រាជធានីភ្នំពេញ ៖ តាមសេចក្តីរាយការណ៍បឋមបានឲ្យដឹងថា នៅវេលាព្រឹកថ្ងៃទី១២ ខែមេសា នេះ លោកអភិបាលរាជធានីភ្នំពេញ គឺលោកឃួង ស្រេង បានចុះពិនិត្យរថយន្តមុនចេញដំណើរជូនបងប្អូន…
រាជធានីភ្នំពេញ ៖ តាមសេចក្តីរាយការណ៍បឋមបានឲ្យដឹងថា នៅវេលាព្រឹកថ្ងៃទី១២ ខែមេសា នេះ លោកអភិបាលរាជធានីភ្នំពេញ គឺលោកឃួង ស្រេង បានចុះពិនិត្យរថយន្តមុនចេញដំណើរជូនបងប្អូន ពលរដ្ឋទៅស្រុកកំណើតវិញ ដែលនៅទីតាំងចំណតសួនច្បារឬស្សីកែវ ឃ្លាំងសាំងឬស្សីកែវ ដើម្បីពិនិត្យឲ្យបាន ល្អមុនចេញដំណើរទៅតាមបណ្តាខេត្តនានា ។
សេចក្តីរាយការណ៍បានបន្តថា លោកឃួង ស្រេង បានមានប្រសាសន៍ថា រថយន្តទាំងអស់១២០គ្រឿង ថ្ងៃនេះមានបងប្អូនពលរដ្ឋចេញច្រើនកុះករតែម្តង ហើយរថយន្តក្រុងក៏បានចេញទាំង១២០គ្រឿងដែរព្រឹកនេះ គ្រប់គោលដៅទាំងទៅទាំងមកដោយមិនយកថវិកា ។
រាជរដ្ឋាភិបាលបានមានប្រសាសន៍ថា ការដឹកអ្នកដំណើរនេះ គឺមានគោលបំណងកុំឲ្យរថយន្តក្រុង ឬរថយន្តតាក់ស៊ីឡើងថ្លៃឈ្នួលអីផ្សេងៗ តែឆ្នាំនេះមានប្រជាពលរដ្ឋច្រើន មានការយល់ដឹងបានជិះរថយន្តក្រុងដោយមិនយកលុយ មានការកើនខ្លាំង ។
លោកក៏បានឲ្យប្រជាពលរដ្ឋមុននឹងចេញពីកន្លែងស្នាក់នៅត្រូវពន្លត់ភ្លើង ឬក៏បិតកុងទ័រភ្លើង ឲ្យបានត្រឹមត្រូវផងជៀសវាងមានករណីអ្វីមួយកើតឡើង ៕
ចែករំលែកព័តមាននេះ