្ញា ភឹម ស្រីណូ មិនអស់ចិត្តនោះឡើយ ខណៈមិនទាន់បានបំបែកខ្លួនអោយមហាជនបានស្គាល់ និងល្បីល្បាញ។ នាងកំពុងមានការព្យាយាមជាថ្មី មកជាមួយមហិច្ឆិតាថ្មី ទំនុកចិត្តថ្មីទៀតផង។
ស្រីណូ បានធ្វើអោយគេភ្ញាក់ផ្អើល ព្រោះតែនាងបានត្រៀមខ្លួនទាំងកញ្ចប់ មិនថាការហ្វឹកហាត់ ការប្រែប្រួលសម្រស់វិញ គឺថាស្រស់សោភាជាងមុន។ បើនិយាយពីការលេងខ្លួនតុបតែងរាងកាយវិញ ក៏មើលទៅទាក់ទាញភ្នែកមហាជនមិនធម្មតាឡើយ។ នេះជាការវិលមកជាថ្មី លើកម្មវិធីដដែល ដោយយកបានបទពិសោធន៍ថ្មីៗ និងយល់ថា អ្វីក៏ដោយ មុនជោគជ័យត្រូវការឆ្លងកាត់ឧបសគ្គទំរាំរកឃើញពន្លឺជីវិតឃើញ។
គ្រប់បេក្ខនារី គឺមកជាមួយការប្រកួតប្រជែងដ៏ពូកែ ហើយរង់ចាំមើលថា តើស្រីស្អាត ភឹម ស្រីណូ មកជាមួយនឹងខេត្តឬក្រុងមួយណា? និងចង់ឃើញមុខអ្នកគាំទ្រស្រីណូម្នាក់ គឺកញ្ញា ភឹម ស្រីនោ អាយុ២៤ ជាកូនខ្មែរកាត់ថៃ ដែលមានឱពុកជាជនជាតិថៃ និងម្តាយជាជនជាតិខ្មែរ មានទីកន្លែងនៅកំណើតខេត្តកំពង់ចាម ហើយបច្ចុប្បន្នគាត់បានប្តូរមករស់នៅភ្នំពេញវិញហើយ។ អាចនិយាយបានថា ២ភាសានោះ គឺភាសាខ្មែរ និងថៃបានយ៉ាងស្ទាត់ជំនាញហើយឥឡូវកំពុងតែរៀនភាសាអង់គ្លេសបន្ថែមមួយភាសាទៀត សម្រាប់ទុកប្រឡងនៅឆ្នាំនេះ។
ចំពោះបទពិសោធន៍វិញ គាត់ធ្លាប់ចូលប្រកួត Miss Grand Cambodia ក្នុងឆ្នាំ២០១៨ ហើយទទួលបាន Top15 ហើយគាត់បានបន្តចូលប្រឡង Miss Grand Cambodia ម្តងទៀតនៅឆ្នាំ២០២១ ពេលនោះដែរ គាត់ទទួលបាន Top10 ដែលតំណាងខេត្តកោះកុង។ នាងក៏បានដាក់ពាក្យចូលរួមប្រឡង Miss Grand Cambodia ម្តងទៀតនៅឆ្នាំ២០២៣ ដោយនាងនិយាយថា នេះជាឆ្នាំចុងក្រោយ និងយល់ថា អាយុច្រើនហើយ ណាមួយគាត់ចង់ទុកឱកាសអោយប្អូនៗជំនាន់ក្រោយដែលមានចិត្តស្រឡាញ់ និងចង់ប្រឡងបវរកញ្ញាដូចជានាងដែរ។
ចែករំលែកព័តមាននេះ