លោកអ្នកគួរជ្រើសរើសដើមឈើប្រភេទណាយកមកដាំនៅក្នុងបរិវេណផ្ទះ ?
បើតាមក្បួនហោរាសាស្ត្រ ដើមឈើខ្លះដាំទៅនឹងនាំទុក្ខភ័យ នាំជំងឺដង្កាត់ដល់គ្រួសារ រកស៊ីមិនឡើង ឯដើម ឈើខ្លះទៀតដាំទៅនាំលាភសំណាង នាំឱ្យកាក់កបក្នុងមុខរបរ និងនាំឱ្យសុខសប្បាយក្នុងសង្គមគ្រួសារ ។
ខាងក្រោមនេះជាដើមឈើ៤ប្រភេទដែលលោកអ្នកគួរយកមកដាំនៅក្នុងទិសទាំង៤នៃបរិវេណផ្ទះរបស់លោកអ្នក ។
១-ទិសខាងជើងៈ គួរដាំដើមឫស្សី ជួយឲ្យរកស៊ីចេះតែកាក់កប មានលាភមានយស បានឡើងតំណែងនិងតំណាងឱ្យភាពរុងរឿងក្នុងគ្រួសារ ។
២-ទិសខាងត្បូង ដាំដើមដូងដើម្បីជួយឲ្យសង្គមក្រុមគ្រួសារមានសុខភាពមាំមួន ជួយកម្ចាត់ទុក្ខភ័យ ដែលកើតអំពីផ្លូវងងឹត មានអាប ធ្មប់ ព្រាយ បិសាចជាដើម និងនាំមកនូវថាមពលល្អដល់សមាជិកគ្រួសារ ។
៣-ទិសខាងកើត ដាំដើមមៀននៅមុខផ្ទះនឹងជួយកម្ចាត់គ្រោះឧបទ្រពចង្រៃ ការពាររឿងក្ដីក្ដាំ ការពាររឿងអសោចិ៍ និងបញ្ចៀសមនុស្សនាំភ័យចូលមកក្នុងផ្ទះ ។ លើសពីនេះទៀតដើមមៀនតំណាងឱ្យរកស៊ីមានបាន មានលុយចូលផ្ទះហូរហៀរ ។
៤-ទិសខាងលិចៈ ដាំដើមក្រូចទោះជាក្រូចអ្វីក៏ដោយ នឹងជួយការពារកូនចៅ ព្រមទាំងខ្លួនឯងជាអ្នកដាំឱ្យសុខសប្បាយការពារបញ្ចៀសជំងឺដង្កាត់ផ្សេងៗ និងជួយរឹតចំណងមេត្រីភាពទាំងមនុស្សនៅក្នុងគ្រួសារ និងមនុស្សទូទៅចូលចិត្តស្រឡាញ់រាប់អាន ។
ចែករំលែកព័តមាននេះ