ខេត្តស្ទឹងត្រែង ៖ មន្ទីរសាធារណៈការ និងដឹកជញ្ជូនខេត្តស្ទឹងត្រែង បានស្ថាបនាផ្លូវបេតុងនៅក្នុងក្រុងជំនួសផ្លូវកៅស៊ូចាស់ ដែលមានទំហំតូចចង្អៀត ទៅជាផ្លូវថ្នល់មួយធំទូលាយ ដើម្បីបង្កលក្ខណៈងាយស្រួលដល់ការធ្វើចរាចរណ៍របស់ប្រជាពលរដ្ឋ ព្រមទាំងភ្ញៀវទេសចរជាតិ-អន្តរជាតិទាំងម៉ូតូ និងរថយន្ត ហើយក៏បានហាមមិនឱ្យរថយន្តធុនធំដឹកទំនិញចូលក្នុងក្រុងផងដែរ ។
ការចុះពិនិត្យសកម្មភាពស្ថាបនាផ្លូវបេតុងនៅក្នុងក្រុងស្ទឹងត្រែង លោក ស គឹមណាត ប្រធានមន្ទីរសាធារណៈការ និងដឹកជញ្ជូនខេត្តបានប្រាប់អ្នកយកព័ត៌មានថា នេះជាគម្រោងអភិវឌ្ឍន៍របស់ខេត្ត ដើម្បីធ្វើឱ្យទីក្រុងស្ទឹងត្រែង ប្រែក្លាយជាទីក្រុងស្អាត។
លោកប្រធានមន្ទីរបញ្ជាក់ថា គម្រោងស្ថាបនាផ្លួវបេតុងនេះ ក្រុមការងារបានប្រឹងប្រែងយ៉ាងសកម្មក្នុងការស្ថាបនា និងគ្រោងឲ្យការសាងសង់នេះនឹងត្រូវបញ្ចប់នៅមុនចូលឆ្នាំប្រពៃណីជាតិខ្មែរ ដើម្បីបង្កលក្ខណៈងាយស្រួលក្នុងការធ្វើចរាចរណ៍ ព្រមទាំងបង្ហាញឲ្យពលរដ្ឋចូលរួមអនុវត្តទីក្រុងស្អាតមានបរិស្ថានរស់នៅល្អ ។
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ