ថៃ ៖ បាត់មុខបាត់មាត់មួយរយៈពីសិល្បៈ Mayura Sawetsila តារាសម្ដែង និងជាពិធីការិនីរៀមច្បង វ័យ៦១ឆ្នាំ បាននិយាយពីជីវិតដែលធ្លាប់ធ្លាក់ចុះការងារក៏បាត់បង់ តែបើវិលត្រឡប់ទៅសម័យមុនគឺជាពេលដែលរុងរឿងបំផុតសម្រាប់ខ្លួនឯង ។ តារារូបនេះបន្ថែមថា ជីវិតនៅក្នុងវិស័យសិល្បៈតែងជួបរឿងល្អផងអាក្រក់ផង សូម្បីអ្នកធ្វើការជាមួយក៏នាំគ្នានិយាយថា ពិបាកធ្វើការជាមួយដែរ ។
Mayura Sawetsila បញ្ជាក់ហេតុផលថា ៖ «ព្រោះថា ការគោរពពេលវេលាដែលយើងឱ្យតម្លៃខ្លាំង ណាត់ម៉ោងណា ត្រូវតែម៉ោងហ្នឹង មិនចូលចិត្តទៅអង្គុយចាំយូរ script ត្រូវមានជាក្រដាស ព្រោះខ្លួនចូលចិត្តកត់ចំណាំ» ។
Mayura Sawetsila ក៏បានបន្ថែមថា៖ «ភាពត្រឹមត្រូវពេកដែលធ្វើឱ្យមិត្តភក្តិ មិនស្រួលចិត្តជាមួយ ហើយមិនមានមិត្តរាប់អាន ក៏ជាមនុស្សដែលចូលចិត្តភាពស្ងប់ស្ងាត់ មិនចូលចិត្តសង្គម មិត្តភក្តិណាត់គ្នាទៅញ៉ាំបាយ១០ដង តែទៅ១ដងគត់ ដោយបញ្ជាក់ថា យើងមិនចូលចិត្តការអង្គុយជជែកគ្នា បើទៅញ៉ាំបាយ គឺទៅញ៉ាំតែញ៉ាំបាយប៉ុណ្ណោះ» ។
ងាកមករឿងថែទាំខ្លួនវិញតារាសម្តែង និងពិធីការិនីខាងលើប្រាប់ឱ្យដឹងថា៖ «រឿងដែលមិនចាញ់ការធ្វើការនោះ គឺរឿងគ្រប់គ្រងទម្ងន់ យើងប្រាកដប្រជាខ្លាំងនឹងរឿងទម្ងន់ខ្លួនឯង តាំងពីថ្ងៃរៀបការមក ទម្ងន់នៅថេររហូតគឺ៤៦គីឡូក្រាម ។ ពេលឃើញកូនស្រីធាត់ ក៏មានអារម្មណ៍មិនល្អ មិនព្រមនិយាយជាមួយ សូម្បីតែសុនខ(ឆ្កែ)ដែលចិញ្ចឹមនោះ ក៏ចាប់ឱ្យសម្រកគីឡូដែរ គ្រប់គ្រងអាហារ រហូតដល់ទម្ងន់នោះស្ថិតក្នុងកម្រិតធម្មតា» ៕
ប្រភព ៖ khaosod , កែសម្រួលដោយ ៖ សំណាង
ចែករំលែកព័តមាននេះ