ខេត្តប៉ៃលិន ៖ លោកសូ កង នាយកប្រតិបត្តិសាខាកាកបាទក្រហមកម្ពុជាខេត្ត , លោកជំទាវបាន ស្រីមុំ ប្រធានគណៈកម្មាធិការសាខាកាកបាទក្រហមកម្ពុជាខេត្តប៉ៃលិន រួមនិងសប្បុរសជនមួយចំនួនទៀត បាននាំយកអំណោយជាសម្ភារ និងថវិកាមួយចំនួនទៅជូនដល់ស្ត្រីម៉េម៉ាយទុរគតម្នាក់ ដែលសម្រាលកូនដោយខ្លួនឯងជាមួយជីដូនចាស់ជរាម្នាក់ កាលពីវេលាព្រឹកថ្ងៃទី២៩ តុលា ២០១៤ ស្ថិតនៅចំណុចភូមិភូមិសួនអំពៅកើត សង្កាត់ប៉ៃលិន ក្រុងប៉ៃលិន ។
អំណោយដែលត្រូវយកទៅចែកជូនមានអង្ករ៥០គីឡូក្រាម ,មុង២, សារុង,២ ក្រមា២, ភួយ២, តង់កៅស៊ូធំ១, ទឹកត្រី ទឹកស៊ីអ៊ីវ ត្រីខ មី ទឹកសុទ្ធ ទឹកដោះគោ និងថវិកាចំនួន១០ម៉ឺនរៀល ។ ដោយឡែកលោក មាស សាវុធ អាជីវករលក់វ៉ែនតានៅផ្សារសាមគ្គីហៅប៉ាហ៊ី និងសប្បុរសជនមួយចំនួនទៀត បានឧបត្ថម្ភអង្ករ៥០គីឡូក្រាម សម្លៀកបំពាក់មួយចំនួនធំ និងថវិកាចំនួន៥ម៉ឺនរៀល ផងដែរ ។
គួរបញ្ជាក់ថា ស្ត្រីសម្រាលកូនខ្លួនឯងខាងលើឈ្មោះរិន ស្រីលីន អាយុ១៧ឆ្នាំ ចំណែកជីដូនចាស់ឈ្មោះវ៉ិត សុទ្ធ អាយុ៧០ឆ្នាំ ទាំង២នាក់មានទីលំនៅក្នុងភូមិ-ឃុំខាងលើ ។ គាត់បានសម្រាលកូនខ្លួនឯងជាមួយជីដូនចាស់ជរាអាយុ៧០ឆ្នាំម្នាក់ នៅក្នុងកូនខ្ទមតូចគួរឱ្យសង្វេគ កាលពីវេលាម៉ោង៤ទៀបភ្លឺ ដោយកើតបានទារិកាម្នាក់ ។
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ