ប្រជាជនចិន និងកូនខ្មែរកាត់ចិនមានជំនឿខ្លាំងអំពីការដាក់តាំងរូបចម្លាក់នៅក្នុងផ្ទះថា បើដាក់តាំងរូបចម្លាក់ឱ្យបានត្រឹមត្រូវទៅតាមក្បួនហុងស៊ុយនឹងនាំមកនូវលាភសំណាង សុខចម្រើន តែបើតាំងរូបចម្លាក់ខុសនឹងនាំមកនូវជំងឺដង្កាត់ រកស៊ីមិនឡើង និងជួបតែរឿងផ្សេងៗនៅក្នុងផ្ទះដោយមិនដឹងមូលហេតុ។ ដូច្នេះដើម្បីកុំឱ្យកើតមានភយន្តរាយណាមួយកើតឡើងនៅក្នុងគ្រួសារ តើអ្នកដឹងថាឆ្នាំរបស់អ្នកគួរតែដាក់តាំងរូបចម្លាក់អ្វីនៅក្នុងផ្ទះទើបនាំលាភសំណាងដល់លោកអ្នកពេញមួយជីវិត?
តាមការទស្សន៍ទាយពីគ្រូជំនាញខាងមើលហុងស៊ុយប្រចាំឆ្នាំ ២០១៨ បានប្រាប់ឱ្យដឹងមុននេះបន្តិចថា រឿងជំនឿដែលនឹងអាចជួយយោងដួងរាសីឆ្នាំទាំង ១២ ឱ្យមានហុងស៊ុយល្អ រាសីឡើងខ្ពស់ត្រដែត រកទទួលទានចេះតែកាក់កបរលូនទៅមុខ សម្បូរទ្រព្យហូរហៀរ សម្បូរលុយចាយ និងចៀសឆ្ងាយពីជំងឺដង្កាត់ ពេញមួយជីវិតនោះ លោកអ្នកគួរតែតាំងរូបចម្លាក់ឱ្យត្រូវតាមឆ្នាំនីមួយៗរៀងខ្លួនដូចតទៅ ៖
១-ឆ្នាំជូត និងឆ្នាំវក បុរសស្ត្រីណាកើតឆ្នាំទាំងពីរនេះ ត្រណមអួតក្អេងក្អាង និងមើលងាយអ្នកដទៃ ហើយរូបចម្លាក់ដែលលោកអ្នកត្រូវដាក់តាំងក្នុងផ្ទះគឺរូប សត្វឆ្កែមួយប្រភេទដែលយាមនៅក្នុងព្រះរាជវាំង ព្រោះវាតំណាងឲ្យសុខសន្តិភាព និងភាពមានបានសម្បូរហូរហៀរទ្រព្យសម្បត្តិ ។
២-ឆ្នាំខាលនិងឆ្នាំរកា អ្នកឆ្នាំទាំងពីរនេះ ត្រូវតាំងរូបទេវតាទ្រព្យស្ពាយថង់មាសថង់ប្រាក់ ក្នុងបន្ទប់គេង វានឹងជួយទល់ទ្រជ្រោងរាសីរបស់លោកអ្នកឱ្យខ្ពស់ឡើង ព្រមទាំងជួយឲ្យក្រុមគ្រួសាររីករាយជានិច្ច ហើយគ្មានរឿងអពមង្គលកើតឡើង និងរកទទួលទានចេះតែមានបាន ។
៣-ឆ្នាំឆ្លូវ និងឆ្នាំមមី ឆ្នាំទាំងពីរនេះជាប្រភេទឆ្នាំមានពង្សជាទេវតាដែលមានឫទ្ធិអំណាចខ្លាំង ព្រមទាំងចិត្តកាចបន្តិច លោកអ្នកគួរដាក់តាំងរូបចម្លាក់ត្រីរំលេចដោយត្បូង ឬក្រណាត់ ក្រហម វានឹងជួយឱ្យលោកអ្នកឈ្នះអស់មារសត្រូវ កាក់កបក្នុងមុខរបរ ធ្វើអ្វីចេះតែត្រូវ មានសុខភាពល្អ និងមានមនុស្សចាំជួយយកអាសាគ្រប់ពេលវេលា ។
៤-ឆ្នាំថោះ និងឆ្នាំ មមែ ឆ្នាំទាំងពីរនេះ គួរតែតាំងរូបចម្លាក់ស្វាជិះសេះពណ៌មាស ជាពណ៌មានលាភសំណាងចូលផ្ទះ និងតំណាងឱ្យភាពស្វាហាប់ រួសរាយរាក់ទាក់ មានចំណេះដឹងខ្ពង់ខ្ពស់ មានមុខរបរឋិតឋេរ ព្រមទាំងតំណាង ឱ្យមានទ្រព្យសម្បត្តិច្រើន ។
៥-ឆ្នាំកុរ និងឆ្នាំច ឆ្នាំទាំងពីរនេះ គួរតែតាំងរូបចម្លាក់ កង្កែបលាភពណ៌ប្រាក់ពាំដុំពេជ្រ ព្រោះតំណាងឲ្យភាពរុងរឿង រកស៊ីចេះតែដុះឡើងរហូត និងមានសុខភាពល្អ ធ្វើដំណើរទៅទីជិត ឆ្ងាយ មានតែមនុស្សល្អសុំរាប់អានជាមួយ ។
៦-ឆ្នាំម្សាញ់ និងឆ្នាំរោង ឆ្នាំទាំងពីរនេះជាប្រភេទឆ្នាំមានអំណាច និងមានភាពម៉ឺងម៉ាត់ ដែលចង់ធ្វើអ្វីតាមតែចិត្ត លុះក្នុងអំណាចរបស់ខ្លួន តែជាអ្នកមានហេតុផលត្រឹមត្រូវ ហើយស្រលាញ់ញាតិមិត្តបងប្អូនណាស់ ហេតុនេះលោកអ្នកត្រូវតាំងរូបសេះពណ៌មាសក្នុង បន្ទប់គេង ព្រោះវានឹងនាំឱ្យរាល់កិច្ចការរបស់លោកអ្នកមានសភាពរលូនលឿនទៅមុខ មានទ្រព្យច្រើន និងមានគេអាណិតស្រលាញ់ច្រើន ។
ចែករំលែកព័តមាននេះ