រាជធានីភ្នំពេញ ៖ ក្នុងរយៈពេល៣ថ្ងៃនៃថ្ងៃបុណ្យចូលឆ្នាំប្រពៃណីជាតិខ្មែរកន្លងមកនេះ ខេត្តកោះកុងបានទទួលភ្ញៀវទេសចរទៅលេងតិចជាងគេក្នុងចំណោមខេត្តទាំងអស់នៅក្នុងប្រទេសកម្ពុជា។ យោងតាមរបាយការណ៍របស់មន្ទីទេសចរណរាជធានី ខេត្តបានឲ្យដឹងថា ក្នុងចំណោមរាជធានីខេត្តទាំង២៥ មានតែខេត្តកោះកុងទទួលបានភ្ញៀវទេសចរតិចជាងគេ មានតែចំនួន១៦.៣០៦នាក់ ក្នុងនោះមានភ្ញៀវទេសចរជាតិចំនួន១៥.៩៨០នាក់…
រាជធានីភ្នំពេញ ៖ ក្នុងរយៈពេល៣ថ្ងៃនៃថ្ងៃបុណ្យចូលឆ្នាំប្រពៃណីជាតិខ្មែរកន្លងមកនេះ ខេត្តកោះកុងបានទទួលភ្ញៀវទេសចរទៅលេងតិចជាងគេក្នុងចំណោមខេត្តទាំងអស់នៅក្នុងប្រទេសកម្ពុជា។
យោងតាមរបាយការណ៍របស់មន្ទីទេសចរណរាជធានី ខេត្តបានឲ្យដឹងថា ក្នុងចំណោមរាជធានីខេត្តទាំង២៥ មានតែខេត្តកោះកុងទទួលបានភ្ញៀវទេសចរតិចជាងគេ មានតែចំនួន១៦.៣០៦នាក់ ក្នុងនោះមានភ្ញៀវទេសចរជាតិចំនួន១៥.៩៨០នាក់ និងភ្ញៀវទេសចរអន្តជាតិ៣២៦នាក់។
ជាមួយគ្នានោះដែរ មន្ទីទេសចរបានលើកឡើងថា រយៈពេល០៣ថ្ងៃ នៃបុណ្យចូលឆ្នាំថ្មីប្រពៃណីជាតិកម្ពុជាទទួលបានទេសចរណ៍សរុបជាង១៣លាននាក់។
តាមរបាយការណ៍ទទួលបានពីមន្ទីរទេសចរណ៍រាជធានីខេត្តបានឲ្យដឹងថា ៖ រយៈពេល៣ថ្ងៃនៃពិធីបុណ្យចូលឆ្នាំថ្មីប្រពៃណីជាតិចាប់ពីថ្ងៃទី១៤-១៦ ខែមេសា ឆ្នាំ២០២៣ នៅទូទាំងប្រទេសកម្ពុជាទទួលបានភ្ញៀវទេសចរសរុប១៣,១៨៧,៧៧១នាក់ ក្នុងនោះ ៖ ភ្ញៀវជាតិ ១៣.១៣២.០៨០ នាក់ ភ្ញៀវអន្តរជាតិ៥៥.៦៩១នាក់។
ប្រភពថា គោលដៅទេសចរណ៍សំខាន់ៗរយៈពេល០៣ថ្ងៃនេះរួមមាន៖ ខេត្តសៀមរាប២.១២០.៣៧៣នាក់ ខេត្តបាត់ដំបង ១.៥០០.១៦៨ នាក់ ខេត្តកំពង់ចាម១.៤០៨.៨១១នាក់ រាជធានីភ្នំពេញ១.០៨០.៥០៩ នាក់ ខេត្តព្រះសីហនុ៨៨៧.៨៩៣នាក់ ខេត្តកំពត៨៧០.៣៩៩នាក់ ខេត្តស្វាយរៀង៧៦០.៣៩៩ នាក់ ខេត្តកំពង់ឆ្នាំង ៧៣៩.១៥៩ នាក់ខេត្តបន្ទាយមានជ័យ ៦៥០.០១៣ នាក់ ខេត្តកំពង់ស្ពឺ ៥១២.៨៩៨ នាក់។
ជាការកត់សម្គាល់ រួមមាន ៖ ចំនួនភ្ញៀវទេសចរ និងបងប្អូនប្រជាពលរដ្ឋប្រមាណជាង១៣លាននាក់ ក្នុងរយៈពេល៣ថ្ងៃនេះ គឺជាចំនួនមួយដ៏ច្រើនលើសលុបលើសពីការរំពឹងទុក និងច្រើនជាងពេលមុនវិបត្តិជំងឺកូវីដ-១៩ទៅទៀត។
ចំនួនភ្ញៀវជាង១៣លាននាក់នេះ គឺរដ្ឋបាលរាជធានី ខេត្ត រាប់បញ្ចូលចំនួនភ្ញៀវទេសចរដែលធ្វើដំណើរកម្សាន្តនៅតាមរមណីយដ្ឋាន និងគោលដៅទេសចរណ៍ទូទាំងប្រទេស ចំនួនបងប្អូនប្រជាជនដែលបានចូលរួមលេងកម្សាន្តនៅតាមទីតាំងដែលមានការរៀបចំកម្មវិធីសង្ក្រាន្ត ព្រមជាមួយបងប្អូនប្រជាពលរដ្ឋដែលលេងកម្សាន្តនៅតាមភូមិស្រុក និងកន្លែងជួបជុំនានា៕
ចែករំលែកព័តមាននេះ