មន្ត្រី​នគរបាល​ម្នាក់​និង​ស្ត្រី​ម្នាក់​ទៀត ម៉េច​ចឹ​ង​ទៅ​វិញ​នោះ


រាជធានី​ភ្នំពេញ ៖ រថយន្ត​ហា​យ​ឡេ​ន​ឌ័​រពាក់​ស្លាក​លេខ​នគរបាល មួយ​គ្រឿង​បើកបរ​ដោយ​បុរស​ម្នាក់​រួម​ដំណើរ​ជាមួយនឹង​ស្ត្រី​ម្នាក់​ទៀត ធ្វើ​ដំណើរ​តាម​បណ្ដោយ​មហាវិថី​ព្រះ​សីហ​នុ បោះពួយ​យ៉ាង​លឿន​ដល់​ចំណុច​ផ្លូវ​កោង​ក៏​ជ្រុល​ចង្កូត​ទៅ​បុក​នឹង​បង្គោល​ភ្លើងស្តុប​វត្ត​លង្កា​ពេញទំហឹង បណ្តាល​អោយ​រថយន្ត​ខូចខាត​មួយ​កំណាត់​មុខ និង​បង្ក​អោយ​អ្នកបើកបរ​បោក​ផ្ទប់​នឹង​កញ្ចក់​រថយន្ត​រង​របួសស្រាល ។

ហេតុការណ៍​នេះ​បាន​កើតឡើង កាលពី​វេលា​ម៉ោង​១២​និង​៣០​នាទី​យប់​រំលង​អធ្រាត្រ​ឈាន​ចូល​ថ្ងៃ​ទី​២៧ ខែវិច្ឆិកា​នេះ នៅ​ចំណុច​បង្គោល​ភ្លើងស្តុប​វត្ត​លង្កា មហាវិថី​ព្រះ​សីហ​នុ​កែង​នឹង​ផ្លូវ​៥១ សង្កាត់​ចតុមុខ ខណ្ឌដូនពេញ ។ រថយន្ត​បង្ក​ម៉ាក​ហា​យ​ឡេ​ន​ឌ័​រ ពណ៌​ស ពាក់​ស្លាក​លេខ​នគរបាល 2-1905 បើកបរ​ដោយ​មន្ត្រី​នគរបាល​ម្នាក់​រួម​ដំណើរ​ជាមួយនឹង​ស្ត្រី​ម្នាក់​ទៀត​រង​របួសស្រាល ។

ប្រភព​ព័ត៌មាន​ពី​អ្នក​បានឃើញ​ហេតុការណ៍​បាន​ប្រាប់​អោយ​ដឹង​ថា មុន​កើតហេតុ គឺ​គេ​ឃើញ​រថយន្ត​បង្ក​ខាងលើ​ធ្វើ​ដំណើរ​តាម​បណ្ដោយ​មហាវិថី​ព្រះ​សីហ​នុ ទិស​ដៅ​ពី​កើត​ទៅ​លិច​ក្នុង​ល្បឿន​លឿន​មក​ដល់​កន្លែង​កើតហេតុ​ជា​ចំណុច​ផ្លូវ​កោង​ក៏​ជ្រុល​ចង្កូតរថយន្ត​ទៅ​បុក​បង្គោល​ស្តុ​ប​ពេញទំហឹង បណ្តាល​អោយ​រថយន្ត​ខ្ទេច​មួយ​កំណាត់​មុខ ហើយ​អ្នកបើកបរ​ក្នុង​រថយន្ត​ទាំង​២​នាក់​នោះ​រង​របួសស្រាល ចំណែក​បង្គោល​ភ្លើង​ខូចខាត​តិចតួច ។

បន្ទាប់​ពី​កើតហេតុ​ក៏​មាន​ប្រជាពលរដ្ឋ​ដែល​នៅ​កន្លែង​កើតហេតុ​នោះ​បាន​មក​ជួយ​នឹង​ចោមរោម​មើល​ជន​រង​គ្រោះ​ច្រើន​កុះករ ហើយ​ក៏​សួរនាំ​ពី​ហេតុការណ៍ ត្រូវ​បាន​ម្ចាស់​រថយន្ត​ប្រាប់​ថា ពួក​គាត់​ទើប​ចេញពី​ញាំ​អី​តិចតួច ហើយ​នាំ​គ្នា​ទៅ​ញាំ​បបរស​បន្ត ដោយ​ធ្វើ​ដំណើរ​តាម​ផ្លូវ​នឹង​(​មហាវិថី​ព្រះ​សីហ​នុ​) ដោយ​គាត់​នៅ​តាម​ខេត្ត​មិនសូវ​ជា​ស្គាល់​ច្បាស់​ថា កន្លែង​នោះ​ជា​ចំណុច​ផ្លូវ​កោង ទើប​ជ្រុល​មក​បុក​បង្គោល​ភ្លើង​នោះ​តែ​ម្តង តែ​មិន​បាន​បង្ក​អោយ​នរណា​ម្នាក់​ធ្វើ​ដំណើរ​តាម​ផ្លូវ​នោះ​រង​គ្រោះ​ទេ គឺ​ខូចខាត​តែ​រថយន្ត​គាត់​តែ​ប៉ុណ្ណោះ ។

ក្រោយ​កើតហេតុ អ្នកបើកបរ​រថយន្ត​ទាំង​២​បាន​ប្រមូល​យក​របស់របរ​ក្នុង​រថយន្ត ហើយ​គេចខ្លួន​ចេញ​ទៅ​បាត់​ទៅ បន្សល់​ទុក​តែ​រថយន្ត​នៅ​កន្លែង​កើតហេតុ​ទុក​សមត្ថកិច្ច​ជំនាញ​ចរាចរណ៍​ផ្លូវគោក​ធ្វើការ​វាស់វែង​នឹង​ស្ទូច​យក​ទៅ​រក្សា​ទុក​នៅ​ការិយាល័យ​នគរបាល​ចរាចរណ៍​ផ្លូវគោក​នៃ​ស្នងការដ្ឋាន​រាជធានី​ភ្នំពេញ ដើម្បី​ដោះស្រាយ​គ្នា​នៅ​ពេល​ក្រោយ​តាម​ផ្លូវច្បាប់ ៕

ចរាចរណ៍

អត្រាប្តូរប្រាក់

អត្រាប្តូរប្រាក់ផ្សេងទៀត

Sponsored News

០២:១៨ | ក្នុងស្រុក

ធនាគារ អេ​ស៊ី​លី​ដា បរិច្ចាគ​ថវិកា ៣០០០ លាន​រៀល ដើម្បី​រួមចំណែក​ជាមួយ​រាជរដ្ឋាភិបាល​កម្ពុជា ក្នុង​សកម្ម​ភាព​មនុស្សធម៌ និង​ការ​ទប់ស្កាត់​ការ​រីក​រាល​ដាល​ជំងឺ​កូ​វី​ដ​១៩

០២:០២ | ក្នុងស្រុក

JICA ចុះ​កិច្ចព្រមព្រៀង​លើ​ប្រាក់​កម្ចី ៥០​លាន​ដុល្លារ​អា​មេ​រិ​ក​ជាមួយ​ហត្ថា​កសិករ លីមីត​ធី​ត ដើម្បី​គាំទ្រ​សហ​គ្រាស​​​ខ្នាត​តូច​បំផុត ខ្នាត​តូច និង​មធ្យម​​​នៅ​កម្ពុជា

០៩:៤៥ | ក្នុងស្រុក

Metfone គាំទ្រ​ការ​សិក្សា​តាម​បណ្តាញ​​អន​ឡាញ​ដោយ​ផ្តល់​សេវា​អ៊ី​ន​ធើ​រ​​ណេ​ត​ដោយ​ឥត​គិតថ្លៃ និង​ការ​សិក្សា​​តាម​អ៊ី​ន​ធើ​រ​ណេ​ត​ផត​ថ​ល​ក្នុង​កំឡុង​​វីរុស Covid-19 កំពុង​រាតត្បាត​ខ្លាំង

ការស្ទង់មតិគេហទំព័រថ្មី




សូម​អរគុណ