ខេត្តកំពត ៖ ប៉ុន្មានថ្ងៃនេះ គេបានឃើញចំនួនពលរដ្ឋដែលយកអំបុកយកមកលក់តាមផ្សារនានាច្រើនជាងថ្ងៃធម្មតា រហូតដល់អ្នកខ្លះធ្វើជាអ្នកជំនួញយកអំបុកទៅលក់នៅឯខេត្តព្រះសីហនុទៀតផង។ ការដាក់អំបុកលក់តាមផ្សារដែលមានចំនួនអ្នកលក់ច្រើនជាងថ្ងៃធម្មតានេះស្របពេលអាជ្ញាធរខេត្តកំពត និងអាជ្ញាធរខេត្តកែប បានប្រាប់ដល់ពលរដ្ឋទាំងអស់ចូលរួមទទួលទានអំបុកអបអរសាទរថ្ងៃទី9 វិច្ឆិកា ជាថ្ងៃបុណ្យឯករាជ្យជាតិ។…
ខេត្តកំពត ៖ ប៉ុន្មានថ្ងៃនេះ គេបានឃើញចំនួនពលរដ្ឋដែលយកអំបុកយកមកលក់តាមផ្សារនានាច្រើនជាងថ្ងៃធម្មតា រហូតដល់អ្នកខ្លះធ្វើជាអ្នកជំនួញយកអំបុកទៅលក់នៅឯខេត្តព្រះសីហនុទៀតផង។ ការដាក់អំបុកលក់តាមផ្សារដែលមានចំនួនអ្នកលក់ច្រើនជាងថ្ងៃធម្មតានេះស្របពេលអាជ្ញាធរខេត្តកំពត និងអាជ្ញាធរខេត្តកែប បានប្រាប់ដល់ពលរដ្ឋទាំងអស់ចូលរួមទទួលទានអំបុកអបអរសាទរថ្ងៃទី9 វិច្ឆិកា ជាថ្ងៃបុណ្យឯករាជ្យជាតិ។
បើតាមបងស្រី ស្រ៊ាង ចន្ធូ អាយុ48ឆាំ្ន ជាអ្នកលក់អំបុកនៅផ្សារកំពង់ត្រាច បាននិយាយថា គាត់ជាអ្នកលក់អំបុកជារៀងរាល់ឆាំ្ន ប៉ុន្តែឆាំ្ននេះអ្នកលក់អំបុកមានចំនួនច្រើនជាងថ្ងៃធម្មតា។ ទោះបីមានអ្នកលក់អំបុកច្រើនជាងថ្ងៃធម្មតាក៏ដោយ ក៏អំបុកមិនបានឡើងថ្លៃខ្ពស់ដែរ គឺមួយកំប៉ុងថ្លៃតែ2ពាន់រៀលប៉ុណ្ណោះ។
បងស្រីចន្ធូ បាននិយាយបន្តថា គាត់បានដឹងដំណឹងតាមទូរទស្សន៍ថា សម្ដេចតេជោ ហ៊ុន សែន បានប្រសាសន៍ឱ្យពលរដ្ឋចួលរួមទទួលទានអំបុកជាមួយនឹងចេកទុំ ដើម្បីអបអរសាទរថ្ងៃបុណ្យឯករាជជាតិ9វិច្ឆិកា។
បើតាមលោក ជាវ តាយ អភិបាលខេត្តកំពត ធ្លាប់បានប្រកាសជាញឹកញាប់ដល់អាជ្ញាធរខេត្តក្រុង-ស្រុកទាំង8ទូទាំងខេត្ត សុំឱ្យប្រជាពលរដ្ឋទទួលទានអំបុកអបអរសារទរថ្ងៃបុណ្យឯករាជជាតិ9វិច្ឆិកា ។
លោក កែន សត្ថា អភិបាលខេត្តកែបក៏បានប្រកាសកាលពីថា ខេត្តកែបមានរៀបចំក្រុមការងាររួចហើយនៅតាមវត្តអារ៉ាម និងទីប្រជុំជន ដើម្បីធ្វើពិធីអកអំបុក សំពះព្រះខែ និងអបអរថ្ងៃឯករាជ្យជាតិ9វិច្ឆិកានេះផង ។ (កែសម្រួលដោយ ៖ បុប្ផា)
ចែករំលែកព័តមាននេះ