បើតាមហោរាចារ្យបញ្ជាក់ថា កាលបើលោកអ្នកយល់សប្តិឃើញដូចប៉ុន្មានចំណុចខាងក្រោមនេះ នឹងមានសញ្ញាល្អដែលនឹងនាំមកនូវគូស្វាមីភរិយាចូលមកក្នុងពេលដ៏ឆាប់ៗនេះ និងនាំជោគលាភមកជាមួយ ។ បណ្តាសញ្ញាសុបិនទាំងនោះគឺៈ ១-យល់សប្តិឃើញនៅចំកណ្ដាលដីត្រង់ចំណុចណាមួយ នឹងបានភរិយា ឬស្វាមីល្អចូលមកគ្រប់គ្រងជីវិត ។…
បើតាមហោរាចារ្យបញ្ជាក់ថា កាលបើលោកអ្នកយល់សប្តិឃើញដូចប៉ុន្មានចំណុចខាងក្រោមនេះ នឹងមានសញ្ញាល្អដែលនឹងនាំមកនូវគូស្វាមីភរិយាចូលមកក្នុងពេលដ៏ឆាប់ៗនេះ និងនាំជោគលាភមកជាមួយ ។
បណ្តាសញ្ញាសុបិនទាំងនោះគឺៈ
១-យល់សប្តិឃើញនៅចំកណ្ដាលដីត្រង់ចំណុចណាមួយ នឹងបានភរិយា ឬស្វាមីល្អចូលមកគ្រប់គ្រងជីវិត ។
២-បើសុបិនឃើញថាបានលើកព្រះពុទ្ធរូប ឬនិមន្តព្រះសង្ឃទៅកាន់វត្ត ឬទៅកាន់ទីណាមួយនឹងបានភរិយា ឬស្វាមី ឬក៏បានអ្នកបម្រើជាទីគាប់ចិត្ត ។
៣-សុបិនឃើញឈ្លើងទាម ពស់ចឹកឬរុំជើងនឹងដល់ពេល ដល់វេលា គូគ្រងមកដល់ហើយ ។
៤-យល់សប្តិឃើញគេចងភ្ជាប់ខ្លួននឹងអ្នកដទៃ នឹងបានភរិយា ឬស្វាមីប្រកបដោយយសស័ក្ដិខ្ពង់ខ្ពស់ ។
៥-ឃើញចុះងូតទឹកហើយបានបេះផ្កាឈូកឬផ្ការុក្ខជាតិផ្សេងៗនឹងបាននៅសុខស្រួល បើមាន រោគាព្យាធិនឹងជាសះស្បើយ ឬក៏បានគូស្រករដែលមានចិត្តមេត្តា ។
៦-យល់សប្តិឃើញបានសៀតផ្កានឹងបានជាទីស្រឡាញ់នៃជនទាំងពួង ឬក៏នឹងបានគូស្រករល្អចូលមកគ្រប់គ្រងជីវិត ។
នេះបើយោងតាមតម្រាសាស្ត្របុរាណដែលមានបរិយាយពីជោគជតារាសីទាក់ទងនឹងការសុបិនឆុតមួយរយភាគរយ ។
ចែករំលែកព័តមាននេះ