រាជធានីភ្នំពេញ ៖ កន្លងមកកញ្ញា សូ ភេត្រា តែងតែបង្ហាញមុខតាមកញ្ចក់ទូរទស្សន៍ជាបន្តបន្ទាប់ បើទោះជាវត្តមានការសម្តែងរបស់តារាញញឹមស្រស់សម្បុរខ្មៅស្រអែមរូបនេះនៅមិនទាន់មានការគាំទ្រពេញទំហឹងដូចតារាល្បីឈ្មោះដទៃទៀតក្តី ក៏អំឡុងពេលដែលនាងបង្ហាញវត្តមានក្នុងវិថីសិល្បៈទទួលបានការចាប់អារម្មណ៍ជាបន្តបន្ទាប់ពីអ្នកដឹកនាំកម្មវិធីសិល្បៈ និងផលិតកម្មនានា ។ ដោយ
រាជធានីភ្នំពេញ ៖ កន្លងមកកញ្ញា សូ ភេត្រា តែងតែបង្ហាញមុខតាមកញ្ចក់ទូរទស្សន៍ជាបន្តបន្ទាប់ បើទោះជាវត្តមានការសម្តែងរបស់តារាញញឹមស្រស់សម្បុរខ្មៅស្រអែមរូបនេះនៅមិនទាន់មានការគាំទ្រពេញទំហឹងដូចតារាល្បីឈ្មោះដទៃទៀតក្តី ក៏អំឡុងពេលដែលនាងបង្ហាញវត្តមានក្នុងវិថីសិល្បៈទទួលបានការចាប់អារម្មណ៍ជាបន្តបន្ទាប់ពីអ្នកដឹកនាំកម្មវិធីសិល្បៈ និងផលិតកម្មនានា ។ ដោយសារតែទើបចូលប្រឡូកកញ្ញា សូ ភេត្រា បានប្រឹងប្រែងត្រួសត្រាយផ្លូវក្នុងពិភពសិល្បៈ ខណៈការងារនេះកំពុងតែបោះជំហានទៅមុខមិននៅទ្រឹងឬបកក្រោយឡើយ ។
ប្រិយមិត្តដែលនិយមទស្សនាកម្មវិធីកម្សាន្តនានានៅលើកញ្ចក់ទូរទស្សន៍ពិសេសទូរទស្សន៍មា៉យធីវី ក្នុងកម្មវិធីប្រគំតន្ត្រីនាចុងសប្តាហ៍នោះ តែងបានឃើញកញ្ញា សូ ភេត្រា ចេញមុខដើរកាច់រាងបញ្ចេញកាយវិការអេនអននៅលើឆាកជាតារាបង្ហាញម៉ូដដ៏ចំណានមួយរូបជាមួយរូបសម្រស់ខ្មៅស្រអែមផងនោះ កាន់តែធ្វើឱ្យមហាជនចាប់អារម្មណ៍ ។ ព្រោះតែមានទឹកចិត្តស្រឡាញ់សិល្បៈតាំងពីនៅវ័យក្មេង កញ្ញា សូ ភេត្រា តែងតែខិតខំហ្វឹកហាត់ការសម្តែងដោយខ្លួនឯងជាប្រចាំ និងស្តាប់តាមការណែនាំរបស់រៀមច្បងផងនោះ ទើបធ្វើឱ្យសន្ទុះការសម្តែងរបស់នាងកាន់តែហក់ទៅមុខជាលំដាប់ ។ សូ ភេត្រា ក្រៅពីជាប់ភារៈដើរម៉ូដឱ្យកម្មវិធីទូរទស្សន៍មួយចំនួន នាងក៏មានឱកាសចេញទៅបំពេញការងារនៅខាងក្រៅមួយចំនួនដែរ ដូចជាបង្ហាញម៉ូដឱ្យក្រុមហ៊ុនធំៗមួយចំនួន ព្រមទាំងចេញថតរឿងភាគឱ្យស្ថានីយទូរទស្សន៍ផ្សេងៗ ជាពិសេសស្ថានីយទូរទស្សន៍ប៉ុស្តិ៍លេខ៩ ដែលទាំងអស់នេះជាការសាងស្នាដៃទាញពិន្ទុពីមហាជន ទើបសាមីខ្លួនប្រឹងប្រែងបញ្ចេញសមត្ថភាពឱ្យកាន់តែលេចធ្លោក្នុងតួនាទីជាតារាសិល្បៈម្នាក់ដូចរៀមច្បង ។
ក្នុងពេលកំពុងថតខារា៉អូខេឱ្យផលិតកម្មក្រៅប្រទេស កាលពីពេលថ្មីៗនេះ កញ្ញា សូ ភេត្រា ដែលមានរូបសម្រស់ទាក់ទាញទម្រង់មុខជានារីខ្មែរ ជាមួយការតាក់តែងកាយក្នុងឈុតសម្លៀកបំពាក់ប្រពៃណីខ្មែរបានថ្លែងឱ្យដឹងថា នាងប្រឡូកសិល្បៈទើបតែបានចំនួនជិត២ឆ្នាំប៉ុណ្ណោះ តែការងារសិល្បៈមួយនេះបានហុចផលឱ្យនាងមានមុខមាត់ជាបន្តបន្ទាប់ដោយទទួលបានការងារធ្វើពីមួយទៅមួយមិនដេកស្ងៀមនោះឡើយ ទើបនាងចេះតែមានកម្លាំងចិត្តខិតខំតស៊ូលើអាជីពនេះដោយមានជំនឿថា ថ្ងៃណាមួយអាជីពដែលខ្លួនខំបំពេញ នឹងត្រូវមហាជនគ្រប់មជ្ឈដ្ឋានទទួលស្គាល់ដូចរៀមច្បងមិនខាន។
តារាសម្តែង និងបង្ហាញម៉ូដរូបនេះបន្តទៀតថា ទោះជានាងមិនទាន់ល្បីដូចគេមែនតែនាងកត់សម្គាល់ឃើញថា សកម្មភាពសិល្បៈរបស់នាងកាន់តែស្ទុះទៅមុខមានទាំងថតរឿង ការដើរម៉ូដ ហើយថ្មីៗនេះនាងទើបតែបង្ហាញវត្តមានជាមួយផលិតកម្មក្រៅស្រុកបន្តទៀត ស្របពេលដែលនាងធ្លាប់សម្តែងខារា៉អូខេឱ្យផលិតកម្មក្នុងស្រុកល្បីៗជាច្រើនរួចមកហើយនោះ ។ ម្លោ៉ះហើយផលដែលនាងឃើញនេះកើតមកបានអាស្រ័យលើសមត្ថភាពខ្លួនឯង ហើយបើនាងធ្វើទៅមិនកើតមិនល្អទេនោះច្បាស់ជាគេមិនហៅថតហៅសម្តែងនោះទេ ពិតជាដេកនៅផ្ទះមិនខានឡើយ ។ ចូលមកដល់ឆ្នាំថ្មីនេះ នាងទទួលបានការងារថ្មីៗជាបណ្តើរៗដោយនាងមើលក្នុងសៀវភៅកត់ត្រាវេនធ្វើការគឺទទួលបំពេញការងារឱ្យស្ថានីយទូរទស្សន៍ផង ក្រុមហ៊ុនមួយចំនួនផង យា៉ងហោចណាស់១អាទិត្យចេញធ្វើការបីទៅបួនថ្ងៃ ខុសកាលពីដំបូង១អាទិត្យរកថ្ងៃណាមួយធ្វើការមិនបាន ។
យា៉ងណាក៏ដោយទោះជានាងយល់ថា ប្រជាប្រិយភាពរបស់ខ្លួននៅមិនទាន់ខ្លាំងដូចគេ តែនាងនឹងព្យាយាមកែលម្អសមត្ថភាពខ្លួនឯងឱ្យកាន់តែពិសេសទ្វេឡើងថែមទៀត ព្រោះពេលនេះនាងក៏មានក្រេឌីតក្នុងសិល្បៈដែរ ហើយមានគេទាក់ទងឱ្យចេញមុខសម្តែងគ្រប់ច្រកល្ហក ដែលទាំងអស់នេះជាមោទនភាពមួយសម្រាប់នាងជាតារាទើបនឹងរះម្នាក់ ៕
ចែករំលែកព័តមាននេះ