ប្រទេសអុីរ៉ង់ ៖ ប្រធានាធិបតីអុីរ៉ង់លោកហាសាន់រ៉ូហានី កាលពីថ្ងៃទី១០កក្កដាបានព្រមានអង់គ្លេស ពីបណ្ដាផលវិបាកនៃការចាប់នាពេលថ្មីៗនេះ នាវាដឹកប្រេង់អុីរ៉ង់១គ្រឿងក្នុងច្រកសមុទ្រGIBRALTAR។
តាមទូរទស្សន៍PRESS TVថា ក្នុងកិច្ចប្រជុំមួយរបស់គណៈរដ្ឋមន្ត្រី លោកហាសាន់រ៉ូហានីថ្លែងថា ខ្ញុំរំលឹកប្រាប់ដល់អង់គ្លេសថា គឹអ្នកឯងជាអ្នកផ្ដួចផ្ដើមគំនិតបង្កឲ្យមានសភាពការណ៍អសន្តិសុខនោះ ហើយអ្នកយល់ហើយពីបណ្ដាផលវិបាកនាពេលអនាគត។
កាលពីថ្ងៃទី៤កក្កដាកងម៉ារីនអង់គ្លេសបានចាប់ក្នុងច្រកសមុទ្រGIBRALTAR នាវាដឹកប្រេងអុីរ៉ង់១គ្រឿងដែលបើកសំដៅប្រទេសស៊ីរីដោយលើកហេតុផលថា នាវានោះរំលោភបំពានទណ្ឌកម្មរបស់សហភាពអឺរ៉ុប។ ប៉ុន្តែរដ្ឋមន្ត្រីការបរទេសស្ដីទីអេស្ប៉ាញថ្លែងថា ការចាប់នាវាឈ្មោះGRACE1 នោះកើតមានតាមសំណើអាមេរិក។
លោករ៉ូហានីបន្តថា ការចាប់នាវាដឹកប្រេងអុីរ៉ង់នោះជាអំពើរឡិករឡក់ ព្រហើននិងបង្ខិតបង្ខំហើយវានឹងផ្ដល់ផលអាក្រក់ដល់អង់គ្លេស។ ចំណែកឧត្ដមសេនីយម៉ូហាម៉ាដហូសេនបាកឺរី នាយសេនាធិការកងទ័ពអុីរ៉ង់ថ្លែងនាថ្ងៃទី៩កក្កដាថា អុីរ៉ង់នឹងបញ្ចេញប្រតិកម្មក្នុងពេលនិងនៅកន្លែងសមស្របណាមួយ ចំពោះការចាប់នាវាដឹកប្រេងនេះដោយអង់គ្លេស។ លោកអះអាងថាអង់គ្លេសបានចាប់នាវាដឹកប្រេងអុីរ៉ង់ក្នុងដែនទឹកអន្តរជាតិ ក្រោមការប្រឌីតការចោទប្រកាន់។ លោកព្រមានថា វិធានការនោះនឹងមិនមានការនៅស្ងៀមដោយគ្មានការតបតវិញឡើយ។
អ្នកទទួលខុសត្រូវជាន់ខ្ពស់អុីរ៉ង់មួយរូប លោកម៉ូហ៍សេនរីហ្សាអែលថ្លែងថា អុីរ៉ង់អាចចាប់នាវាដឹកប្រេងងង់គ្លេស១គ្រឿង ក្នុងករណីដែលប្រទេសនេះពុំព្រមដោះលែងនាវាដឹកប្រេងអុីរ៉ង់ទេនោះ៕ (កែសម្រួលដោយ ៖ បុប្ផា)
ចែករំលែកព័តមាននេះ