ទាល់តែ​ជះក្លិន​ស្អុយ​មក​ខាងក្រៅ ទើប​បង្ក​ការ​ភ្ញាក់ផ្អើល​នៅ​ផ្សារ​កណ្តាល


រាជធានី​ភ្នំពេញ ៖ បុរស​ជា​ជនបរទេស​ម្នាក់​ទំនងជា​បាន​ស្លាប់​ជា​ច្រើន​ថ្ងៃ​មក​ហើយ ដោយ​សព​មាន​សភាព​ហើម​ស្អុយ និង​ជះក្លិន​យ៉ាង​ខ្លាំង​មក​ខាងក្រៅ​ផ្ទះ ទើប​បង្ក​ឱ្យ​មានការ​ភ្ញាក់ផ្អើល​ទៅ​ដល់​អ្នក​ជិត​ខាង និង​កម្លាំង​សមត្ថកិច្ច​ចុះ​មក​មើល កាលពី​ម៉ោង​១០​និង​៣០​នាទី​ព្រឹក ថ្ងៃ​ទី​២៣ ខែវិច្ឆិកា ឆ្នាំ​២០១៨ នៅ​ចំណុច​ផ្ទះ​ជួល​មួយ​កន្លែង តាម​បណ្តោយ​ផ្លូវ​១៣៦ ក្នុង​សង្កាត់​ផ្សារ​កណ្តាល​ទី​១ ខណ្ឌដូន​ពេញ ដោយ​​មិន​មាន​នរណា​ម្នាក់​ដឹង​ថា រូប​គាត់​ស្លាប់​ដោយសារ​មូលហេតុ​អ្វី​ច្បាស់លាស់​ឡើយ?

ប្រភព​ពី​ស្ត្រី​អ្នក​ជិតខាង​ម្នាក់​ប្រាប់​ឱ្យ​ដឹង​ថា មុន​កើត​ហេ​ត់​នា​ព្រឹក​នេះ​ដែរ ពួក​គាត់​ដែល​ជា​អ្នក​រស់នៅ​ក្បែរ​ខាង​ផ្ទះ​បាន​ធំ​ក្លិនស្អុយ​យ៉ាង​ខ្លាំង​ចេញពីផ្ទះ​ល្វែង​មួយ​កន្លែង​ខាងលើ ដោយ​ពួក​គាត់​ដឹង​ថា មាន​បុរស​ជា​ជនបរទេស​ម្នាក់​មក​ជួល​នៅ​អស់​រយៈពេល​ជា​យូរ​មក​ហើយ​នោះ ដោយ​សង្ស័យ​ពួក​គាត់​ក៏​រាយការណ៍​ទៅ​ប្រាប់​សម្ថ​កិច្ច​មូលដ្ឋាន​ឱ្យ​ដឹង​ពី​រឿង​នេះ​។

តាម​ប្រភព​ដដែល​ប្រាប់​បន្ត​ថា លុះ​ពេល​កម្លាំង​សមត្ថកិច្ច​ចុះ​មក​ដល់ ក៏​ប្រទះ​ឃើញ​សព​របស់​បុរស​ជា​ជនបរទេស​ម្នាក់​មាន​សភាព​ហើម​ស្អុយ​មើល​លែង​ស្គាល់​ទៅ​ហើយ ទើប​បង្ក​ឱ្យ​មានការ​ភ្ញាក់ផ្អើល​កើត​ឡើង​តែ​ម្តង​។ បុរស​ជា​ជនបរទេស​ម្នាក់​ដែល​ស្លាប់​នេះ ពួក​គាត់​មិន​បានដឹង​ថា ជា​ជនជាតិ​បារាំង អា​មេ​រិ​ក ឬ​ក៏​ជា​ជនជាតិ​អ្វី​ច្បាស់​ឡើយ ហើយ​រូប​គាត់​ក៏​មក​ជួល​ផ្ទះ​ខាងលើ​ស្នាក់​នៅ​ជា​យូរណាស់​មក​ហើយ​ដែរ ដោយ​គ្រាន់​ត្រឹម​ញញឹម​ដាក់​គ្នា​នៅ​ពេល​ជួ​បម​ខ​ម្តង​ៗ​ប៉ុណ្ណោះ ។ លុះ​បាត់​មួយ​រយៈ​ក៏​ស្រាប់តែ​មានរឿង​បែប​នេះ​តែ​ម្តង​ទៅ​។

ក្រោយ​ពេល​កើតហេតុ គេ​បានឃើញ​មា​នក​ម្លាំ​មាន​សមត្ថកិច្ច​ជា​ច្រើន​នាក់​បាន​នាំ​គ្នា​ចុះ​មក​ធ្វើការ​ត្រួត​ពិនិត្យ​សព​របស់​ជនបរទេស​រង​គ្រោះ និង​បញ្ជូន​តាម​រថយន្ត​យក​ទៅ​តម្កល់​នៅ​វត្ត​ស្ទឹង​មាន​ជ័យ​ជា​បណ្តោះ​អាសន្ន ដើម្បី​រង់ចាំ​ស្រាវជ្រាវ​រក​ក្រុម​គ្រួសារ​ឱ្យមក​ទទួលយក​ទៅ​កាន់​ប្រទេស​កំណើត​វិញ​ផង​ដែរ​។

ពាក់ព័ន្ធ​ទៅ​នឹង​ករណី​ស្លាប់​របស់​បុរស​ជនបរទេស​ម្នាក់​ខាងលើ​នេះ​ដែរ នៅ​មិន​ទាន់​ដឹង​ថា រូប​គាត់​បាន​ស្លាប់​បាត់បង់​ជីវិត​ដោយសារ​ជា​ករណី​ឃាតកម្ម ប្លន់​សម្លាប់ ឬ​ក៏​យ៉ាងណា​នោះ​ទេ ព្រោះ​កម្លាំង​មាន​សមត្ថកិច្ច​មិនបាន​​ប្រាប់​អ្វី​ឡើយ រង់ចាំ​ការ​ស្រាវជ្រាវ ។

Facebook Google Twitter Email

Live

Sponsored News

ការស្ទង់មតិគេហទំព័រថ្មី




    សូម​អរគុណ