ខេត្តស្ទឹងត្រែង ៖ បុរសជនជាតិឥណ្ឌូណេស៊ីម្នាក់ត្រូវឃាត់ខ្លួននៅច្រកទ្វារអន្តរជាតិត្រពាំងក្រៀល បន្ទាប់ពីនគរបាលអន្តោប្រវេសន៍នៃអគ្គនាយកដ្ឋានអន្តោប្រវេសន៍ប្រចាំច្រកទ្វារអន្តរជាតិត្រពាំងក្រៀល ត្រួតពិនិត្យចក្រទ្វារអន្តរជាតិត្រពាំងក្រៀល ស្រាប់តែប្រទះឃើញគ្រឿងញៀនមួយចំនួនធំនៅក្នុងវ៉ាលីខ្មៅ ខណៈឆ្លងដែនពីប្រទេសឡាវចូលកម្ពុជា កាលពីម៉ោង១២និង៣០នាទី ថ្ងៃទី៣១ ខែមីនា…
ខេត្តស្ទឹងត្រែង ៖ បុរសជនជាតិឥណ្ឌូណេស៊ីម្នាក់ត្រូវឃាត់ខ្លួននៅច្រកទ្វារអន្តរជាតិត្រពាំងក្រៀល បន្ទាប់ពីនគរបាលអន្តោប្រវេសន៍នៃអគ្គនាយកដ្ឋានអន្តោប្រវេសន៍ប្រចាំច្រកទ្វារអន្តរជាតិត្រពាំងក្រៀល ត្រួតពិនិត្យចក្រទ្វារអន្តរជាតិត្រពាំងក្រៀល ស្រាប់តែប្រទះឃើញគ្រឿងញៀនមួយចំនួនធំនៅក្នុងវ៉ាលីខ្មៅ ខណៈឆ្លងដែនពីប្រទេសឡាវចូលកម្ពុជា កាលពីម៉ោង១២និង៣០នាទី ថ្ងៃទី៣១ ខែមីនា ឆ្នាំ២០១៩ ស្ថិតនៅច្រកទ្វារអន្តរជាតិត្រពាំងក្រៀល ខេត្តស្ទឹងត្រែង។
ប្រភពពីសមត្ថកិច្ចសុំមិនបញ្ចេញឈ្មោះឲ្យដឹងថា ជនសង្ស័យជាជនជាតិឥណ្ឌូនេស៊ីខាងលើ ឈ្មោះ NURUL FADLI EKO PUTRO អាយុ៤៣ឆ្នាំ បាននាំគ្រឿងញៀនចេញពីប្រទេសឡាវចូលមកកម្ពុជាក្នុងគោលបំណងយកគ្រឿងញៀនទៅប្រគល់ឱ្យបក្សពួករបស់ខ្លួនរង់ចាំទទួលនៅក្បែរព្រលានយន្តហោះខេត្តសៀមរាប ហើយបន្តទៅប្រទេស៣ គឺប្រទេសហ្វីលីពីន។
ប្រភពដដែលបន្តថា ខណៈជនសង្ស័យឆ្លងដែនមកដល់ច្រកទ្វារអន្តរជាតិត្រពាំងក្រៀល កម្លាំងនគរបាលអន្តោប្រវេសន៍នៃអគ្គនាយកដ្ឋានអន្តោប្រវេសន៍ក្រសួងមហាផ្ទៃ បានត្រួតពិនិត្យ និងមានការសង្ស័យ ដោយសារនៅក្នុងវាលីនោះបង្កប់ទៅដោយកញ្ចប់នំ កាហ្វេ ព្រមទាំងប្រដាប់ប្រដាក្មេងលេងជាច្រើនមុខទៀត ដែលសរុបរួមមាន៦ទៅ៧ប្រភេទ ទើបសហការជាមួយកម្លាំងនគរបាល BLO ប្រចាំច្រកទ្វារត្រួតពិនិត្យបន្ថែម ទើបប្រទះឃើញគ្រឿងញៀនយ៉ាងសម្បើមបង្កប់នៅក្នុងកញ្ចប់នំ និងរបស់របរទាំងនោះ។
ទាក់ទិនករណីខាងលើនេះដែរ គ្រាកើតហេតុ នគរបាលជំនាញ និងកម្លាំងសហការមិនអាចបញ្ចេញព័ត៌មានឱ្យអ្នកសារព័ត៌មានធ្វើការផ្សព្វផ្សាយឡើយ ដោយរង់ចាំបន្តនីតិវិធី និងឈានទៅវែកមុខក្រុមបក្សពួករបស់ជន សង្ស័យបន្ថែមទៀត។
ប្រភពព័ត៌មានមួយទៀតឲ្យដឹងថា ការប្រទះឃើញគ្រឿងញៀនយ៉ាងសន្ធឹកសន្ធាប់ ដោយសារតែនគរបាលអន្តោប្រវេសន៍ប្រចាំច្រកទ្វារអន្តរជាតិត្រពាំងកៀលនោះ បន្ទាប់ឃើញកញ្ចប់នំជាច្រើននៅក្នុងបាលីខ្មៅលក់បានសុំនំរបស់ជនជាតិឥណ្ឌូណេស៊ីនោះញ៉ាំ ទើបបង្កការភ្ញាក់ផ្អើលមិនមែនជានំ បែរជាគ្រឿងញៀនទៅវិញ។
ជាក់ស្ដែងក្រោយការត្រួតពិនិត្យថ្នាំញៀនដែលរកឃើញនោះ មានចំនួន៤៤កញ្ចប់តូចធំស្មើនឹងទម្ងន់ប្រមាណជា២២គីឡូក្រាមជាប្រភេទម្សៅក្រាមពណ៌សថ្លា។ ក្រោយការឃាត់ខ្លួនជនសង្ស័យ មានការសាកសួរពីសំណាក់នគរបាលជំនាញ និងកម្លាំងសហការនាល្ងាចថ្ងៃដដែល បានបញ្ជូនមកដល់ស្នងការដ្ឋាននគរបាលខេត្តស្ទឹងត្រែងនិងបន្តបញ្ជូនទៅកាន់រាជធានីភ្នំពេញ ដើម្បីដំណើរការនីតិវិធីបន្ត៕
ចែករំលែកព័តមាននេះ