ខេត្តសៀមរាប ៖ បុរសម្នាក់មានវ័យប្រមាណជាង៣០ឆ្នាំបានចង.ក សម្លាប់ខ្លួននិងអាវក្រឡាការ៉ូដៃវែងពណ៌សលាយខ្មៅ បណ្ដាលឱ្យស្លាប់បាត់បង់ជីវិតភ្លាមៗមិនទាន់ដឹងពីមូលហេតុ ខណៈអ្នកដើរចូលទៅចាក់អង្រ្កងប្រទះឃើញនៅក្នុងដីរបស់ក្រុមហ៊ុនកូរ៉េ ។ ហេតុការណ៍បង្កឱ្យមានការភ្ញាក់ផ្អើលនេះបានកើតឡើង នៅវេលាម៉ោង១៦និង១៥នាទីល្ងាច ថ្ងៃទី១៩ ខែកញ្ញា ឆ្នាំ២០១៤ ស្ថិតនៅចំណុចដីរបស់ក្រុមហ៊ុន កូរ៉េ ឈ្មោះ(CID) ក្នុងភូមិគោកថ្មី ឃុំដូនកែវ ស្រុកពួក ខេត្តសៀមរាប ។
តាមសាក្សីនៅកន្លែងកើតហេតុបានរៀបរាប់ប្រាប់កោះសន្តិភាពថា គាត់បានដើរចូលទៅចាក់អង្ក្រងនៅ ក្នុងដីរបស់ក្រុមហ៊ុនកូរ៉េនេះជាច្រើនដង តែមិនដែលឃើញមានអ្វីកើតឡើងទេ ទើបតែពេលនេះខ្ញុំក៏ដើរចូលទៅចាក់អង្ក្រងដូចសព្វដងក៏ប្រទះឃើញសាកសព ចង.ក ទៅនិងអាវដៃវែងជាប់ដើមស្វាយនៅក្នុងភូមិកើតហេតុខាងលើ រួចរត់ចេញមកវិញទៅប្រាប់សមត្ថកិច្ចឱ្យចុះមកជួយអន្តរាគមន៍ ។
លោកវរៈសេនីយ៍ត្រី ទេព ពុំសែន អធិការស្រុកពួកបានប្រាប់តាមទូរស័ព្ទនៅរសៀល ថ្ងៃទី២០ ខែកញ្ញានេះថា នៅល្ងាចថ្ងៃទី១៩ ខែកញ្ញា ឃើញមានប្រជាពលរដ្ឋដែលរស់នៅក្នុងភូមិគោកថ្មីបានមកប្រាប់ថា មានអ្នកចង.ក សម្លាប់ខ្លួននៅក្នុងដីរបស់ក្រុមហ៊ុនកូរ៉េស្លាប់បាត់ហើយ ទើបលោកបានបញ្ជាឱ្យកម្លាំងចុះទៅពិនិត្យដល់កន្លែងកើតហេតុ ឃើញជនរងគ្រោះពិតជាបានចង.ក សម្លាប់ខ្លួនដែលមានកំពស់១.៧០ម៉ែត្រជាមួយនឹងអាវដៃវែងក្រឡាការ៉ូ ពណ៌សលាយខ្មៅ ជាប់ទៅនឹងដើមស្វាយនៅក្នុងដីរបស់ក្រុមហ៊ុនកូរ៉េ ឈ្មោះ(CID) ចម្ងាយពីសាកសពប្រមាណ១៥០ម៉ែត្រ ក៏ឃើញកង់របស់ជនរងគ្រោះនៅជាប់នឹងរបងក្រុមហ៊ុនកូរ៉េ ទៅវិញ ហើយអ្នកភូមិមិនស្គាល់សាកសពនេះមកពីណាទេ ព្រោះមិនមែនជាអ្នករស់នៅក្នុងភូមិនេះ ។
ព័ត៌មានលម្អិតនឹងមានផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ