រាជធានីភ្នំពេញ ៖ មន្ទីរសម្រាកព្យាបាលចំនួនពីរគឺ មន្ទីរសម្រាកព្យាបាលយីគក់មកពីបាត់ដំបង និងមន្ទីរសម្រាកព្យាបាល សេតេមកពីខេត្តព្រះសីហនុ បានប្តេជ្ញាចូលរួមលើកកម្ពស់វិស័យសុខាភិបាលជាមួយរាជរដ្ឋាភិបាលឲ្យបានកាន់តែប្រសើរតាមគោលនយោបាយជាតិ និងដើម្បីលើកកម្ពស់ដល់សុខុមាលភាពរបស់ប្រជាពលដ្ឋកម្ពុជា ។
ថ្លែងក្នុងសន្និសីទសារព័ត៌មានស្ដីពីការបើកដាក់ឱ្យដំណើរការមន្ទីរសម្រាកព្យាបាល អុិនដ្រា នាព្រឹកថ្ងៃទី១៥ខែមីនា ឆ្នាំ២០១៩លោកវេជ្ជបណ្ឌិត យី គក់ ប្រធានគ្លីនិក យីគក់ បានលើកឡើងថាការសហការគ្នារវាង គ្លីនិក យីគក់ មកពីខេត្ដបាត់ដំបង និងគ្លីនិក សេតេ មកពីខេត្ដ ព្រះសីហនុ និងលោកវេជ្ជបណ្ឌិតឯកទេស ចាន់ ប៊ុនថា ក្នុងគោលបំណងបើកមន្ទីរសម្រាកព្យាបាល អុិនដ្រា នេះដោយមើលឃើញពីកត្ដាធ នធានមនុស្សដែលមានស្រាប់រវាងគ្លីនិកទាំងពីរ និងមានឧបករណ៍បរិក្ខារពេទ្យទំនើបៗស្រាប់ រួមជាមួយវេជ្ជបណ្ឌិតជំនាញៗ ដែលឆ្លើយតបទៅនឹងការវិវត្ដន៍រីកចម្រើនផ្នែកបច្ចេកវិទ្យានាពេលបច្ចុប្បន្ននេះ ទើបបង្កើតឱ្យមានគ្លីនិក អ៊ិនដ្រា នេះឡើង ។
លោកបន្តថា ទាំងនេះគឺជាការរួមចំណែកជាមួយរាជរដ្ឋាភិបាល ក្រោមការដឹកនាំដ៏ឈ្លាសវៃរបស់សម្ដេចតេជោហ៊ុន សែន នាយករដ្ឋមន្ដ្រី នៃព្រះរាជាណាចក្រកម្ពុជាដែលបាននាំមកនូវកត្ដាសុខសន្ដិភាព និងស្ថិរភាពដែល ជាគុណប្រយោជន៍មិនអាចកាត់ថ្លៃបានសម្រាប់ប្រជាជនកម្ពុជា ។
លោកបន្ថែមថាការបើកមន្ទីពេទ្យសម្រាកព្យាបាលនេះ ក្រុមគ្រូពេទ្យនឹងខិតខំពង្រឹងគុណភាព ការផ្ដល់នូវសេវាកម្ម ក៏ដូចជាជំនាញផ្នែកវេជ្ជសាស្ដ្រនេះឱ្យកាន់តែរឹងមាំបន្ថែមទៀត ក្នុងការផ្ដល់នូវទំនុកចិត្តជូនប្រជាពលរដ្ឋ ព្រមទាំងជួយកាត់បន្ថយការចំណាយ និងសន្សំពេលវេលាដោយមិនបាច់ទៅព្យាបាលនៅក្រៅប្រទេស។
លោកវេជ្ជបណ្ឌិត លិ គឹមហ៊ួរ ប្រធានគ្លីនិក សេតេ បានអោយដឹងផងដែរថា ដោយមើលឃើញពីសក្តានុ ពលសេដ្ឋកិច្ចនាពេលបច្ចុប្បន្ន និងមើលឃើញពីភាពរីកចម្រើននៃវិស័យសុខាភិបាល ទើបខាងលោកដែលជាវេជ្ជបណ្ឌិតមួយផងដែរនោះ មានទស្សនះចង់ចូលរួមពង្រឹង និងពង្រីកវិស័យមួយនេះឲ្យកាន់តែទូលំទូលាយ និងជឿនលឿនដូចប្រទេសជិតខាង ។ ណាមួយដោយចង់ជួយសំរួលដល់បងប្អូនដែលមានតម្រូវការខាងសេវាមួយនេះអោយកាន់តែមានភាពងាយស្រួល និងទំនុកចិត្ត ។
លោកបន្តថាក្រោមការសហការគ្នារវាងមន្ទីរពេទ្យ យីគក់ នៅខេត្តបាត់ដំបង និងមន្ទីរពេទ្យ សេតេ នៅខេត្តព្រះសីហនុ រួមជាមួយលោកវេជ្ជបណ្ឌិតឯកទេ ចាន់ ប៊ុនថា បានបង្កើតមន្ទីរព្យាបាល អុិនដ្រា នេះឡើងដើម្បីឆ្លើយតបទៅនឹងតម្រូវការ របស់បង ប្អូនប្រជាពលរដ្ឋកម្ពុជា ក្នុងការទទួលបាននៅសេវាកម្មពិនិត្យ និងព្យាបាលសុខភាពនៅក្នុងប្រទេសប្រកបដោយភាពជឿជាក់ ។
លោកបន្ថែមថា កត្ដាសុខសន្ដិភាព និងស្ថិរភាពនេះហើយ ដែលធ្វើឱ្យប្រទេសកម្ពុជា ទទួលបាននូវកំណើន សេដ្ឋកិច្ចខ្ពស់ ដោយមានការកើនឡើងជារៀងររាល់ឆ្នាំក្នុងអត្រារង្វង់៧,៥ភាគរយ ក្នុងនោះជីវភាពរស់របស់ប្រជាជនកាន់តែធូរធារ និងមានកម្រិតរស់នៅក៏កាន់តែខ្ពស់ផងដែរនោះ បានធ្វើឱ្យតម្រូវការផ្នែកវិស័យសុខាភិបាលសាធារណៈ ក៏កាន់តែមានការកើនឡើងខ្ពស់ ដូច្នេះកិច្ចសហការនេះគឺជាឱកាសមួយក្នុងការចូលរួមលើកកម្ពស់សុខុមាលភាពជូនប្រជាពលរដ្ឋ ។
លោកបញ្ជាក់ ត្រង់ចំណុចនេះយើងចង់បញ្ជាក់ថា ការចូលរួមវិនិយោគរបស់វិស័យឯកជន កំពុងតែមានការកើនឡើង ក្នុងការរួមចំណែកជាមួយ រាជរដ្ឋាភិបាល ជាពិសេសវិស័យសុខាភិបាលបានដើរតួនាទីយ៉ាងសំខាន់ក្នុងការផ្ដល់សេវាកម្មជូនប្រជាពលរដ្ឋ និងធ្វើការប្រកួតប្រជែង ដើម្បីឱ្យមានភាពស្មើមុខ ស្មើមាត់ជាមួយបណ្ដាប្រទេសក្នុងតំបន់ ៕
ចែករំលែកព័តមាននេះ