រាជធានីភ្នំពេញ៖ តន្ត្រី គឺប្រៀបដូចជាអាហារមួយសម្រាប់អារម្មណ៍។ នៅពេលក្មេងសប្បាយចិត្ត បទចម្រៀងដែលពួកគេចូលចិត្ត អាចនឹងធ្វើឱ្យពួកគេមានអារម្មណ៍ថាចង់ក្រោកឡើងដើម្បីរាំ។ នៅពេលពួកគេក្រៀមក្រំ បទចម្រៀងមនោសញ្ចេតនា នឹងអាចផ្លាស់ប្តូរអារម្មណ៍របស់ពួកគេ ។
ក្នុងរយៈពេលប៉ុន្មានឆ្នាំថ្មីៗនេះ ការស្រាវជ្រាវបានបង្ហាញថា ការព្យាបាលដោយតន្ត្រីអាចគាំទ្រដល់ក្មេងជំទង់ និងមនុស្សធំ ដែលប្រឈមនឹងជំងឺធ្លាក់ទឹកចិត្តរ៉ាំរ៉ៃ ឬជំងឺនៃការប្រើប្រាស់សារធាតុញៀន ។
ហេតុអ្វីបានជាយើងគួរដឹង អំពីអត្ថប្រយោជន៍ នៃការព្យាបាលជំងឺធ្លាក់ទឹកចិត្តដោយតន្ត្រី?
តន្ត្រីជួយក្មេងជំទង់ឱ្យរៀនគ្រប់គ្រងអារម្មណ៍របស់ពួកគេ ប្រកបដោយប្រសិទ្ធភាព ។ តន្ត្រីមានថាមពលក្នុងការបំប្លែងអារម្មណ៍អ្នកស្តាប់។ ជាលទ្ធផល ការប្រើប្រាស់តន្ត្រីជាទម្រង់នៃការព្យាបាល នឹងជួយផ្លាស់ប្តូរស្ថានភាពផ្លូវចិត្តរបស់ក្មេងជំទង់ ជាច្រើន ។
ជួយក្មេងជំទង់ស្វែងយល់ពីអារម្មណ៍
ជាញឹកញាប់ នៅពេលដែលក្មេងជំទង់កំពុងជួបបញ្ហាសុខភាពផ្លូវចិត្ត ពួកគេត្រូវរៀនគ្រប់គ្រងអារម្មណ៍របស់ពួកគេ ។ តន្ត្រីនឹងជួយឱ្យក្មេងជំទង់ស្គាល់ និងយល់ពីអារម្មណ៍របស់ពួកគេ ។
លើកកម្ពស់ការច្នៃប្រឌិត
ពេលហាត់តន្ត្រី យុវវ័យចូលរួមតាមរបៀបជាច្រើន ហើយគ្រប់ពេល ក្មេងជំទង់នឹងបង្ហាញខ្លួនឯងប្រកបដោយភាពច្នៃប្រឌិត ។
បង្កើនអារម្មណ៍វិជ្ជមាន
តន្ត្រីអាចផ្លាស់ប្តូរអារម្មណ៍របស់អ្នកចូលរួម ។ មិនថាក្មេងជំទង់កំពុងបង្កើត ការសម្តែង ឬស្តាប់តន្ត្រីយ៉ាងសកម្ម តន្ត្រីអាចជួយពួកគេផ្តោតលើអារម្មណ៍ល្អ ។
តន្ត្រីអាចនឹងជាថ្នាំបំបាត់ស្ត្រេស
សម្រាប់មនុស្សវ័យជំទង់ជាច្រើន តន្ត្រីមានថាមពលក្នុងការធ្វើឱ្យពួកគេសម្រាកបានច្រើន និងបន្ថយភាពតានតឹង។
រៀនស្តាប់យ៉ាងសកម្ម
ក្មេងជំទង់អាចចូលរួមយ៉ាងសកម្មក្នុងការជជែកគ្នាអំពីអត្ថបទចម្រៀង ដែលនឹងជួយពួកគេ ឱ្យបកស្រាយអត្ថន័យកាន់តែច្រើន ។ ក្នុងជីវិតប្រចាំថ្ងៃ ពួកគេអាចចាប់ផ្តើមអនុវត្តការស្តាប់យ៉ាងសកម្ម ដើម្បីការយល់ដឹងស៊ីជម្រៅ ។
ការបង្កើនឯករាជ្យភាព
ក្មេងជំទង់ទាំងអស់ត្រូវបង្ហាញស្វ័យភាព និងការសម្រេចចិត្តកាន់តែច្រើន ។ ក្មេងជំទង់ប្រើការច្នៃប្រឌិត នៅពេលធ្វើការជាមួយអ្នកដទៃ ឬដោយឯករាជ្យ។ ជាលទ្ធផល ពួកគេគួរពិចារណាពីរបៀបបង្ហាញខ្លួនដោយវិជ្ជមាន ។
បង្កើនការផ្តោតអារម្មណ៍
ការបង្កើនការយកចិត្តទុកដាក់ គឺជាអត្ថប្រយោជន៍មួយផ្សេងទៀត នៃការលេងតន្ត្រី ។
ការដោះស្រាយជម្លោះ
ការធ្វើការជាក្រុម គឺមិនងាយស្រួលនោះទេ។ ក្នុងការលេងតន្ត្រីជាក្រុម ពួកគេត្រូវតែផ្តោតលើការធ្វើការងារឱ្យបានល្អជាមួយអ្នកដទៃ។
ផ្តោតលើភាពជោគជ័យ
ក្មេងជំទង់ត្រូវមានអារម្មណ៍គ្រប់គ្រងលើជីវិតរបស់ពួកគេ ។ ពួកគេក៏ត្រូវមានអារម្មណ៍ជោគជ័យ ទំនុកចិត្ត និងមោទនភាពផងដែរ ។
ធ្វើឱ្យសុខភាពរាងកាយប្រសើរឡើង
សុខភាពប្រសើរឡើង គឺជាអត្ថប្រយោជន៍មួយនៃការព្យាបាលដោយតន្ត្រី ។ អ្នកស្រាវជ្រាវអះអាងថា អ្នកចូលរួមច្រើនតែមានសម្ពាធឈាមទាប ចង្វាក់បេះដូងថយចុះ និងភាពតានតឹងតិច ។ (ប្រភព៖ destinationsforteens.com)
អត្ថបទនេះផលិតឡើងក្រោមកិច្ចសហប្រតិបត្តិការជាមួយសាលារៀនវ៉េស្ទឡាញន៍ និងសាលារៀនណត្សឡាញន៍ ។ សាលារៀននឹងបើកដំណើរការសាខាថ្មី ៣ បន្ថែមទៀតនៅពេលខាងមុខនេះ គឺសាខាក្រុងតាខ្មៅ សាខាទួលពង្រ និងសាខាក្រុងច្បារមន ខេត្តកំពង់ស្ពឺ ។ សាលារៀនផ្តល់ជូនកម្មវិធីមត្តេយ្យភាសាខ្មែរ និងអង់គ្លេស កម្មវិធីភាសាអង់គ្លេសសម្រាប់កុមារ កម្មវិធីភាសាអង់គ្លេសសិស្សធំ កម្មវិធីចំណេះទូទៅខ្មែរ ពីថ្នាក់ទី ១ ដល់ទី ១២ និងកម្មវិធីភាសាចិន ។
លើសពីនេះ សាលារៀនក៏បន្ថែមនូវវេទិកា និងមធ្យោបាយសិក្សាយ៉ាងសម្បូរបែបជាមួយនឹងប្រព័ន្ធគ្រប់គ្រងសាលារៀន ប្រព័ន្ធគ្រប់គ្រង់ការសិក្សា និងអេបសាលារៀនជូនដល់មាតាបិតាសិស្ស និងសិស្សានុសិស្សក្នុងការគ្រប់គ្រងការសិក្សា និងតាមដានព័ត៌មានសិក្សារបស់បុត្រធីតាផងដែរ ។ សម្រាប់ព័ត៌មានបន្ថែម សូមទំនាក់ទំនងទូរស័ព្ទលេខ ៖ ០៩២ ៨៨៨ ៤៩៩ / ០១៥ ៨០៥ ១២៣ ៕ អត្ថបទសហការ
ចែករំលែកព័តមាននេះ