ខេត្តសៀមរាប ៖ ចៅអធិការវត្ត រតនៈមនី រោងគោ ហៅវត្តរតនៈ ត្រូវបានព្រះអនុគណស្រុកក្រឡាញ់ចាប់ផ្សឹកកាលពីវេលាម៉ោងជាង៧យប់ ថ្ងៃទី៨ វិច្ឆិកា ២០១៥ បញ្ជូនទៅអធិការដ្ឋាននគរបាលស្រុកទាំងយប់ដោយចោទប្រកាន់ពីបទរួមភេទតាមរន្ធគូទជាមួយលោកនេនចំនួន១០អង្គ ។
សមត្ថកិច្ចបានឲ្យដឹងថា អតីតចៅអធិការវត្តរតនៈមនី ស្ថិតនៅភូមិរោងគោ ឃុំរោងគោ ស្រុកក្រឡាញ់ ខេត្តសៀម ដែលត្រូវចាប់ខ្លួនឈ្មោះ វង្ស ចែត ភេទប្រុស អាយុ៤៦ឆ្នាំ មានស្រុកកំណតើភូមិគោកត្រុំ ឃុំស្រង៉ាល ស្រុកក្រឡាញ់ ខេត្តសៀម ត្រូវបានចាប់ផ្សឹកដោយយោងតាមពាក្យបណ្ដឹងរបស់ញោមប្រុសញោមស្រីរបស់លោកនេនរងគ្រោះ ចោទប្រកាន់ពីបទរួមភេទជាមួយលោកនេនចំនួន១០អង្គ ដែល៥អង្គមានព្រះជន្មពី១១ ដល់១៤វស្សា និង៥អង្គទៀតមានព្រះជន្មពី១៥ ដល់១៨ព្រះវស្សា ។
ក្រោយពេលចាប់ផ្សឹកបញ្ជូនមកអធិការដ្ឋាននគរបាលស្រុកក្រឡាញ់ សមត្ថកិច្ចក៏បានរៀបចំឯកសារបញ្ជូនបន្តទៅការិយាល័យប្រឆាំងការជួញដូរមនុស្ស និងការពារអនីតិជន នៃស្នងការដ្ឋាននគរបាលខេត្តដើម្បីចាត់ការបន្ត ។
សូមបញ្ជាក់ផងដែរថា អតីតចៅអធិការវត្តរូបនេះធ្លាប់បានបួសចំនួន៤ខេត្ត គឺនៅខេត្តបាត់ដំបង បួសបាន២វស្សា, ខេត្តបន្ទាយមានជ័យ បួសបាន១វស្សា, ខេត្តកំពត បួសបាន២វស្សា និងខេត្តសៀមរាប នៅស្រុកពួក បួសបាន១វស្សា និងនៅស្រុកក្រឡាញ់ បួសបាន២វស្សា ក៏ត្រូវចាប់ផ្សឹកដោយព្រះអនុគណស្រុកដោយចោទប្រកាន់ពីបទរួមភេទតាមរន្ធគូទជាមួយលោកនេនក្នុងវត្តតែម្តង ។
ព័ត៌មានលម្អិតនឹងមានផ្សាយនៅលើទំព័រកាសែតកោះសន្តិភាព
ចែករំលែកព័តមាននេះ